23-Oct-2022

ନବରଙ୍ଗପୁର ଜିଲ୍ଲା ଡାବୁଗାଁ ବ୍ଲକ ସଦର  ସଂକଳ୍ପ ବନ ପରିସରରେ  ଅଖିଳ ଭାରତୀୟ ଅଲ୍ ଓଡ଼ିଶା ଲେଡିସ ୱାର୍କର୍ଷ ସଂଘର ଏକ ବ୍ଲକ ସ୍ତରୀୟ ବୈଠକ ଅନୁଷ୍ଠିତ ହୋଇଯାଇଛି . ମୁଖ୍ୟ ଅତିଥି ଭାବେ କେନ୍ଦ୍ରୀୟ ସଂଘଠନ ର ସମ୍ପାଦିକା ଅଞ୍ଜଳି ପଟେଲ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ରାଜ୍ୟ ସଂଘ ର ସଭ୍ୟା ସବିତା ନାୟକ, ନବରଙ୍ଗପୁର ଜିଲ୍ଲା ସଭାନେତ୍ରୀ ଭାଗ୍ୟବତୀ ଷଡ଼ଙ୍ଗୀ, ସମ୍ପାଦିକା ସନ୍ଧ୍ୟାରାଣି ବିଶ୍ଵାଳ ଓ  ଭାରତୀୟ ମଜଦୂର ସଂଘର ଜିଲ୍ଲା ଉପଦେଷ୍ଟା ପରମେଶ୍ବର ବିଶୋଇ ଯୋଗ ଦେଇଥିଲେ . ମୁଖ୍ୟ ଅତିଥି କେନ୍ଦ୍ରୀୟ ସଂଗଠନ ର ସମ୍ପାଦିକା ଅଞ୍ଜଳି ପଟେଲ ଦୀର୍ଘ ବର୍ଷ ଧରି ସରକାରଙ୍କ ନିକଟରେ ଅଙ୍ଗନୱାଡ଼ି ମାନଙ୍କ ବିଭିନ୍ନ ଦାବି

କରାଯାଉଥିଲେ ସୁଦ୍ଧା କର୍ଣ୍ଣପାତ କରୁ ନ ଥିବା ରୁ କ୍ଷୋଭ ପ୍ରକାଶ କରିବା ସହ ଅଙ୍ଗନୱାଡ଼ି ମାନଙ୍କ ନ୍ୟାର୍ଯ୍ୟ ଦାବୀ ପାଇଁ ପୁନର୍ବାର ସରକାରଙ୍କୁ ଚେତାଇ ଦେବା ପାଇଁ କହିଥିଲେ . ଅଙ୍ଗନୱାଡି ମାନେ ୬ ଟି ଲକ୍ଷ ନେଇ କାର୍ଯ୍ୟ ରେ ଭର୍ତ୍ତି ହୋଇଥିଲେ . ସେଥି ମଧ୍ୟରୁ ପରିପୂରକ ପୃଷ୍ଟି ସାଧନ, ପ୍ରତିଷେଧକ ବ୍ୟବସ୍ଥା, ସ୍ୱାସ୍ଥ୍ୟ ପରୀକ୍ଷା, ପରାମର୍ଶ ସେବା ,ସମସ୍ତ ବିଭାଗ ସହ ସମନ୍ୱୟ ରକ୍ଷା ଓ ଅଣ ଆନୁଷ୍ଠାନିକ ପ୍ରାକ୍ ବିଦ୍ୟାଳୟ ଶିକ୍ଷା . କିନ୍ତୁ ଏହି ୬ ଟି ଲକ୍ଷ୍ୟ ବଦଳରେ ସରକାର ଆମକୁ ସୋପାନ, ମୋବାଇଲ ଆପ ରେ ଅନ୍ ଲାଇନ୍ କାର୍ଯ୍ୟ ସହ ୪୫ ରୁ ଉର୍ଦ୍ଧ ଅତିରିକ୍ତ କାର୍ଯ୍ୟ କରାଉଛନ୍ତି . ସରକାରଙ୍କ ସମସ୍ତ ଯୋଜନା ର କାର୍ଯ୍ୟକ୍ରମକୁ ଅଙ୍ଗନୱାଡ଼ି ମାନେ ପୂର୍ଣ୍ଣ ମାତ୍ରାରେ ସହଯୋଗ କରି ଆସୁଛନ୍ତି . ତେବେ ଅଙ୍ଗନୱାଡ଼ି ମାନେ ସରକାରଙ୍କ ନିକଟରେ ଗତ ତିନି ବର୍ଷ ଧରି ଦରମା ବୃଦ୍ଧି, ପ୍ରମୋସନ ଓ ଖାଦ୍ୟ ଟଙ୍କା ବୃଦ୍ଧି ସହ ଅନ୍ୟାନ୍ୟ ଦାବୀ ରଖି ଆସିଥିଲେ ସୁଦ୍ଧା ସରକାର ଆମର ଗୋଟିଏ ବି ଦାବୀ ଆଜି ପର୍ଯ୍ୟନ୍ତ ଶୁଣି ନାହାନ୍ତି . ତେଣୁ ଆଗାମୀ ଦିନରେ ନିଜର

