15-Nov-2022

ସୁବର୍ଣ୍ଣପୁର --ସୁବର୍ଣ୍ଣପୁର ଜ଼ିଲ୍ଲା ର ଉଲୁଣ୍ଡା ବ୍ଲକ  ଅନ୍ତର୍ଗତ ପଞ୍ଚମହଲା ଗ୍ରାମ ପଞ୍ଚାୟତ ସ୍ଥିତ ବଡ଼ମାଳ ଗ୍ରାମରେ ଥିବା ସିଦ୍ଧ ପୁରୁଷ କଈରୁ ବାବାଙ୍କ ପୀଠ ରେ ପ୍ରତିବର୍ଷ ପରି ଏ ବର୍ଷ ମଧ୍ୟ ବିଗତ ୯ ତାରିଖ ରୁ ରାସ ଯାତ୍ରା ଆରମ୍ଭ ହୋଇ ୧୦ ତାରିଖ ମଧ୍ୟାହ୍ନ  ୨ ଟା ରେ ପୁନଶ୍ଚରଣ ହୋଇ ସାରିଛି l ଏହି ଯାତ୍ରା ର ବିଶେଷତ୍ୱ ଏହି କି ଯେ ଗୌଡିୟ ସମ୍ପ୍ରଦାୟ ର ଗୌଡିୟ ବାଦ୍ୟ ଓ ଝାଞ୍ଜର ତାଳେ ତାଳେ ରାଧା କୃଷ୍ଣ ପ୍ରେମ ସମ୍ବଳିତ ଭକ୍ତି ଗୀତ ଗାନ ପୂର୍ବକ ହଜାର ହଜାର ଶ୍ରଦ୍ଧାଳୁ ଶ୍ରୀ କଈରୁ ବାବା ଙ୍କ ଆଶୀର୍ବାଦ ନିଅନ୍ତି l  ରାସ ଯାତ୍ରା ପର ଦିନ ପୁନଃଶ୍ଚରଣ ପରେ ପାଖ ଆଖ ଅଞ୍ଚଳ ର ଦଶ ହଜାର ରୁ ଊର୍ଧ୍ୱ ଭକ୍ତ ଙ୍କୁ ଅନ୍ନ ପ୍ରସାଦ ପରିବେଷଣ କରାହୁଏ l ସମସ୍ତେ ଏକାଠି ବସି ହରିବୋଲ ଧ୍ୱନି ପରେ ସାମୁହିକ ପ୍ରସାଦ ଗ୍ରହଣ କରନ୍ତି l ବାବାଙ୍କ ଦ୍ୱାରା ପ୍ରତିଷ୍ଠିତ ଧ୍ୱନି ବର୍ତମାନ ମଧ୍ୟ ଜୀବନ୍ତ l ଆଜକୁ ପ୍ରାୟ ୪୦୦ ବର୍ଷ ପୂର୍ବ ରୁ ଏଇ ଧ୍ୱନି ପ୍ରଜ୍ବଳିତ l ବାବାଙ୍କ ଆଶୀର୍ବାଦ ରୁ ଅସଂଖ୍ୟ ଭକ୍ତଙ୍କ ମାନସିକ ପୂର୍ଣ୍ଣ ହେତୁ  ବହୁ ଦୂର ଦୁରାନ୍ତ ର ଭକ୍ତ ମାନେ ଏ ଦିନ ଏଠାରେ ସମାବେଶ ହୁଅନ୍ତି l ଯାତ୍ରା ପାଇଁ କାହାଠୁ ଚାନ୍ଦା ସଂଗ୍ରହ ହୁଏ ନାହିଁ l ବିଭିନ୍ନ ଅଞ୍ଚଳ ର ଭକ୍ତ ମାନେ ଚାଉଳ, ପରିବା, ଅର୍ଥ ରାଶି, ନେଇ ଥାନ୍ତି l ଓ ସେ ସବୁକୁ ଆଞ୍ଚଳିକ ସ୍ତର ରେ ଗଠିତ ଯାତ୍ରା କମିଟି ସୁ ପରିଚାଳନା କରିଥାନ୍ତି l ଅଗଣିତ ଭକ୍ତଙ୍କ ସମାବେଶ ହେଉ ଥିଲେ ମଧ୍ୟ କେବେ କୌଣସି ପ୍ରକାର ବିଶୃଙ୍ଖଳା ନଜର କୁ ଆସିନାହିଁ l ପ୍ରକୃତରେ ଏହି ସିଦ୍ଧି  ପୀଠ ର ମହାତ୍ମା ଭକ୍ତ ମାନଙ୍କୁ ପରମ ଶାନ୍ତି ନେଇ ଭାଇଚାରା ସୃଷ୍ଟି ସାଙ୍ଗେ ସାଙ୍ଗେ ସଂସ୍କୃତିର ସଂରକ୍ଷଣ ହେଉଥିବାରୁ  ବୁଦ୍ଧିଜୀବୀ ଓ ଦୂର ଦୁରାନ୍ତର ପର୍ୟ୍ୟଟକ ମାନେ ଖୁବ ପ୍ରଶଂସା କରିଛନ୍ତି l ପାଖରେ ଚିତ୍ରୋତ୍ପଳା ମହାନଦୀ ସହ ପ୍ରାକୃତିକ ସୌନ୍ଦର୍ଯ୍ୟ ପରିବେଶ ଭରପୁର ଥିବା ଯୋଗୁଁ ଜ଼ିଲ୍ଲା ଓ ରାଜ୍ୟ ପ୍ରଶାସନ ଦୃଷ୍ଟି ଦେଲେ  ଏଇ ସାଧନା ସିଦ୍ଧି ପୀଠ ଏକ ସୁନ୍ଦର ପର୍ୟ୍ୟଟନ କ୍ଷେତ୍ର ହୋଇ ପାରିବ l