18-Oct-2022

'
ଦେଓଗାଁ:- ସରକାର ଗ୍ରାମାଞ୍ଚଳ ମାନଙ୍କରେ ବସବାସ କରୁଥିବା ଲୋକଙ୍କ ସୁବିଧା ପାଇଁ ରାଜ୍ୟ ରାଜକୋଷ ରୁ କୋଟି କୋଟି ଟଙ୍କା ମଞ୍ଜୁର କରୁଛନ୍ତି । ଉନ୍ନତି ନାମରେ ସେହି ଟଙ୍କା ଗୁଡ଼ିକ କେମିତି ବାଟ ମାରଣ ହେଉଛି ଏହାର ଏକ ନଗ୍ନ ନମୁନା ଦେଓଗାଁ ବ୍ଲକ ଅଧିନସ୍ଥ ଧଣ୍ଡାମାଲ ପଞ୍ଚାୟତ ବିଲାସପୁର ଗ୍ରାମରେ ଦେଖିବାକୁ ମିଳିଛି । ଗ୍ରାମବାସୀ ଙ୍କ ଅଭିଯୋଗ ଅନୁଯାୟୀ ଏହି ଗ୍ରାମର ଖାଇରକଟା ର ପଙ୍କୋଦ୍ଧାର ପାଇ ୫ ଲକ୍ଷ ଟଙ୍କା ଧାର୍ଯ୍ୟ ହୋଇ କାମ ଆରମ୍ଭ ହୋଇଥିଲା । ପ୍ରାୟ ଦେଢ଼ ଲକ୍ଷ ଟଙ୍କାର କାମ ହୋଇଥିବା ବେଳେ ,ନିମ୍ନ ମାନ କାର୍ଯ୍ୟ ଯୋଗୁ ଗ୍ରାମବାସୀ ଉତ୍କ କାମ କୁ ବନ୍ଦ କରିଦେଇଥିଲେ । ଏହି କାମ ମେଁ ମାସରେ ଆରମ୍ଭ ହୋଇଥିବା ଅଭିଯୋଗରୁ ଜଣାପଡିଛି।କାମ ବନ୍ଦ କଲାପରେ ଗ୍ରାମବାସୀ ମାନେ ଜାଣିବାକୁ ପାଇଲେ କୁଆଡେ ଅସମ୍ପୂର୍ଣ୍ଣ କାମକୁ ସଂପୂର୍ଣ୍ଣ ଦର୍ଶାଇ ୫ ଲକ୍ଷ ଟଙ୍କା ବିଲ ଉଠାଇ ନେଇଛନ୍ତି । ଏହାର ପ୍ରତିବାଦରେ ଗ୍ରାମବାସୀ ଦେଓଗାଁ ବିଡ଼ିଓ ଙ୍କ ଠାରେ ଅଭିଯୋଗ କରିଥିବା କହିଥିଲେ । ବିଡ଼ିଓ କୌଣସି ପଦକ୍ଷେପ ନେଇ ନ ଥିବା ରୁ ଗ୍ରାମର ପ୍ରାୟ ୨୦ ରୁ ଉର୍ଦ୍ଧ୍ବ ଗ୍ରାମବାସୀ ଜିଲ୍ଲାପାଳ ଙ୍କୁ ଲିଖିତ ଅଭିଯୋଗ ଦେଇଥିଲେ । ପ୍ରକାଶ ଥାଉ କି ଏହି ଖାଇରକଟା ଉପରେ ବିଲାସପୁର ଗ୍ରାମବାସୀ ଜଳ ପାଇଁ ନିର୍ଭର କରିଥାନ୍ତି । ଏଣୁ ଗ୍ରାମବାସୀ ନ୍ୟାୟ ମିଳିବା ଆଶାରେ ଜିଲ୍ଲାପାଳ ଙ୍କ ଦ୍ବାରସ୍ଥ ହୋଇଥିଲେ । ଅଭିଯୋଗ ର ସତ୍ୟାସତ୍ୟ ଜାଣିବା ପାଇଁ ସଂପୃକ୍ତ ଜେଇ ଙ୍କ ମୋବାଇଲ ନମ୍ବର ୮୬୩୭୨୨୪୯୩୭ କୁ ଫୋନ୍ କରିଥିଲେ ମଧ୍ୟ ଯୋଗାଯୋଗ ହୋଇପାରି ନ ଥିଲା ।ଜିଲ୍ଲାପାଳ ଉକ୍ତ ଖାଇରକଟା ପଙ୍କୋଦ୍ଧାର ର ତଦନ୍ତ କଲେ ଅସଲ ତଥ୍ୟ ଲୋକ ଲୋଚନ କୁ ଆସିବ ବୋଲି ଗ୍ରାମବାସୀ ମିଲାପ ମହାକୁର,ସତ୍ୟ କରନ୍, ବନମାