28-Nov-2022

ଉଲୁଣ୍ଡା (ଗୌରଚନ୍ଦ୍ର ପରିଛା)  ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ସଭାଗୃହରେ ଜିଲ୍ଲପାଲ ଓ ଏସପିଙ୍କ ମିଳିତ ଅଭିଯୋଗ ଜନଶଣାଣୀ ଶିବିର ଅନୁଷ୍ଠିତ ହୋଇଯାଇଛି । ଆୟୋଜିତ ଶିବିରକୁ ଜିଲ୍ଲାପାଲ ଆବୋଲି ସୁନିଲ ନରୱାଣେ ଏବଂ ଏସପି ଅମରେଶ ପଣ୍ଡା ଯୋଗଦେଇ ଜନସାଧାରଣଙ୍କ ଆପତି ଅଭିଯୋଗ ଶୁଣିଥିଲେ । ଏଥିରେ ସର୍ବମୋଟ ୨୮ଟି ଅଭିଯୋଗ ପଂଜିକୃତ ହୋଇଥିଲା । ସେଥି ମଧ୍ୟରୁ ବ୍ୟକ୍ତିଗତ୨୧ ଏବଂ ସାମୁହିକ ୭ ଅଭିଯୋଗ ହୋଇଥିବା ବେଳେ ୮ଟି ଅଭିଯୋଗର ତୁରନ୍ତ ସମାଧାନ କରାଯାଇଥିଲା । ଅବଶିଷ୍ଠ ଅଭିଯୋଗ ଗୁଡିକ ନିର୍ଦ୍ଧାରିତ ସମୟ ମଧ୍ୟରେ ସମାଧାନ କରିବା ପାଇଁ ବିଭାଗୀୟ ଅଧିକାରୀ ମାନଙ୍କୁ ଜିଲ୍ଲାପାଲ ନିର୍ଦେଶ ଦେଇଥିଲେ । ଏହି ଅବଶରରେ ୫ଜଣ ହିତାଧିକାରୀଙ୍କୁ  ଭତା ପ୍ରଦାନ କରାଯାଇଥିଲା । ଅନ୍ୟମାନଙ୍କ ମଧ୍ୟରେ ଜିଲ୍ଲାପରିଷଦ ସିଇଓ ନିହାଁର ରଂଜନ କହଁର, ଉପଜିଲ୍ଲାପାଲ ଅଶୋକ ଭୋଇ, ତହସିଲଦାର ବିପିନ କୁମାର ପଧାନ, ଜଳ ଓ ପରିମଳ ବିଭାଗର ନିର୍ବାହୀ ଯନ୍ତ୍ରୀ ବିଭୂ ପ୍ରସାଦ ପଣ୍ଡା, ବ୍ଲକ ଅଧ୍ୟକ୍ଷା ସାନ୍ତିଲତା ମିଶ୍ର ଯୋଗଦେଇ ମଂଚାସୀନ ହୋଇଥିଲେ । ବିଡିଓ ହେମସାଗର ଭୋଇଙ୍କ ତତ୍ୱାବଧାନରେ ହୋଇଥିବା ଏହି ଶିବିରକୁ ବ୍ଲକ ତଥା ଜିଲ୍ଲାର ସମସ୍ତ ବିଭାଗର ଅଧିକାରୀ ମାନେ ଯୋଗଦେଇଥିଲେ । ଶିବିରକୁ ବିଏସଏସଓ କ୍ଷିରୋଦ ଭୂଷଣ ରାଏ ପରିଚାଲନା କରିଥିବା ବେଳେ ବ୍ଲକର ସମସ୍ତ କର୍ମଚାରୀ ସହ ଯୋଗ କରିଥିଲେ ।