25-Oct-2022

ବିନିକା(ହିମାଂଶୁ ଶେଖର ପୁଟେଲ)ପର୍ଯ୍ୟଟନ ସ୍ଥଳୀ ଭାବେ ପରିଚିତ ବିନିକା ସହର ଠାରୁ ୩କିମି ଦୂରରେ ଥିବା ପୁଣ୍ୟପୀଠ ପାପକ୍ଷୟ ଘାଟରେ ଆଜି ସୂର୍ଯ୍ୟପରାଗ ଅବସରରେ ହଜାର ହଜାର ଶ୍ରଦ୍ଧାଳୁ ବୁଡ଼ ପକାଇ ନିକଟସ୍ଥ ବଟବୃକ୍ଷ ଅର୍ଗଲିରେ ଗଲିଥିବା ଦେଖିବାକୁ ମିଳିଥିଲା ।ସୂଚନା ଯୋଗ୍ୟ ଯେ ସୂର୍ଯ୍ୟପରାଗ ହେଉ କି ଚନ୍ଦ୍ରଗ୍ରହଣ ସମୟରେ ଏହି ପୀଠକୁ ପାଖ ପଡିଶା ଠାରୁ ଆରମ୍ଭ କରି ଦୂରଦୂରାନ୍ତରୁ ଆସି ଶ୍ରଦ୍ଧାଳୁ ବୁଡ଼ ପକାଇଥାନ୍ତି ।କିମ୍ବଦନ୍ତୀ ଅନୁସାରେ ଦ୍ଵିତୀୟ ଅନଙ୍ଗ ଭୀମଦେବ ଯେତେବେଳେ ଦୁରାରୋଗ୍ୟ ରୋଗରେ ପୀଡିତ ହେଲେ ସେତେବେଳେ ମହାପ୍ରଭୁଙ୍କ ସ୍ବପ୍ନାଦେଶରେ ନଦୀ କୁଲେ କୁଲେ ପରିଭ୍ରମଣ କରି ବିନିକା ରହିଲା ସ୍ଥିତ ଏହି ଠାରେ ଅଟକି ରହି ରାତ୍ରିଯାପନ କରିଥିଲେ । ଭୋର ସକାଳେ ଏକ

କାଳିଗାଈ ନଦୀର ଅଟାଳତାଳ ପାଣିରେ ପାରି ହୋଇଥିଲା ରାଜା ତାଙ୍କୁ ନିରୀକ୍ଷଣ କରି ତା ପଛେ ପଛେ ଯାଇଥିଲେ ।ପରେ ରାଜା ମହାନଦୀରେ ସ୍ନାନ କରିବା ପରେ ତାଙ୍କର ଦୁରାରୋଗ୍ୟ ଦେହରୁ ଉଭେଇ ଯାଇଥିଲା। ଯାହା ଫଳରେ ଉକ୍ତ ସ୍ଥାନଟି ସେହି ଦିନଠାରୁ ପାପକ୍ଷୟ ନାମରେ ନାମିତ ହୋଇଛି । ତେଣୁ ସୂର୍ଯ୍ୟପରାଗ ଓ ଚନ୍ଦ୍ର ଗ୍ରହଣ ସମୟରେ ପାପକ୍ଷୟ ଘାଟର ମହାନଦୀରେ ବୁଡ ପକାଇଲେ ପାପନାଶ ସହ ପୁଣ୍ୟ ଅର୍ଜନ ପ୍ରାପ୍ତି ହୋଇଥାଏ ବୋଲି ବିଶ୍ୱାସ ଥିବାରୁ ଏହି ପୀଠରେ ହଜାର ହଜାର ଶ୍ରଦ୍ଧାଳୁଙ୍କ ଭିଡ ଜମିଥିଲା।