26-Nov-2022

ନବରଙ୍ଗପୁର(ମିହିର ଶଙ୍କର ପାତ୍ର)
ଖାତିଗୁଡ଼ା ତ୍ରିନାଥ ମନ୍ଦିର ବିବାଦ ର ସମାଧାନ ର ରାସ୍ତା ବାହାରିଛି। ଗତ ୨୫ ତାରିଖ ଦିନ ଆନ୍ଦୋଳନ ର ଚେତାବନୀ ଦେଇଥିଲେ ହିନ୍ଦୁ ମହାସଂଘ ପ୍ରମୁଖ ଜୟନ୍ତ କୁମାର ପାତ୍ର ଏବଂ ସଂଯୋଜକ ନରସିଂହ ତ୍ରିପାଠୀ ଓ ଏହାକୁ ସଂପୂର୍ଣ୍ଣ ସମର୍ଥନ କରିଥିଲା ଶ୍ରୀରାମ ସେନା। ହିନ୍ଦୁ ମହାସଂଘ ସିଧାସଳଖ ୨୬ ନଭେମ୍ବର ଖାତିଗୁଡା ଚାଲ ର  ଆହ୍ବାନ ଦେଇଥିଲା। ୨୬ ତାରିଖ ରୁ ତେନ୍ତୁଳିଖୁଣ୍ଟି ବ୍ଲକ ର ହିନ୍ଦୁ ମହାସଂଘ ଓ ଶ୍ରୀରାମ ସେନା ର କାର୍ଯ୍ୟକର୍ତ୍ତା ମାନେ ହିନ୍ଦୁ ମହାସଂଘ ର ନେତା ଶୁଶାନ୍ତ ଶତପଥୀ, ଅମିତ୍ ନାୟକ, ଶ୍ୟାମସୁନ୍ଦର କବିରାଜ, ବବିତା ସାହୁ, ମିନତୀ ପଟ୍ଟନାୟକ, ଗୋରା ହରିଜନ, ଉମାକାନ୍ତ ବିଷୟୀ,  ଭୁପେଷ ବିଷୟୀ ,ବିରାଜ ବସନ୍ତ ସାହୁ ,ରଘୁ ପୂଜାରୀ, ଭୂପେଷ ବିଷୋୟୀ, ନରେନ୍ଦ୍ର ବିଷୟୀ ଙ୍କ ନେତୃତ୍ବ ରେ  ଖାତିଗୁଡା ପହଞ୍ଚିବା ଆରମ୍ଭ କରିବା ପରେ ପ୍ରଶାସନ ସମସ୍ୟା ର ସମାଧାନ ପାଇଁ ଉଦ୍ୟମ ଆରମ୍ଭ କରିଦେଲା । ପ୍ରକାଶ ଥାଉ କି ଖାତିଗୁଡା ରାସ୍ତା ପାର୍ଶ୍ବରେ ଆଜକୁ ୫୦ ବର୍ଷ ରୁ ଉର୍ଦ୍ଧ୍ବ ହେବ ଏକ ତ୍ରିନାଥ ମନ୍ଦିର ବିଦ୍ୟମାନ। ବର୍ତ୍ତମାନ ଉକ୍ତ ସ୍ଥାନ ବି.ଯଶୋନା ନାମରେ ରେକର୍ଡ ଭୁକ୍ତ ଅଛି। ତ୍ରିନାଥ ମନ୍ଦିର କୁ ଭାଙ୍ଗିବା ଓ ମନ୍ଦିର ପାର୍ଶ୍ଵରେ ଥିବା ବଟବୃକ୍ଷ କୁ କାଟିବାକୁ ଉଦ୍ୟମ କରୁଥିବା କାରଣରୁ ଯଶୋନା ଙ୍କ ସ୍ବାମୀ ବି କ୍ରିଷ୍ଣା ରାଓ ଓ ଜିତୁ ରାଓ ଙ୍କ ବିରୁଦ୍ଧରେ ଗ୍ରାମବାସୀ ଏକ ଏତଲା ଥାନା ରେ ପ୍ରଦାନ କରିଥିଲେ। ପରିଶେଷରେ ତେନ୍ତୁଳିଖୁଣ୍ଟି ତହସିଲଦାର ଦୀପକ କୁମାର କୁମାର କର , ଖାତିଗୁଡା ଥାନା ଅଧିକାରୀ ପ୍ରଦୀପ କୁମାର ଲେଙ୍କା ସହ ହିନ୍ଦୁ ମହାସଂଘ ପ୍ରମୁଖ ଜୟନ୍ତ କୁମାର ପାତ୍ର ଏବଂ ତାଙ୍କ ଟିମ୍ ଆଲୋଚନା କରିବା ପରେ ଏବଂ ମନ୍ଦିର ଓ ବଟ ଗଛ ର  ସୁରକ୍ଷା ର ପ୍ରତିଶୃତି ମିଳିବା ପରେ ବିବାଦର ପ୍ରାୟତଃ ସମାଧାନ ହୋଇ ଯାଇଛି।