02-Dec-2022

ନୟାଗଡ଼, (ପ୍ରଦୀପ କୁମାର ପଣ୍ଡା)ନୟାଗଡ଼ ଜିଲ୍ଲାର ଗଣିଆ ଜଗନ୍ନାଥ ମନ୍ଦିରର ବାର୍ଷିକ ଉତ୍ସବ ଶୁକ୍ରବାର ଅନୁଷ୍ଠିତ ହୋଇଯାଇଛି । ମାର୍ଗଶିର ମାସ ଶୁକ୍ଲପକ୍ଷ ଦଶମୀ ରେ ଶ୍ରଦ୍ଧାଳୁଙ୍କ ବେଶ୍ ସମାଗମ ମଧ୍ୟରେ ପୀଠ ଏବେ ଉତ୍ସବମୁଖରିତ। ମନ୍ଦିର ପରିସର ଆଧ୍ୟାତ୍ମିକ ମାହୋଲରେ ପ୍ରକମ୍ପିତ ହୋଇ ଉଠୁଛି। ଭକ୍ତମାନେ ଚତୁର୍ଦ୍ଧାମୂର୍ତ୍ତିଙ୍କ ଦର୍ଶନ ପୂଜାର୍ଚ୍ଚନା ସହ ନିଜକୁ ବାର୍ଷିକ ଉତ୍ସବରେ ସାମିଲ କରି ଭାଗ୍ୟବାନ ମଣିଛନ୍ତି। ଉତ୍ସବର ଦୀକ୍ଷାଗ୍ରହଣ ଓ ଅଙ୍କୁରାରୋପଣ ରୀତିନୀତି ସମ୍ପନ୍ନ କରାଯାଉଛି। ଜଗନ୍ନାଥ ମନ୍ଦିର ଟ୍ରଷ୍ଟ ଆନୁକୂଲ୍ୟରେ ଏହି ଉତ୍ସବ ବେଶ୍ ସୁରୁଖୁରୁରେ ଆରମ୍ଭ ହୋଇ ଭକ୍ତଙ୍କ ଗହଳି ଓ ଆଧ୍ୟାତ୍ମିକତା ଭାବାବେଗ ସହ ଆଗେଇ ଚାଲିଛି । ମହାନଦୀରେ ଆଚାର୍ଯ୍ୟ ବିଶେଶ୍ୱର ମିଶ୍ର , ବ୍ୟାସ ରାମଚନ୍ଦ୍ର ଦାସ, ଚିତ୍ତରଞ୍ଜନ ତ୍ରିପାଠୀ ଓ ଜଗନ୍ନାଥ ଦାସ ଙ୍କ ଦ୍ୱାରା ସୂର୍ଯ୍ୟପୂଜା ପରେ ପଚାସରୁ ଅଧିକ ପୁରୁଷ ଓ ମହିଳା ଭକ୍ତଙ୍କ ଦ୍ୱାରା ମହାନଦୀରୁ କଳସିରେ ଜଳ ଧରି ଭଜନ କୀର୍ତ୍ତନରେ ଭାବମୟ ପରିବେଶରେ ଗଣିଆସ୍ଥିତ ଜଗନ୍ନାଥ ମନ୍ଦିରରେ ପହଞ୍ଚି ହୋମ ଯଜ୍ଞ ଆଦି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି | ପରେ ମହିଳା ମାନଙ୍କ ଦ୍ୱାରା ସଂକୀର୍ତ୍ତନ ଅନୁଷ୍ଠିତ ହୋଇଛି