09-Nov-2022

ବଲାଙ୍ଗିର,ବଲାଙ୍ଗିର ମଣ୍ଟେସୋରି ପବ୍ଲିକ ସ୍କୁଲରେ ଭାରତ ସ୍କାଉଟ ଓ ଗାଇଡର ଏକ ଶାଖା ଉଦଘାଟିତ ହୋଇଯାଇଛି। ସ୍କାଉଟ ଗାଇଡର ବରିଷ୍ଠ ପଦାଧିକାରୀମାନେ ଯୋଗଦେଇ ସ୍କାଉଟ ପତାକା ଉତ୍ତୋଳନପୂର୍ବକ ଶପଥପାଠକରାଇ ଛାତ୍ରଛାତ୍ରୀଙ୍କୁ ଦୀକ୍ଷାପ୍ରଦାନ କରିଥିଲେ।
ଏହି ଅବସରରେ ସ୍କୁଲର ପ୍ରିନ୍ସପାଲ ରବିଚନ୍ଦ୍ର ଉଦଗାତାଙ୍କ

ଅଧ୍ୟକ୍ଷତାରେ ଅନୁଷ୍ଠିତ ଏକ ସଭାରେ ଭାରତ ସ୍କାଉଟ ଗାଇଡର ଆଇପିଇ(ଶାରୀରିକ ଶିକ୍ଷା ନିରୀକ୍ଷକ) ଅନ୍ତର୍ଯ୍ୟାମୀ ବିଶ୍ବାଳ ମୁଖ୍ୟ ଅତିଥି ଓ ପ୍ରମେୟର କେବିକେ ସଂସ୍କରଣ ମୁଖ୍ୟ ଅଖିଳଚନ୍ଦ୍ର ହୋତା ମୁଖ୍ୟବକ୍ତା ଭାବରେ ଯୋଗ ଦେଇଥିଲେ। ଅନ୍ୟମାନଙ୍କ ମଧ୍ୟରେ ଗାଇଡର ଜିଲ୍ଲା ସଂଯୋଜିକା କସ୍ତୁରୀ ରଥ, ସ୍କାଉଟର ଜିଲ୍ଲା ସଂଯୋଜକ ନିଳାଞ୍ଚଳ ଚିରଗୁନ, ବଲାଙ୍ଗିର ସଂଯୋଜକ ମନୋରଞ୍ଜନ ହୋତା, ସଂଯୋଜିକା ରଞ୍ଜିତା ମିଶ୍ର, ଗାଇଡ କ୍ୟାପଟେନ ସୁଜାତା ପୁରୋହିତ, ସ୍କାଉଟ ମାଷ୍ଟର ହେମନ୍ତ କୁମାର ପ୍ରଧାନ ପ୍ରମୁଖ ସମ୍ମାନୀତ ଅତିଥି ଭାବରେ ଯୋଗଦେଇଥିଲେ। ମୁଖ୍ୟ ଅତିଥି ଶ୍ରୀ ବିଶ୍ବାଳ ସ୍କାଉଟ ଗାଇଡର ବିଭିନ୍ନ କାର୍ଯ୍ୟକ୍ରମସମ୍ପର୍କରେ ସୂଚନା ଦେବାସହ ଜଣେ ସ୍କାଉଟ ସବୁ ପରିସ୍ଥିତିର ମୁକାବିଲା ପାଇଁ କିଭଳି ପ୍ରସ୍ତୁତ ରହିବା ଦରକାର ତାହା କହିଥିଲେ। ମୁଖ୍ୟବକ୍ତା ଶ୍ରୀ ହୋତା ଭାରତ ସ୍କାଉଟ ଗାଇଡର ନାମକରଣ ପଛରେ ଥିବା ଭାରତୀୟ ଦର୍ଶନ ସମ୍ପର୍କରେ ବର୍ଣ୍ଣନା କରିବା ସହ ଛାତ୍ରଛାତ୍ରୀମାନେ ଏହାର ଯଥାର୍ଥତା ପ୍ରତିପାଦଣକରିବାକୁ ଅହ୍ବାନ ଦେଇଥିଲେ। ଜିଲ୍ଲା ସଂଯୋଜକ ଶ୍ରୀ ଚିରଗୁନ ସ୍ଲାଉଟର ପ୍ରାଣ ପ୍ରତିଷ୍ଠାତା ବିଡେନ ପାଓ୍ବେଲଙ୍କ ସମ୍ପର୍କରେ ଆଲୋଚନାକରି ଦ୍ବିତୀୟ ବିଶ୍ବଯୁଦ୍ଧ ସମୟରେ ସ୍କାଉଟ କ୍ୟାଡେଟମାନେ କିଭଳି ସେବା ସହାୟତା କରିଥିଲେ ସେ ସମ୍ପର୍କରେ କହିଥିଲେ। ଜିଲ୍ଲା ସଂଯୋଜିକା ଶ୍ରୀମତି ରଥ ଗାଇଡମାନଙ୍କ ସେବା ଓ ସମର୍ପଣ ସମ୍ପର୍କରେ ଆଲୋଚନାକରି ସ୍କାଉଟ ଗାଇଡର ବିଭିନ୍ନ ମାର୍ଗଦର୍ଶିକା ସମ୍ପର୍କରେ ବତାଇଥିଲେ। ସ୍କୁଲର ପରୀକ୍ଷା ପରିଚାଳକ ବୀରେନ୍ଦ୍ର ନାରାୟଣ ଉଦଗାତା କହିଥିଲେ, ଜଣେ ସ୍କାଉଟ ବା ଗାଇଡ ପାଇଁ ତାର ପୋଷାକ ହେଉଛି ମୂଲ୍ୟବାନ। ଏହା ଛାତ୍ରଙ୍କ ମନରେ ଏକାତ୍ମ ଭାବ ସୃଷ୍ଟି କରିଥାଏ। ପିଲାମାନେ ସ୍କାଉଟ ପାଇଁ ମନୋନୀତ ହୋଇ ଆଜି ଶପଥପାଠ

କରୁଛନ୍ତି, ଏହା ସୌଭାଗ୍ୟର କଥା। ଜଣେ ସ୍କାଉଟ ବା ଗାଇଡ ଭାବରେ ଗର୍ବକରିବାକୁ ସେ ଆହ୍ବାନ ଦେଇଥିଲେ। 
ପରେପରେ ସ୍କୁଲ ପରିସରରେ ଅନୁଷ୍ଠିତ ଦୀକ୍ଷାନ୍ତ ସମାରୋହରେ ସ୍କାଉଟ ପତାକା ଉତ୍ତୋଳନ କରାଯାଇ ସମୂହ ଶପଥପାଠ କରାଯାଇଥିଲା। ଦୀକ୍ଷା ପ୍ରଦାନ ପରେ ମିଷ୍ଠାନ୍ନ ବଣ୍ଟନ କରାଯାଇଥିଲା। ସ୍କୁଲର ପିଇଟି ଶ୍ରଦ୍ଧାଞ୍ଜଳି ବାଗ କାର୍ଯ୍ୟକ୍ରମ ପରିଚାଳନା ନକରିଥିବା ବେଳେ ଅନ୍ୟ ଶିକ୍ଷକ ଓ ଶିକ୍ଷୟିତ୍ରୀମାନେ ସହଯୋଗ କରିଥିଲେ।