10-Nov-2022

ସମ୍ବଲପୁର, ସମ୍ବଲପୁର ଜ଼ିଲ୍ଲା ରେଙ୍ଗାଲି ବ୍ଳକ ବମାଲୋଇ ପଞ୍ଚାୟତର ତିଳେଇମାଲ ଓରାମ ପଡ଼ା ଠାରେ ୩୨ ତମ ରାଜ୍ୟସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟ ଅନୁଷ୍ଠିତ ହୋଇଯାଇଛି I ତିଳେଇମାଲ ଓରାମପଡ଼ା ବଜରଙ୍ଗ କ୍ଲବ ପକ୍ଷରୁ  ଆୟୋଜିତ ଏହି ଟୁର୍ଣ୍ଣାମେଣ୍ଟରେ ୮ଟି ଦଳ ଅଂଶଗ୍ରହଣ କରିଥିଲେ I ଫାଇନାଲ୍ ମ୍ୟାଚରେ ସମ୍ବଲପୁର ଦଳ ରାଉରକେଲା ଦଳକୁ ହରାଇ ଚମ୍ପିଆନ୍ ଆଖ୍ୟା ଅର୍ଜନ କରିଛି । ବିଜେତା  ସମ୍ବଲପୁର ଦଳକୁ ୫୦  ହଜାର ଟଙ୍କା ସହ  ଚମ୍ପିଆନ ଟ୍ରଫି ଏବଂ ପରାଜିତ ରାଉରକେଲାକୁ ୩୦ ହଜାର ଟଙ୍କା ସହ ରନର୍ସ ଅପ୍ ଟ୍ରଫି  ପ୍ରଦାନ କରାଯାଇଥିଲା I ଟ୍ରଫି ପ୍ରଦାନ ଉତ୍ସବରେ ରେଙ୍ଗାଲି ବ୍ଳକ ଅଧ୍ୟକ୍ଷ ସତ୍ୟନାରାୟଣ ଅଗ୍ରୱାଲ ମୁଖ୍ୟ ଅତିଥି ଭାବରେ ଯୋଗଦାନ କରିଥିବା ବେଳେ  ବିଜେଡି ନେତା ଦେବେନ୍ଦ୍ର କିଶୋର ପତି, ମହେନ୍ଦ୍ର ଓରାମ, ରେଙ୍ଗାଲି ଜୋନ୍- ୧ ଜିଲ୍ଲା ପରିଷଦ ସଭ୍ୟା ଚୋଳଶ୍ରୀ ମହାନନ୍ଦ, ବିଜୁ ଯୁବ ଜନତା ଦଳ ଜ଼ିଲ୍ଲା ସଭାପତି ଲକ୍ଷ୍ମୀ ପ୍ରସାଦ ମହାପାତ୍ର, ଶେଷ ଦେଵ ପଧାନ, ଚିତ୍ତରଞ୍ଜନ ରାଉଳ, ମଞ୍ଜୁ ଓରାମ, "ସେବା" ର ଅଧକ୍ଷ ଅମର ତାଣ୍ଡିଆ, ତୁଲସୀଦାସ ଓରାମ ପ୍ରମୁଖ ଅତିଥି ଭାବରେ ଯୋଗଦାନ କରିଥିଲେ I
(ସମ୍ବଲପୁରରୁ  ସଂଜୀବ ପାଣିଗ୍ରାହୀଙ୍କ  ରିପୋର୍ଟ)