24-Oct-2022

ବୀରମହାରାଜପୁର,( ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଜଟେସିଂହା ପଞ୍ଚାୟତ ଅନ୍ତର୍ଗତ ବଡ଼ଖମାର ଠାରେ ୧୦ମ ମାଁ' ଶ୍ୟାମାକାଳୀ ପୂଜା ଅବସରରେ କଳସ ଶୋଭା ଯାତ୍ରା ଅନୁଷ୍ଠିତ ହୋଇଯାଇଛି। ଆଜି ସକାଳୁ ଗ୍ରାମର ନିକଟସ୍ଥ ପ୍ରେମ ସରବର ଠାରେ ରୀତିନୀତି ଅନୁସାରେ ପୂଜାର୍ଚ୍ଚନା କରି ଗଙ୍ଗା ମାତ ଙ୍କୁ ଆବାହନ କରି ଏକ ଆଧ୍ୟାତ୍ମିକ ପରିବେଶରେ ବହୁ ସଂଖ୍ୟକ ମହିଳା ପୁରୁଷ ଯୋଗଦେଇ ପୂର୍ଣ୍ଣ କଳସୀ ଧରି ନଗର ପରିକ୍ରମା କରିବା ସହ ପୂଜା ମଣ୍ଡପ ସ୍ଥାପନ କରିଥିଲେ। ଏଥିରେ ପୂଜକ ପଣ୍ଡିତ ସଦାନନ୍ଦ ଷଡ଼ଙ୍ଗୀ ପୂଜା କାର୍ଯ୍ୟ ତୁଲାଇଥିବା ବେଳେ ଗୈାରୀଶଙ୍କର ପାଣିଗ୍ରାହୀ ଓ ଧର୍ମପତ୍ନୀ ବୟନ୍ତୀ ଚାନ୍ଦ କର୍ତ୍ତା ଦାଇତ୍ୱ ତୁଲାଉଛନ୍ତି। ଆସନ୍ତାକାଲି ଠାରୁ ମାଁ'ଙ୍କ ପୂଜା ଆରମ୍ଭ ହେବ ସହ ପ୍ରତେହ ସନ୍ଧ୍ୟାରେ  ତ୍ରୀପୁରାସୁର ରାଜ ଦରବାର ଅନୁଷ୍ଠିତ ହେବାର

ଜଣାଯାଇଛି। ଏଥିରେ ମୀନା ବଜାର, ଚକ୍ରଦୋଲି,ବେକ୍ର ଡେନସ , ବିଭିନ୍ନ ରଙ୍ଗାରଙ୍ଗ କାର୍ଯ୍ୟକ୍ରମ , ମନହରୀ ସହ ଘରକରଣା ସାମଗ୍ରୀ ଦୋକାନ ବଜାର ସାଙ୍ଗକୁ ଗୁପଚୁପ ଚାଟ ଭଲି ଚଟପଟା ଖାଦ୍ୟର ମଜା ନେଇ ପାରିବେ ଦର୍ଶକ।  କମିଟିର ଗକୁଲାନନ୍ଦ ସାହୁ,ରହିମ ପଧାନ, କ୍ଷେତ୍ରପାଳ ପଧାନ, ଆଶିଷ କୁମାର ସାହୁ, କୁନୁ ଛନ୍ଦ,ମୁନା କର୍ମୀ, ଶ୍ରବଣ ସାହୁ,ମନୋଜ କର୍ମୀ, ସଞ୍ଜିବ ସାହୁ , ଦମୟନ୍ତୀ ସାହୁ ସହ କମିଟି ସମସ୍ତ ସଦସ୍ୟ ସାମିଲ   ହୋଇଥିଲେ।