17-Nov-2022

ବିନିକା(ହିମାଂଶୁ ଶେଖର ପୁଟେଲ) ଗତକାଲି ସନ୍ଧ୍ୟାରେ ବିନିକା ସାମ୍ବାଦିକ ସଂଘ ପକ୍ଷରୁ ଦୁର୍ଗାପୂଜା ସଭାଗୃହ ଠାରେ ଜାତୀୟ ପ୍ରେସ ଦିବସ ପାଳିତ ହୋଇଯାଇଛି ।ସୁବର୍ଣ୍ଣପୁର ଜିଲ୍ଲା କର୍ମଜୀବୀ ସାମ୍ବାଦିକ ସଂଘ ସଭାପତି ତଥା ବିନିକା ସାମ୍ବାଦିକ ସଂଘ ଦିଗଦର୍ଶନଦାତା ସୃଜନ କୁମାର ପଣ୍ଡାଙ୍କ ପରିଚାଳନାରେ ଅନୁଷ୍ଟିତ ଏହି ଦିବସରେ ମୁଖ୍ୟଅତିଥି ଭାବେ ସଂଘର ବରିଷ୍ଟ ଉପଦେଷ୍ଟା ସନ୍ତୋଷ କୁମାର ପଣ୍ଡା ଯୋଗଦେଇ ଭାରତର ସ୍ବାଧିନତା ସଂଗ୍ରାମରୁ ଆରମ୍ଭ କରି ସ୍ଵାଧୀନ ଭାରତ ବର୍ଷର ନବନିର୍ମାଣ କ୍ଷେତ୍ରରେ ଗଣମାଧ୍ୟମର ଭୂମିକା ଅତୁଳନୀୟ ।ତେଣୁ ନିଜର କର୍ତ୍ତବ୍ୟ ଓ ଦାୟିତ୍ଵ ସୁଚାରୁରୂପେ ସମ୍ପାଦନା କଲେ ସାମ୍ବାଦିକର ପ୍ରକୃତ ଭୂମିକାକୁ ସମସ୍ତେ ପ୍ରଶଂସା କରିବେ ବୋଲି କହିଥିଲେ ।ସମ୍ମାନିତ ଅତିଥି ଭାବେ ସଂଘର ଉପଦେଷ୍ଟା ଭୀମସେନ ସାହୁ ସାମ୍ବାଦିକ ସବୁବେଳେ ଅପ୍ରିୟ ହେଲେ ବି ସତ୍ୟ କହିବା ଉଚିତ ।ସତ୍ୟ ଓ ନିଷ୍ଟା ସହ ସମ୍ବାଦ ପରିବେଷଣ କରି ଅଞ୍ଚଳର ପ୍ରଗ୍ରତି କ୍ଷେତ୍ରରେ ସହଯୋଗ କରିବାକୁ ଆହ୍ବାନ ଦେଇଥିଲେ । ଅନ୍ୟତମ ଉପଦେଷ୍ଟା ତଥା ପୂର୍ବତନ ସମିତି ସଭ୍ୟ ଦାଶରଥି ନନ୍ଦ ଯୋଗଦେଇ ଗଣମାଧ୍ୟମ ହେଉଛି ଗଣତନ୍ତ୍ରର ଜାଗ୍ରତ ପ୍ରହରୀ। କାହାରି ଗୋଡାନିଆ ନହୋଇ ନିର୍ଭୀକ ଭାବେ ନିରପେକ୍ଷ ସମ୍ବାଦ ପରିବେଷଣ କରିବାକୁ ଆହ୍ୱାନ ଦେଇଥିଲେ ।ଯୁବ ଆଇନଜୀବୀ ତଥା ଉପଦେଷ୍ଟା ରଘୁନାଥ କୁମ୍ଭାର ଯୋଗଦେଇ ଯେତେ ଝଡ଼ଝଂଜା ଆସୁବି ସାମ୍ବାଦିକ ବିନା ଦରମାରେ ସ୍ବେଚ୍ଛାସେବୀ ଭାବେ ସତ୍ୟ ଘଟଣା ଉଁନ୍ମୋଚନ କରୁଛି ତେବେ ଯାଇ ସେହି ଘଟଣା ଉପରେ କାର୍ଯ୍ୟାନୁଷ୍ଠାନ ହେଉଛି ।ତେଣୁ ସରକାର ସାମ୍ବାଦିକ ମାନଙ୍କ ଆର୍ଥିକ ସହଯୋଗ ସହ ସୁରକ୍ଷା ପ୍ରଦାନ ଦିଗରେ ପଦକ୍ଷେପ ନେବା ଜରୁରୀ ବୋଲି କହିଥିଲେ ।ଶେଷରେ ସଂଘ ସମ୍ପାଦକ ଅଶୋକ କୁମାର ପଣ୍ଡା ଧନ୍ୟବାଦ ଅର୍ପଣ କରିଥିଲେ ।ଏଥିରେ ବରିଷ୍ଟ ସାମ୍ବାଦିକ ହିମାଂଶୁ ଶେଖର ପୁଟେଲ, ରାମ ଗୋପାଳ ବାଗ, ଶାନ୍ତନୁ ପଣ୍ଡା, ଜୟରାମ ସେଠ୍, ଦଧିବାମନ ନାୟକ, ଦିଲ୍ଲୀପ ସାହୁ(ନାନା), ପୂର୍ବତନ କାଉନସିଲର ଧବଳେଶ୍ଵର ନାଗ, ଗୋବିନ୍ଦ ମାହାନା ପ୍ରମୁଖ ଉପସ୍ଥିତ ଥିଲେ ।