27-Nov-2022

ବଲାଙ୍ଗିର -(ପ୍ରେରଣା ଖବର) ବଲାଙ୍ଗିର ୨୭ ନଭେମ୍ବର: ବଲାଙ୍ଗିର ଜିଲ୍ଲା ଗାୟତ୍ରୀ ପରିବାର ଜିଲ୍ଲା ସଂଯୋଜକ ଉଦୟନାଥ ପାତ୍ରଙ୍କ ଅଧ୍ୟକ୍ଷତାରେ ଆଜି ବଲାଙ୍ଗିର ଗାୟତ୍ରୀ ଶକ୍ତିପୀଠରେ ପରିଜନ ମାନଙ୍କ ବୈଠକ ଅନୁଷ୍ଠିତ ହୋଇଯାଇଛି l ଆଗାମୀ ଜାନୁୟାରୀ ୧୯ ରୁ ୨୦ତାରିଖ ପର୍ଯ୍ଯନ୍ତ ଅନୁଷ୍ଠିତ ହେବାକୁଥିବା ନାରୀ ସଶକ୍ତିକରଣ ଶ୍ରଦ୍ଧା ସମ୍ବର୍ଦ୍ଦନ ୨୫୧ କୁଣ୍ଡିୟ ଗାୟତ୍ରୀ ମହାଯଜ୍ଞ ଏବଂ ସଂସ୍କାର ମହୋତ୍ସବ କୁ ସଫଳ କରିବାକୁ ଆଲୋଚନା କରାଯାଇ ଜିଲ୍ଲାର ଥିବା ପରିଜନ ମାନେ ଆର୍ଥିକ ଓ ଶାରୀରିକ ସହଯୋଗ କରିବା ପାଇଁ ନିଷ୍ପତ୍ତି ନିଆଯାଇଥିଲା I ଶାନ୍ତି କୁଞ୍ଜ ହରିଦ୍ଵାର ବିଶ୍ଵ ଗାୟତ୍ରୀ ପରିବାର ତତ୍ତ୍ଵାବଧାନରେ ୧୯ ଜାନୁୟାରୀ  ୨୦୨୩ ରୁ ନୂଆପଡ଼ା ଜିଲ୍ଲା ସିନାପାଲି ଠାରେ ଅନୁଷ୍ଠିତ ହେବାକୁଥିବା ବିରାଟ କାର୍ଯ୍ୟକ୍ରମର ରୂପରେଖ ସମ୍ପର୍କରେ ନୂଆପଡ଼ା ଉପ ଯୋନ୍ ସଂଯୋଜକ କେତନ ସିଂ ବାରିକ,

ସିନାପାଲି ମହୋତ୍ସବ କମିଟିର ସଭାପତି ତରୁଣ କୁମାର ମେହେର, ଯଜ୍ଞ କମିଟିର ସହସମ୍ପାଦକ ଶୈଳେଶ କୁମାର ଅଗ୍ରୱାଲ ପ୍ରମୂଖ ଉପସ୍ଥିତ ରହି ବିସ୍ତୃତ ବିବରଣୀ ପ୍ରଦାନ କରିଥିଲେ I ଆଲୋଚନାରେ ବରିଷ୍ଠ ପରିଜନ ଶେଷଦେବ ପଣ୍ଡା, ଶାନ୍ତନୁ ପାତ୍ର, ଟଙ୍କଧର କୁମ୍ଭାର, ସତ୍ୟନାରାୟଣ ଗୁପ୍ତା, ସତ୍ୟନାରାୟଣ ମିଶ୍ର, ମୀନକେତନ ମେହେର, ଜୟ ରାଜ ସାହୁ, ସରୋଜ କୁମାର ଦୋରା, କାଳିପ୍ରସାଦ ମିଶ୍ର, ରାଧାରମଣ କେଡ଼ିଆ ,ମହିଳା ମଣ୍ଡଳର ନର୍ମଦା ପାତ୍ର, ସଂଯୁକ୍ତା ମିଶ୍ର, ନାରୀ ଜାଗରଣ ସମ୍ପାଦିକା ବୀଣା ପାଣି ଆଚାର୍ଯ, ତ୍ରିପୁରା ସିଂ ଓ ଅନ୍ୟାନ୍ୟ ପରିଜନ ଓ ମହିଳା ମଣ୍ଡଳ ସଦସ୍ୟା ମାନେ ଉପସ୍ଥିତ ରହି ସୁଚିନ୍ତିତ ମତାମତ ଉପସ୍ଥାପନ କରିଥିଲେ l କାର୍ଯ୍ୟକ୍ରମର ସଫଳତା ନେଇ ସମସ୍ତେ ଲାଗିଯିବାକୁ ମତ ପ୍ରକାଶ ପାଇଥିଲା I