01-Dec-2020

କଳାହାଣ୍ଡି (ତ୍ରିନାଥ ବେଶ୍ରା)
  କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଳକ ବୋରପଦର ପଞ୍ଚାୟତ ଅନ୍ତର୍ଗତ ଖଲିଆପାଲି ଗ୍ରାମର ଦାମ ମହାନନ୍ଦଙ୍କ ଘରେ ଅଗ୍ନିକାଣ୍ଡ ଘଟି ପ୍ରାୟ ୫୦ ପ୍ରତିଶତ ଘର ଜଳି ଯାଇଥିଲା।।ଯାହା ଫଳରେ କାର୍ତ୍ତିକ ମାସର ଏ ହାଡଭଙ୍ଗା ଶୀତରେ ରାତି ସାରା ସେମାନେ ରାସ୍ତା କଡରେ ଆଶ୍ରୟ ନେଇଥିଲେ।
ଘରେ ଦୁଇ ମାନସିକ ବିକୃତ ପୁଅ-ଝିଅ।। ପରିସ୍ଥିତି ଏତେ ଖରାପ ଯେ ସେ ଜଳି ଯାଇଥିବା ଘରକୁ କିପରି ସଜାଡ଼ିବେ ତାହା ଥିଲା ଦାମ ମହାନନ୍ଦଙ୍କ ପାଇଁ କାଠିକର ପାଠ।ଖଵର ପାଇ ସମାଜସେବୀ ମନୋଜ ପଟ୍ଟନାୟକ ପଶ୍ଚିମ ଓଡ଼ିଶାର କିନ୍ନର ସଭାପତି କାମିନୀ କିନ୍ନର ଙ୍କୁ ଯୋଗାଯୋଗ କରିଥିଲେ।ଏନେଇ  ଗତକାଲି କାମିନୀ କିନ୍ନର  ଏବଂ ସମାଜସେବୀ ମନୋଜ ପଟ୍ଟନାୟକ ନିଜ ଟିମ ରାମପୁର ରାମକୃଷ୍ଣ ଆଶ୍ରମ ର ପ୍ରାକ୍ତନ ଛାତ୍ର ତଥା ସମାଜସେବୀ ସରୋଜ ସାହୁ, ଶ୍ରୀ କ୍ଷୀରମଣି ସାହୁ, ସମାଜସେବୀ ତଥା ଯୁବକବି ଭାଗିରଥି ବାରିକ, ତୋଫାନ ସାହୁ ,ଆନନ୍ଦ ସାହୁ, ବିଶ୍ୱନାଥ ସାହୁ ଏବଂ ହୃଦାନନ୍ଦ ସାହୁ ପ୍ରମୁଖ ଖଲିଆପାଲି ତାରିଣୀ ପୀଠରେ ଏକଜୁଟ ହୋଇଥିଲେ।ଏଥିରେ ବି.ଡି.ଓ ସୁଶ୍ରୀ ପ୍ରିୟଦର୍ଶିନୀ ମିର୍ଦ୍ଧା ମଧ୍ୟ  ଯୋଗଦେଇଥିଲେ। ପରେ ସମସ୍ତେ ଜଳିଯାଇଥିବା ଘର ପରିଦର୍ଶନ ପାଇଁ ଯାଇଥିଲେ।ଦାମ ମହାନନ୍ଦଙ୍କ ଦୟନୀୟ ଅବସ୍ଥା ଦେଖି କିନ୍ନର ସଭାପତି କାମିନୀ କିନ୍ନର ତିନି ହଜାର ଟଙ୍କାର ଆର୍ଥିକ ସହାୟତା ଯୋଗାଇଦେଇଥିଲେ।।ସମାଜସେବୀ ମନୋଜ ପଟ୍ଟନାୟକ ମଧ୍ୟ ଜଳିଯାଇଥିବା ଘରର ସମ୍ପୂର୍ଣମରାମତି କରାଇଥିଲେ। ଦାମା ମହାନନ୍ଦଙ୍କ ଏଭଳି ପରିସ୍ଥିତିରେ ବିଡ଼ିଓ ସୁଶ୍ରୀ ମିର୍ଦ୍ଧାଙ୍କ କେବଳ ପ୍ରତିଶୃତି ଦେବା ବ୍ୟତୀତ  ଆଉ କିଛି ନଥିଲା ସହଯୋଗ ପାଇଁ ।ଏନେଇ ଗ୍ରାମବାସୀ ବ୍ଳକ ପ୍ରଶାସନକୁ ତୀବ୍ର ନିନ୍ଦା କରିବା ସହ ମନୋଜ ପଟ୍ଟନାୟକ ଏବଂ କାମିନୀ କିନ୍ନରଙ୍କ ପାଖକୁ ଛୁଟିଛି ପ୍ରଶଂସାର ସୁଅ।

ଦାମ ମହାନନ୍ଦଙ୍କୁ ଘର ଖଣ୍ଡିଏ ଯୋଗାଇଦେବା ଏବଂ ତାଙ୍କ ପରିବାରକୁ ଉପଯୁକ୍ତ ଚିକିତ୍ସା ଯୋଗାଇଦେବାକୁ ସାଧାରଣରେ ଦାବି ହେଉଛି।