12-Dec-2022

ବଲାଙ୍ଗୀର(ପ୍ରେରଣା ଖବର): ଗତକାଲି ସ୍ଥାନୀୟ କଦଳୀ ମୁଣ୍ଡା ନର୍ସରୀ ଠାରେ ୧୯୮୯ ପି.ପି ଏକାଡେମୀ ମେଟ୍ରିକ୍ ବ୍ୟାଚ୍‌ର ଏକ ବନ୍ଧୁ ମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ୧୯୮୯ ମସିହାରେ ପି ପି ଏକାଡେମୀରେ ମେଟ୍ରିକ ପାସ କରିଥିବା ବହୁ ସାଙ୍ଗସାଥୀ ମାନେ ନିଜ ଛାତ୍ର ଜୀବନର ସ୍ମୃତି ରୋମାନ୍ଥନ କରିଥିଲେ ।ନିଜ ନିଜ ମଧ୍ୟରେ ପରିଚୟ ଓ ଭାବର ଆଦାନ ପ୍ରଦାନ ପରେ ସମସ୍ତେ ବଣଭୋଜି କାର୍ଯ୍ୟକ୍ରମକୁ ବେଶ ଉପଭୋଗ କରିଥିଲେ । ଆସନ୍ତା ୨୦୨୩  ବର୍ଷ ଏହି ବ୍ୟାଚ୍‌ର ସମସ୍ତେ ୫ଠ ବର୍ଷରେ ପଦାର୍ପଣ କରିବାକୁ ଥିବା ବେଳେ ଏହାକୁ ସ୍ମରଣୀୟ କରିବା ପାଇଁ   କିଛି ଅଭିନବ କାର୍ଯ୍ୟକ୍ରମ ହାତକୁ ନିଆଯିବାକୁ ସ୍ଥିରୀକୃତ ହୋଇଛି । ବଣଭୋଜି ଓ ବନ୍ଧୁମିଳନ କାର୍ଯ୍ୟକ୍ରମକୁ ସଫଳ କରିବାରେ ୧୯୮୯ ମେଟ୍ରିକ ବ୍ୟାଚ୍ ର ସମସ୍ତ ବନ୍ଧୁ ମାନେ ସହଯୋଗ କରିଥିଲେ ।