28-Nov-2022

କର୍ଲାମୁଣ୍ଡା(ପ୍ରଦିପ କୁମାର ସାହୁ)
କଳାହାଣ୍ଡି ଜିଲ୍ଲା କର୍ଲାମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ର ମହିଳା ପୁରୁଷ ସ୍ୱାସ୍ଥ୍ୟ କର୍ମୀ,ବହୁମୁଖୀ ସ୍ୱାସ୍ଥ୍ୟ କର୍ମୀ, ଓ ସ୍ୱାସ୍ଥ୍ୟ ପରିଦର୍ଶକ ଙ୍କ ପକ୍ଷରୁ ବିଭିନ୍ନ ଦାବି ନେଇ  ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ ଙ୍କ  ଉଦେଶ୍ୟ ରେ ସୋମବାର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ର ଚିକିତ୍ସା ଅଧିକାରୀ ଙ୍କୁ ଦାବି ପତ୍ର ପ୍ରଦାନ କରିଛନ୍ତି।ଦାବି ଗୁଡିକ ମଧ୍ୟରେ କ୍ୟାଡ଼ର ର ପୁନଃଗଠନ,ସ୍ୱାସ୍ଥ୍ୟ ବିଭାଗ ପକ୍ଷରୁ ଚଳିତ ମାସ ପ୍ରକାଶିତ ବିଜ୍ଞପ୍ତି ର ପ୍ରତ୍ୟାହାର, ଆର ଏ ସି ପି ଆକାର ରେ ଦରମା ପ୍ରଦାନ,ଠିକା କର୍ମଚାରୀ ଙ୍କ ଛଅ ବର୍ଷ ମୂଳ ଚାକିରୀରେ ଗଣିବା ସହ ଛଅ ଟି ଇଂକ୍ରିମେଣ୍ଟ ମିଳିବା, କର୍ମଚାରୀ ଙ୍କ ପୋଷାକ ବାବଦକୁ ବାର୍ଷିକ ପାଞ୍ଚ ହଜାର ଟଙ୍କା , ସ୍ୱାସ୍ଥ୍ୟ ପରିଦର୍ଶକ ଓ ବହୁମୁଖୀ ସ୍ୱାସ୍ଥ୍ୟ କର୍ମୀ ଙ୍କ ପଦବୀର ନାମ ପରିବର୍ତ୍ତନ ଭଳି ଦାବି ଗୁଡିକ ରହିଛି।ତେବେ ଦାବି ପୂରଣ ନ ହେଲେ ଆସନ୍ତା ମାସ ୧୪ ତାରିଖରୁ ଅସହଯୋଗ ଆନ୍ଦୋଳନ ଓ ୨୧ ତାରିଖରୁ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ କାର୍ଯ୍ୟ ବନ୍ଦ କରିବାକୁ ନିଷ୍ପତ୍ତି ହୋଇଥିବା  ସଂଘ ପକ୍ଷରୁ କୁହାଯାଇଛି।ଏଥିରେ  ସ୍ୱାସ୍ଥ୍ୟ ପରିଦର୍ଶକ କିଶୋର ଚନ୍ଦ୍ର ଦାଶ୍,ସ୍ୱାସ୍ଥ୍ୟ କର୍ମୀ ପ୍ରଶାନ୍ତ ଦୀପ,ବିମଳ ଚନ୍ଦ୍ର ସାହୁ, ପବିତ୍ର ନାଏକ,କିରଣ ପ୍ରଭା ନାଏକ,ଆନନ୍ଦିନୀ ସାହୁ, ସୀମା ବାଗ ପ୍ରମୁଖ ଉପସ୍ଥିତ ଥିଲେ