29-Nov-2022

ସମ୍ବଲପୁର/ପଡିଆବାହାଲ (ସଂଜୀବ ପାଣିଗ୍ରାହୀ)
 ପଡିଆବାହାଲ ଧନୁଯାତ୍ରାର ପଞ୍ଚମ ଦିବସରେ ସୋମବାର ଲୋକ ସମାଗମ ବହୁମାତ୍ରାରେ ବୃଦ୍ଧି ହୋଇଥିଲା l ସ୍ଥାନୀୟ କଳାକାରଙ୍କ ସହ ବାହାର ଅଂଚଳରୁ ଆସିଥିବା କଳାକାର ମାନଙ୍କ ଦ୍ୱାରା ଲୋକ କଳା, ନୃତ୍ୟ ପରିବେଷଣ କରି କଂସ ଦରବାରରେ କଂସଙ୍କ ସହ ଦର୍ଶକଙ୍କୁ ବିମୋହିତ କରିଥିଲେ l କୃଷ୍ଣ ବଳରାମଙ୍କୁ ନିଧନ କରିବାକୁ ଯାଇଥିବା ଅଷ୍ଟମଲ୍ଲ ବାଳୁତ ରାମକୃଷ୍ଣଙ୍କ ହସ୍ତରେ ନିଧନ ହୋଇଥିବା ଜାଣି କଂସ ମହାରାଜ ବିଜୁଳୀ କନ୍ୟାଙ୍କ ଶୂନ୍ୟବାଣୀ ସ୍ମରଣ କରି ଭୟଭୀତ ହୋଇଯାଇଥିଲେ l ମନ୍ତ୍ରଣା କରି ଧନୁ ଯାତ୍ରା ଦେଖି ଆସିବାକୁ ନିମନ୍ତ୍ରଣ ବାହନାରେ ଅକୃରଙ୍କୁ ପଠାଇଲେ କୃଷ୍ଣ ବଳାରାମଙ୍କୁ ମଥୁରା ଡାକି ଆଣିବାକୁ l ଏହି କାର୍ଯ୍ୟକ୍ରମରେ କଂସ ଦରବାରରେ ରାଜକୀୟ ଅତିଥି ଭାବେ ସିଡବ୍ଲୁସି ଅଧ୍ୟକ୍ଷ ବ୍ରଜେନ୍ଦ୍ର କୁମାର ପଣ୍ଡା ଓ ଆଦର୍ଶର ଚେୟାରମ୍ୟାନ ପ୍ରଦୀପ କୁମାର ବେହେରା ଯୋଗଦାନ କରିଥିଲେ । ଦରବାରରେ ସାମ୍ବାଦିକ ଅମଳେନ୍ଦୁ ନାଏକ, ସୁବାସ ନାଥ ଶର୍ମା, ରଧାମୋହନ ଷଡଙ୍ଗୀ, ନବୀନ ଦାସ ଓ ମାନସ ସାହୁଙ୍କୁ ସମ୍ମାନିତ କରାଯାଇଥିଲା । କାର୍ଯ୍ୟକ୍ରମକୁ ଡା.ରାଜାରାମ ଷଡଙ୍ଗୀ ସଂଯୋଜନା କରିଥିଲେ