05-Dec-2022

ଉଲୁଣ୍ଡା(ଗୌରଚନ୍ଦ୍ର ପରିଛା): ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଚଡେଇପଙ୍କ ସରଶ୍ୱତୀ ଶିଶୁ ବିଦ୍ୟାମନ୍ଦିର ଠାରେ ଗୀତାଜୟନ୍ତୀ ପାଳିତ ହୋଇଯାଇଛି । ପ୍ରଧାନ ଆଚାର୍ଯ୍ୟ ସଂଜୀବ ପୁରୋହିତଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ବିଦ୍ୟାଳୟର ସଭାପତି ଜଗତପତୀ ଦେହୁରୀ ମୁଖ୍ୟ ଅତିଥି ଭାବରେ ଯୋଗଦେଇଥିଲେ । ଏହି ଅବଶରରେ ଅଚ୍ୟୁତାନନ୍ଦ ପୁରୋହିତ, ଆଲୋକ କୁମାର ନନ୍ଦଙ୍କ ସମେତ ସମସ୍ତ ଛାତ୍ରଛାତ୍ରୀ ମାନେ ଗୀତା ପଠନ କରିଥିଲେ ।  କାର୍ଯ୍ୟକ୍ରମକୁ ପ୍ରକାଶ ବଢଇଇ ପରିଚାଲାନ କରିଥିଲେ । ବିଦ୍ୟାଳୟର ସମସ୍ତ ଆଚାର୍ଯ୍ୟ, ଆଚାର୍ଯ୍ୟ, ଛାତ୍ରଛାତ୍ରୀ ଏବଂ ଅଭିଭାବକ ମାନେ ଉପସ୍ଥିତ ରହିଥିଲେ । ସେହିପରୀ ବାଘଲପୁର ମାରୁତୀ ଆଶ୍ରମରେ ମଠାଧିଶ ଦାନବିହାରୀ ଦାସଙ୍କ ତତ୍ୱାବଧାନ କ୍ରମେ ସାମୁହିକ ଭଗବତଗୀତା ପାରାୟଣ, ଭାଗବତ ଅନନ୍ତମୁଖି ଏବଂ ସହଶ୍ରନାମ ପଠନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ମୁଖ୍ୟ ପୂଝକ ଭାବରେ ବଦ୍ରୀନାରାୟଣ ଶତପଥି ରହିଥିବା ବେଲେ ମୁଖ୍ୟ ପାଠକ ଭାବରେ ରାମପ୍ରସାଦ ପଣ୍ଡା ଓ ବୁଲୁ ନେଗୀ ରହିଥିଲେ । ଅନ୍ୟମାନଙ୍କ ମଧ୍ୟରେ ପ୍ରତାପ ଦେହେରୀ, ଲକ୍ଷ୍ମଣ ଦେହେରୀ ଓ ପ୍ରଦୀଫ ପାଣିଗ୍ରାହୀ ସହେଯାଗ କରିଥିଲେ ।