04-Nov-2022

ବଲାଙ୍ଗିର (ପ୍ରେରଣା ଖବର) ଗତ ଦିନ ତଳେ ବଲାଙ୍ଗୀର ଜେଲ କଲୋନୀ ପଛପଟେ ଦୀର୍ଘ ସମୟ ଧରି ଅସହାୟ ରୂପେ ଏକ ଅଜଣା ଅସହାୟ ବୃଦ୍ଧ ବ୍ୟକ୍ତି ପଡି ରହିଥିଲେ। ଏହି ଖବର ବଲାଙ୍ଗୀର ସ୍ବେଚ୍ଛାସେବୀ ସଂଗଠନ ପାଖରେ ପହଞ୍ଚିବା ପରେ ସଂଗଠନର ସ୍ବେଚ୍ଛାସେବୀ ଅଜୟ ନାଗ, ରାଜେନ୍ଦ୍ର ସେଠ ଓ ଲିଙ୍କନ ସେଠ ସେହି ସ୍ଥାନରେ

ଯାଇ ପହଞ୍ଚିଥିଲେ। ସଙ୍ଗେ ସଙ୍ଗେ ପୋଲିସ ପ୍ରଶାସନକୁ ଖବର କରି ସେହି ବୃଦ୍ଧ ବ୍ୟକ୍ତିଙ୍କୁ ଉଦ୍ଧାର କରିବା ସହିତ ବଲାଙ୍ଗୀର ଭୀମ ଭୋଇ ମେଡିକାଲ କଲେଜ ହସ୍‌ପିଟାଲରେ ଭର୍ତ୍ତି କରିଥିଲେ। ତାଙ୍କର ରକ୍ଷଣାବେକ୍ଷଣା କରିବା ସହିତ ଚିକିତ୍ସା କଥା ବୁଝି ଆସୁଥିଲେ ବଲାଙ୍ଗୀର ସ୍ବେଚ୍ଛାସେବୀ ସଂଗଠନର ସଦସ୍ୟ ମାନେ। କିନ୍ତୁ ଦୁଃଖର ବିଷୟ ଆଜି ଖବର ମିଳିଲା ଯେ, ସେହି ବୃଦ୍ଧ ବ୍ୟକ୍ତିଙ୍କର ଚିକିତ୍ସାଧୀନ ଅବସ୍ଥାରେ ହସ୍ପିଟାଲରେ ମୃତ୍ୟୁ ଘଟିଯାଇଥିଲା। ତୁରନ୍ତ ସ୍ବେଚ୍ଛାସେବୀ ମାନେ ହସ୍ପିଟାଲରେ ପହଞ୍ଚିବା ପରେ ମୃତକଙ୍କ ଶବ ବ୍ୟବଚ୍ଛେଦ ଆଦି ଔପଚାରିକତା ସରିବା ପରେ ଡା. ବେଣୁଧର ପାଣ୍ଡେଙ୍କ ସହାୟତାରେ ସ୍ଵର୍ଗ ରଥରେ ନେଇ ସସମ୍ମାନେ ବିଭୁତିପଡା ସ୍ମଶାନରେ ଶବ ସତ୍କାର କରି ଫେରିଥିଲେ। ଶବ ସତ୍କାର ପାଇଁ କାଠ ସହିତ ଅନ୍ୟାନ୍ୟ ସାମଗ୍ରୀ ପାଇଁ ସମାଜସେବୀ ଟୁନା ମିଶ୍ର ସହଯୋଗ କରିଥିଲେ। ବଲାଙ୍ଗୀର ସ୍ବେଚ୍ଛାସେବୀ ସଂଗଠନର ସନ୍ତୋଷ ପଟ୍ଟନାୟକ, ଗୋବିନ୍ଦ ଶତପଥୀ, ଦେବରାଜ ମହାନନ୍ଦ, ପ୍ରୀତମ କଲତା, ବିକ୍ରମ

ମହାରଣା, ଆଦି କୁମ୍ଭାର, ଅଭିଷେକ ବାଗ, ଅଜୟ ନାଗ, ରାଜେନ୍ଦ୍ର ସେଠ, ସହଦେବ ନାଗ, ଲିଙ୍କନ ସେଠ ଓ ଠାକୁର ଚରଣ ରାୟ ଏହି ଶବ ସତ୍କାରରେ ଉପସ୍ଥିତ ଥିଲେ। ଏଥିପାଇଁ ଆମକୁ ସମ୍ପୂର୍ଣ୍ଣ ସହଯୋଗ ଦେଇଥିବାରୁ ଡା. ବେଣୁଧର ପାଣ୍ଡେ ଓ ସମାଜସେବୀ ଟୁନା ମିଶ୍ରଙ୍କୁ ବଲାଙ୍ଗୀର ସ୍ବେଚ୍ଛାସେବୀ ସଂଗଠନ ଅଶେଷ କୃତଜ୍ଞତା ଜ୍ଞାପନ କରିଛି l