12-Dec-2022

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ) ଆଜି ରାଜ୍ୟ କୃଷି ଶିଳ୍ପ ନିଗମ ଉପାଧ୍ୟକ୍ଷ  ଡ଼ଃ. ସନ୍ତୋଷ ବେଜ ଙ୍କ ସୁବର୍ଣ୍ଣପୁର ଜ଼ିଲ୍ଲା ଗସ୍ତ କାର୍ଯ୍ୟକ୍ରମ ରେ ଜ଼ିଲ୍ଲା ର ବିଭିନ୍ନ ଅଞ୍ଚଳ ଗସ୍ତ କରିଥିଲେ l କୃଷି ଶିଳ୍ପ ନିଗମ ପକ୍ଷରୁ ସରକାର ଙ୍କ ଜଳନିଧି ଯୋଜନା 2 ଓ ବିଭିନ୍ନ ଯୋଜନା ରେ ମାତ୍ରାଧିକ ଚାଷୀ କିଭଳି ସୁଫଳ ପାଇ ପାରିବେ,  ସୋଲାର ପ୍ୟାନେଲ ଓ ବିଦ୍ୟୁତ ସଂଯୋଗ ମାଧ୍ୟମ

ରେ ସିଧା ସଳଖ ଚାଷୀ କେମିତି ଅଧିକ ଲାଭ ଉଠାଇ ପାରିବେ ଏବଂ  କୃଷି କୁ ଏକ ବୃହତ ଶିଳ୍ପ ଭାବରେ ରାଜ୍ୟ ସରକାର ହାତ କୁ ନେଇଥିବା  ଅନେକ ନୁଆଁ ଯୋଜନା, ଏସବୁ ଉପରେ ଆଜି ଚାଷୀ ଓ ବିଭାଗୀୟ କର୍ମଚାରୀ ଙ୍କ ସହିତ ଭାବ ବିନିମୟ ମାଧ୍ୟମ ରେ ଆଲୋଚନା କରିଥିଲେ ବୋଲି  ସ୍ଥାନୀୟ ସର୍କିଟ ହାଉସ ଠାରେ ଗଣ ମାଧ୍ୟମ ଙ୍କ ପ୍ରଶ୍ନ ର ଉତ୍ତର ରଖିଥିଲେ l

ଏବଂ ଜ଼ିଲ୍ଲା ରେ ଏକ କୃଷି ଶିଳ୍ପ ଭିତ୍ତିକ  ଶିଳ୍ପାନୁଷ୍ଠାନ ସମେତ  କିଛି ଫୁଡ ପ୍ରୋସେସିଂ ଶିଳ୍ପାନୁଷ୍ଠାନ ନିର୍ମାଣ ପାଇଁ ସରକାର ଙ୍କ ପାଖରେ ନିଗମ ଜରିଆରେ ପ୍ରସ୍ତାବ ରଖିବାକୁ ସାମ୍ବାଦିକ ମାନେ  ଅନୁରୋଧ କରିଥିଲେ l ପରେ ପରେ ସୋନପୁର ବ୍ଲକ ର ମୟୂରଉଡାନ ଗ୍ରାମ ପଞ୍ଚାୟତ ର ରୁଗୁଡ଼ିପାଲି ଗାଁ କୁ ପରିଦର୍ଶନ ରେ ଯାଇ ଜଳନିଧି 2 ଯୋଜନା ରେ ହିତାଧିକାରୀ ଚାଷୀ ଙ୍କୁ ପମ୍ପ ସେଟ ଓ କୃଷି ଉପକରଣ ବଣ୍ଟନ ଓ କୃଷି ଯନ୍ତ୍ରୀ କରଣ ଯୋଜନା ମାଧ୍ୟମ ରେ ଜଣେ ଚାଷୀ ଙ୍କୁ  ସ୍ୱରାଜ ଟ୍ରାକ୍ଟର ବଣ୍ଟନ କରି ପମ୍ପ ସେଟ ସବୁ କୁ ଚାର୍ଜ କରିଥିଲେ ଏବଂ ଏକ ନୂତନ କ୍ଷୁଦ୍ର ଉଠା ଜଳ ସେଚନ ପ୍ରକଳ୍ପ କୁ  ଉଦଘାଟନ କରିଥିଲେ l ଆଜି ର ଏହି କାର୍ଯ୍ୟକ୍ରମ ରେ  ସୁବର୍ଣ୍ଣପୁର ଜ଼ିଲ୍ଲା କୃଷି ଶିଳ୍ପ ନିଗମ  ପରିଚାଳକ ଇଂ ସତ୍ୟ ରଞ୍ଜନ ମିଶ୍ର ଙ୍କ ସମେତ  କନିଷ୍ଠ ଯନ୍ତ୍ରୀ କେ. ସୁମନ ପାତ୍ର, ପର୍ଶୁରାମ ସ୍ୱାଇଁ, ସତ୍ୟ ନନ୍ଦ, ନବୀନ ବିଶି, ପ୍ରଶାନ୍ତ ଜେନା ପ୍ରମୁଖ ସମସ୍ତ କର୍ମଚାରୀ ସାମିଲ  ଥିଲେ l  ପ୍ରକାଶ ଯେ ବିଜେଡି ର ସକ୍ରିୟ କର୍ମୀ ସଂଜୟ ସାହୁ, ପ୍ରାକ୍ତନ ଏମପି କଳିକେଶ ସିଂଦେଓ ଙ୍କ ପ୍ରତିନିଧି ମନୋରଞ୍ଜନ ତ୍ରିପାଠୀ, ସାମ୍ବାଦିକ ପିତାମ୍ବର ମହାପାତ୍ର ଙ୍କ ସମେତ ଦଳୀୟ କର୍ମୀ ଙ୍କ ଦ୍ୱାରା ଉପାଧ୍ୟକ୍ଷ ଡ଼ଃ, ସନ୍ତୋଷ ବେଜ ଙ୍କୁ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା l