08-Dec-2022

ଲୋଇସିଂହା/ଆଗଲପୁର (ବିନୋଦ କୁମାର ଦୀପ) ଲୋଇସିଂହା ବ୍ଲକ ବୁର୍ଡl ପଂଚାୟତ ଅନ୍ତର୍ଗତ ବାଞ୍ଜିପାଳି ଆମ୍ବେଦକର ନଗର ଠାରେ ଏସଏସଏ, ୟୁନିଟ ଲୋଇସିଂହା ପକ୍ଷରୁ ବିଶ୍ୱରତ୍ନ ଡ଼. ଭୀମରାଓ ଆମ୍ବେଦକରଙ୍କ ୬୬ତମ ମହା ପରିନିର୍ବାଣ ଦିବସ ପାଳନ କରାଯାଇଛି l ସଂଘର ସମସ୍ତ ସଭ୍ୟ ସଭ୍ୟାଙ୍କ ଉପସ୍ଥିତୀରେ ବାବାସାହେବଙ୍କ ଷ୍ଟେଚୁରେ ପ୍ରଦୀପ ପ୍ରଜ୍ବଳନ ଏବଂ ପୁଷ୍ପମାଲ୍ୟ ଅର୍ପଣ କରି ବୁଦ୍ଧ ବନ୍ଦନା ଏବଂ ଭାରତୀୟ ସମ୍ବିଧାନର ମୁଖବନ୍ଧକୁ ପଠନ କରାଯାଇଥିଲା l ବାବାସାହେବଙ୍କ ବିଚାରଧାରା ଓ ସିଦ୍ଧlନ୍ତକୁ ଆଗକୁ ନେଇ ସାମ୍ବିଧାନିକ ଲୋକତନ୍ତ୍ର ଏବଂ ଜାତିବିହୀନ ସମାଜ ଗଠନ କରିବା ପାଇଁ ସମସ୍ତେ ଶପଥପାଠ କରିଥିଲେ l ଏହି ଅବସରରେ ସମାଜସେବୀ ଧୀମାନ ବିଜୟ ମହାନନ୍ଦ, ଧୀମାନ ଜଗନ୍ନାଥ ମେଘ, ମୂଳନୀବାସୀ ମହିଳା ସମିତିର ରାଜ୍ୟ ସଭାନେତ୍ରୀ ଧୀମତି ବନିତା ସାମଲ, ବଲାଙ୍ଗୀର ଜିଲ୍ଲା ମୂଳ ନିବାସୀ ମହିଳା ସଂଗଠକ ଧୀମତି ସୁଭଦ୍ରା ସୁନା ଅତିଥି ରୂପରେ ଯୋଗଦାନ କରି ଭାରତରତ୍ନ ବାବାସାହେବ ଆମ୍ବେଦକରଙ୍କ ଲିଖିତ ସମ୍ବିଧାନ କିପରି ସମଗ୍ର ନାରୀ ସମାଜକୁ ମୁକ୍ତି କରିଛନ୍ତି ତାହା ବକ୍ତବ୍ୟ ରଖିଥିଲେ l ସମସ୍ତ ଭାରତକୁ ଏକ ସୂତ୍ରରେ ବାନ୍ଧି ରଖି ଗୁରୁତ୍ୱାରୋପ କରିଥିଲେ l

ଲାଲମନ ନାଗ ଉପସ୍ଥିତ ଥିବା ସହ ସଭାକୁ ଧୀମାନ ଅଶୋକ ନନ୍ଦ, ଧିମାନ ଦୈତାରୀ ନନ୍ଦ ପରିଚାଳନା କରିଥିଲେ l ଧୀମାନ ଅଭିନାଶ ନାଗ ଏବଂ ଧୀମାନ ସୁନିଲ ନନ୍ଦ ପ୍ରମୁଖ ଉପସ୍ଥିତ ରହି ବାବାସାହେବଙ୍କ ବିଚାର ଏବଂ ଜୀବନଦର୍ଶନ ଉପରେ ଆଲୋଚନା କରି ଧନ୍ୟବାଦ ଅର୍ପଣ କରି ସଭାକାର୍ଯ୍ୟ ଶେଷ କରିଥିଲେ l ଏହି ପରିପ୍ରେକ୍ଷୀରେ ଆମ୍ବେଦକର ଯୁବାମଞ୍ଚ ଆଗଲପୁର ପକ୍ଷରୁ ଆଗଲପୁର କଲ୍ୟାଣମଣ୍ଡପ ଠାରେ ମଧ୍ୟ ବାବା ସାହେବ ଆମ୍ବେଦକରଙ୍କ ମହା ପରିନିର୍ବାଣ ଦିବସ ପାଳନ କରାଗଲା l ଧୀମାନ ହିମାଂଶୁ ବିଭାର, ସନୋଜ ନାଗ, ରାଜେନ୍ଦ୍ର ସୁନା, ପ୍ରହଲ୍ଲାଦ ମହାନନ୍ଦ, ପ୍ରକାଶ ଦୀପ, ଧୀମତି ସାନ୍ଧ୍ୟlରାଣୀ ନାଗ ପ୍ରମୁଖ ପ୍ରମୂଖ ଅତିଥି ଭାବେ ଯୋଗ ଦେଇଥିଲେ l