12-Dec-2022

ଡୁଙ୍ଗୁରିପାଲି/ଏସ.ରାମପୁର-(ଅରବିନ୍ଦ ମିଶ୍ର)- ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ସାମ୍ବାଦିକ ସଂଘର ନୂତନ କର୍ମକର୍ତ୍ତା ସ୍ଥାନୀୟ ନିୟନ୍ତ୍ରୀତ ବଜାର ସଭାଗୃହରେ ସାମ୍ବାଦିକ ମୁକେଶ କୁମାର ଭୋଇଙ୍କ ସଭାପତିତ୍ୱରେ ଗତକାଲି ଅନୁଷ୍ଠିତ ହୋଇଯାଇଛି । ସମାଜର ନିମ୍ନ ବର୍ଗର ଲୋକଙ୍କ ଜିବନୀ ଉପରେ ନିଜ ନିଜ ଖବର କାଗଜରେ ସତ୍ୟତାକୁ ନେଇ ଖବର ପ୍ରକାଶ କଲେ ଉକ୍ତ ବର୍ଗର ଲୋକେ ଉପକୃତ ହେବେ ବୋଲି ଶ୍ରୀଯୁକ୍ତ ଭୋଇ ପ୍ରକାଶ କରିଥିଲେ । ଆତ୍ମଗର୍ବ ଜଣେ ସାମ୍ବାଦିକଙ୍କ ପାଇଁ ଶୋଭନୀୟ ନୁହେଁ । ସେ ନିଜର ଅହଂହାରକୁ ପରିହାର କରି ସମାଜର ମଙ୍ଗଳ ପାଇଁ ଲେଖନୀ ଚଳାଇବା ସାମ୍ବାଦିକର ଧର୍ମ ବୋଲି ସାମ୍ବାଦିକ ପଦ୍ମବାଗ ଯାଦବ ପ୍ରକାଶ କରିଥିଲେ । ଏହି ଅବସରରେ ସଂଘର ନୂତନ କମିଟୀ ଗଠନ କରାଯାଇଥିଲେ । ସର୍ବସମ୍ମତି କ୍ରମେ ସଭାପତି ଭାବେ ପଦ୍ମବାଗ ଯାଦବ, ଉପସଭାପତି ଚୌବର୍ଗ ଭୋଇ, ସଂପାଦକ ଘନଶ୍ୟାମ ମେହେର, ସଂ ସଂପାଦକ ନିମାଇ ଥପା, କୋଷାଧ୍ୟକ୍ଷ ସାଗର ଜେନା, ଗ୍ରନ୍ଥାଗାର ଦେବରାଜ ବେହେରା, ଆଇନ ପରାମର୍ଶଦାତା ଅରବିନ୍ଦ ମିଶ୍ର, ବରିଷ୍ଟ ଉପଦେଷ୍ଟା ଭାବେ ବିପ୍ରଚରଣ ସାହୁଙ୍କୁ ଚୟନ କରାଯାଇଛି । ସଭ୍ୟ ଭାବରେ କମଲ ମେହେର, ତୁଲସୀ ପ୍ରସାଦ ଦାଶ, ଲକ୍ଷ୍ମଣ ନାଏକ, ପ୍ରେମଲାଲ ସେଠ, ମହନ ମେହେର, ମୁକେଶ କୁମାର ଭୋଇ, ଅରକ୍ଷିତ ମହାନନ୍ଦ, ପ୍ରଶାନ୍ତ ସେଠ ପ୍ରମୁଖ ରହିଛନ୍ତି । ଶେଷରେ ସାମ୍ବାଦିକ ରତ୍ନାକର ସେଠ ଧନ୍ୟବାଦ ଅର୍ପଣ କରିଥିଲେ ।