24-Nov-2022

ସମ୍ବଲପୁର(ସଂଜୀବ ପାଣିଗ୍ରାହୀ):ସମ୍ବଲପୁର କୁଲତା ସମାଜ ଦ୍ବାରା ଦାନିପାଲିରେ ନିର୍ମାଣାଧୀନ ରାମଚଣ୍ଡୀ ମନ୍ଦିର ପ୍ରତିଷ୍ଠା ନେଇ ପ୍ରସ୍ତୁତି ବୈଠକ ରାମଚଣ୍ଡୀ ସେବା ସଦନରେ ଠାରେ ବୁଧବାର ଅନୁଷ୍ଠିତ ହୋଇଯାଇଛି।  ୯ ବର୍ଷ ପୁର୍ବରୁ କୁଲତା ସମାଜର ମହିଳା ମାନେ ରାମଚଣ୍ଡୀ ମନ୍ଦିର ନିର୍ମାଣ ପାଇଁ ଯୋଜନା ଆରମ୍ଭ କରିଥିଲେ I ଏହାପରେ ସମାଜର ସହଯୋଗ ନେଇ ମନ୍ଦିର ନିର୍ମାଣ ଆରମ୍ଭ ହୋଇଥିଲା I ମନ୍ଦିର  ନିର୍ମାଣ ଶେଷ ହେବା ପରେ ଆସନ୍ତା ଜାନୁଆରୀ ୨୬ ତାରିଖରୁ ମନ୍ଦିର ପ୍ରତିଷ୍ଠା କାର୍ଯ୍ୟକ୍ରମ ଆରମ୍ଭ ହେବାକୁ ଯାଉଛି I ଜାନୁଆରୀ ୨୬ ତାରିଖ ଗୁରୁବାର ମାଘ ଶୁକ୍ଲ ପଂଚମୀ ତିଥିରେ ମନ୍ଦିର ପ୍ରତିଷ୍ଠା ପାଇଁ କଲସ ଯାତ୍ରା ଅନୁଷ୍ଠିତ ହେବ। ୫୦୧ ଜଣ ମହିଳା  ଦାନିପାଲିରୁ କଲସ ଯାତ୍ରା ଆରମ୍ଭ କରିବେ। ମହାନଦୀ ବାଲି ବନ୍ଧା ଘାଟରୁ କଲସୀରେ ପାଣି ଅଣାଯାଇ ମନ୍ଦିର ପରିସରରେ ସ୍ଥାପନ କରାଯିବ। ଏହାପରେ ୨୭ ତାରିଖ ଶୁକ୍ରବାରରେ ଦେବତା ଆବାହନ, ୨୮ତାରିଖରେ ଦେବତା ପ୍ରାଣ ପ୍ରତିଷ୍ଠା କରାଯିବ। ୨୯ ତାରିଖରେ  ଦେବାଦେବୀଙ୍କ ମନ୍ଦିର ପ୍ରବେଶ କରାଯିବ। ରାମଚଣ୍ଡୀ ମନ୍ଦିର ନିର୍ମାଣ ଅଟକଲ ୫୦ ଲକ୍ଷ ଟଙ୍କା ରହିଥିବା ବେଲେ ମନ୍ଦିର ପ୍ରତିଷ୍ଠା କାର୍ଯ୍ୟକ୍ରମରେ ୧୨ ଲକ୍ଷ ଟଙ୍କା ଖର୍ଚ୍ଚ ହେବାନେଇ ଅଟକଳ କରାଯାଇଛି। ମନ୍ଦିର ପ୍ରତିଷ୍ଠା କାର୍ଯ୍ୟକ୍ରମ ପାଇଁ ୪ ଦିନ ଯାକ ପ୍ରସାଦ ସେବନ କାର୍ଯ୍ୟକ୍ରମ ଆୟୋଜନ ହେବ। ପ୍ରତିଷ୍ଠା କାର୍ଯ୍ୟକ୍ରମରେ ୫୦ ରୁ ଉର୍ଦ୍ଧ ହଜାର ଭକ୍ତ ସାମିଲ ହେବେ। ପ୍ରତିଷ୍ଠା କାର୍ଯ୍ୟକ୍ରମ ରେ ୧୦ ଜଣ ପରିବାର କର୍ତ୍ତା ଦାୟିତ୍ୱ ନେବେ। ରାମଚଣ୍ଡୀ ମୁର୍ତି ମୁଗୁନି ପଥରରେ ସାଢେ ୪ ଫୁଟ ଉଚ୍ଚତାର ନିର୍ମାଣ ସରିଥିବା ବେଲେ ମନ୍ଦିରରେ କୁଲତା ଜାତିର ଗୋତ୍ର ମାନଙ୍କ ପ୍ରତିମୁର୍ତ୍ତି  ସ୍ଥାପନ କରାଯିବ। ମନ୍ଦିର ପ୍ରତିଷ୍ଠା କାର୍ଯ୍ୟକ୍ରମ ସହିତ କୁଲତା ସମାଜର ୨୫ ତମ ବାର୍ଷିକ ବନ୍ଧୁ ମିଳନ କାର୍ଯ୍ୟକ୍ରମ ଆୟୋଜନ କରାଯିବ। ଏହି ଅବସରରେ ରଣେଶ୍ୱର ରାମଚଣ୍ଡୀ ଚେମ୍ବର ଅଫ କମର୍ସ ତରଫରୁ ସ୍ବତନ୍ତ୍ର ସ୍ମରଣିକା ପ୍ରକାଶ ପାଇବ ବୋଲି ସାମ୍ବାଦିକ ସମ୍ମିଲନୀରେ ସମ୍ବଲପୁର କୁଲତା ସମାଜ ପକ୍ଷରୁ ସୁଚନା ଦିଆଯାଇଛି। ସାମ୍ବାଦିକ ସମ୍ମିଲନୀରେ କୁଲତା ସମାଜ ର ସଭାନେତ୍ରୀ ଯଶୋବନ୍ତୀ ନାୟକ,ସାଧାରଣ ସମ୍ପାଦକ ଦେବଦତ୍ତମ ପ୍ରଧାନ, ଜଟାଭୁଷଣ ସାହୁ, ରଣେଶ୍ୱର ରାମଚଣ୍ଡୀ ଚେମ୍ବର ଅଫ କମର୍ସର ସଭାପତି ପ୍ରଫୁଲ୍ଲ ପ୍ରଧାନ,ଭକ୍ତବନ୍ଧୁ ପଧାନ, ସରୋଜ ପଧାନ, ହୃଷିକେଶ ବଢାଇ, କୃଷ୍ଣ ପ୍ରସାଦ ପଧାନ ମନ୍ଦିର ପ୍ରତିଷ୍ଠା ନେଇ ମତାମତ ପୋଷଣ କରିଥିଲେ I·