25-Oct-2022

ଟିଟିଲାଗଡ(ପ୍ରେରଣା ଖବର)ବଲାଙ୍ଗୀର ଜିଲ୍ଲା ଟିଟିଲାଗଡ଼ ଉପଖଣ୍ଡ କୁରସୁଡ ଗ୍ରାମରେ ବ୍ରହ୍ମାକୁମାରୀ  ପକ୍ଷରୁ ଦୀପାବଳି ଉତ୍ସବ ମହାସମାରୋହରେ ପାଳିତ ହୋଇଯାଇଛି। ମାନବ ଜୀବନରେ ଶ୍ରେଷ୍ଠ ଚରିତ୍ର ନିର୍ମାଣ ପାଇଁ ନିଜ ଭିତରେ ଥିବା କାମ, କ୍ରୋଧ, ଲୋଭ, ମୋହ,ଅହଂକାରରୁ ଦୂରେଇ ଏକ ସଂସ୍କାରୀତ ଜୀବନ ଯାପନ କରାଯାଇ ପାରିବ ବୋଳି ବ୍ରହ୍ମାକୁମାରୀର ଭଉଣୀ ମାନେ ପ୍ରକାଶ କରିଥିଲେ। ବ୍ରହ୍ମାକୁମାରୀ ଗୀତାପାଠଶାଳାର ସଂଚାଳିକା ସୁରଭୀ ଭଉଣୀ ଦୀପାବଳିର ଆଧ୍ୟାତ୍ମିକ ରହସ୍ଯ ଉଦଘାଟନ କରିବା ସହ ଆମ ମନ ଭିତରେ ଥିବା ଅଜ୍ଞାନ ଅନ୍ଧକାରକୁ ଦୂରକରି ଜ୍ଞାନର ଆଲୋକ ନିଜ ଆତ୍ମାକୁ ଜାଗ୍ରତ କରିବା ହିଁ ସତ୍ଯ ଦିପାବଳି ଉତ୍ସବ ପାଳନ ହେବ ବୋଳି ବକ୍ତବ୍ଯ ପ୍ରଦାନ କରିଥିଲେ। ଓଡିଶା ପ୍ରାନ୍ତୀୟ ଜୈନ ସ୍ବତାମ୍ବର ତେରାପନ୍ଥ ସଭାର ଅଧ୍ୟକ୍ଷ ମୁକେଶ କୁମାର ଜୈନ ମୁଖ୍ଯ ଅତିଥି ଭାବେ ଯୋଗ ଦେଇ କହିଥିଲେ ଯେ, ଏହି ଦିନଟି ଅସତ୍ୟ ଉପରେ ସତ୍ୟ ଜୟ। ପୂର୍ବତନ ସରପଞ୍ଚ ରିଙ୍କି ସାହୁ,  ଦୁର୍ଯ୍ୟୋଧନ ସାହୁ, ତିରବନ ସାହୁ, ରେଖା ଜୈନ, ଜ୍ୟୋତି ଜୈନ, ଭୂବନେଶ୍ବର ଗହିର, ଦୁର୍ବାଦନ ସାହୁ ଆଦି ଯୋଗ ଦେଇ ନିଜ ନିଜ ମତାମତ ରଖିଥିଲେ।