25-Oct-2022

ବଲାଙ୍ଗୀର(ପ୍ରେରଣା ଖବର)-ମେଣ୍ଡା ନିକଟସ୍ଥ ରାଜପାଲି ଗ୍ରାମର ଅବସରପ୍ରାପ୍ତ ଶିକ୍ଷକ ଭାଗବତ ପଣ୍ଡାଙ୍କର ୭୮ବର୍ଷ ବୟସରେ ପରଲୋକ ହୋଇଯାଇଛି । ଗତ ୫ଦିନ ହେଲା ବ୍ରେନ ଷ୍ଟ୍ରୋକରେ ପିଡିତ ହୋଇ ସେ ଭୀମଭୋଇ ମେଡିକାଲକଲେଜ ହସପିଟାଲର ଆଇସିୟୁରେ ଭର୍ତ୍ତିହୋଇ ଚିକିତ୍ସାଧିନ ରହିଥିଲେ । ସୋମବାର ରାତି ୧୧.୨୦ମିରେ ହସପିଟାଲରେ ତାଙ୍କର ମୃତ୍ୟୁ ହୋଇଯାଇଥିଲା । ତାଙ୍କ ବିୟୋଗ ଖବର ପ୍ରଚାରିତ ହେବାପରେ ଅଞ୍ଚଳରେ ଶୋକର ଛାୟା ଖେଳିଯାଇଛି । ସ୍ୱର୍ଗତ ପଣ୍ଡା ତାଙ୍କ ଚାକିରି ଜୀବନରେ ପୁଆ, ଖଗସାକନା, ସାଗରତଳ ଗୋଠ ଇତ୍ୟାଦି ସ୍କୁଲରେ ଶିକ୍ଷକତାରୁ ଅବସର ଗ୍ରହଣ କରି ଗାଁରେ ରହିଆସୁ ଥିଲେ । ସେ ଜଣେ ନ୍ୟାୟବନ୍ତ ଅମାୟିକ ମଣିଷ ରହି ଅଞ୍ଚଳରେ ପରିଚିତ ଥିଲେ । ଆଜି ମୃତ୍ୟୁ ବେଳେ  ତାଙ୍କ ପତ୍ନୀ ମେନକା ପଣ୍ଡା,ତିନିପୁଅ ଅଚ୍ୟୁତ,ସୁଶିଳ,ଅମ୍ବରିଶ,ତିନି ଝିଅ ସରୋଜିନୀ(କୁନ୍ତି),ନମିତା,ମମତା,ଜ୍ୱାଇଁ ଗିରୀଶ,ସୌଭାଗ୍ୟ,ନାତି ନାତୁଣି ଓ ପରିବାର ବର୍ଗ ଉପସ୍ଥିତ ଥିଲେ । ମଙ୍ଗଳବାର ସୂର୍ଯ୍ୟପରାଗ ପଡୁଥିବାରୁ ସୋମବାର ରାତିରେ ହିଁଁ ରାଜପାଲି ପିପିଲକଟା ସ୍ମଶାନରେ ତାଙ୍କର ଶେଷକୃତ୍ୟ ସମ୍ପନ୍ନ ହୋଇଥିଲା । ତାଙ୍କ ଜ୍ୟେଷ୍ଠପୁତ୍ର ଅଚ୍ୟୁତ ମୁଖାଗ୍ନୀ ଦେଇଥିଲେ ।