ମୌଳିକ ଅଧିକାର ପାଇଁ ସରକାରଙ୍କୁ ପୁଣି ଘେରିବାକୁ ସମସ୍ତେ ପ୍ରସ୍ତୁତ ରହିବାକୁ କହିଥିଲେ .  ରାଜ୍ୟ ସଂଘର ସଭ୍ୟା ସବିତା ନାୟକ ବିଗତ ଦୁଇ ବର୍ଷ ର କରୋନା କାଳରେ ମଧ୍ୟ ଅଙ୍ଗନୱାଡ଼ି ମାନେ ନିର୍ଭୀକ ଭାବରେ ସରକାରଙ୍କୁ କାର୍ଯ୍ୟରେ ସମ୍ପୂର୍ଣ୍ଣ ସହଯୋଗ କରିଥିଲେ ସୁଦ୍ଧା ଅଙ୍ଗନୱାଡ଼ି ମାନଙ୍କ ଗୁହାରି ଶୁଣୁ ନ ଥିବାରୁ ଏହାର ତୀବ୍ର ବିରୋଧ କରିଥିଲେ .ଦିନକୁ ଦିନ ଅତ୍ୟାବଶ୍ୟକୀୟ ସାମଗ୍ରୀର ଦରବୃଦ୍ଧିକୁ ଯୋଗୁଁ ଅଙ୍ଗନୱାଡ଼ି ମାନେ  କମ୍ ଦରମାରେ ପରିବାର ଚଳାଇବା କଷ୍ଟ ହୋଇ ପଡ଼ିଛି .   ଆଗାମୀ ଦିନରେ ସରକାର ଯଦି ସର୍ବନିମ୍ନ ମଜୁରୀ ବୃଦ୍ଧି ନ କରନ୍ତି ତା ହେଲେ ଆନ୍ଦୋଳନ କରାଯିବ ବୋଲି ସରକାରଙ୍କୁ ଚେତାବନୀ ଦେଇଛନ୍ତି . ଅନ୍ୟ ମାନଙ୍କ ମଧ୍ୟରେ ସନ୍ଧ୍ୟାରାଣି ପାଢ଼ୀ, ବୈଜୟନ୍ତି ବଇପାରି, ମମତା ସାହୁ, ସବିତା ପଣ୍ଡା, ବ୍ଲକ ର ୨୫୦ ରୁ ଉର୍ଦ୍ଧ ଅଙ୍ଗନୱାଡ଼ି, ସହାୟିକା ଓ ଆଶାକର୍ମୀ ଯୋଗ ଦେଇଥିଲେ l

(ମିହିର ଶଙ୍କର ପାତ୍ର ଙ୍କ ରିପୋର୍ଟ)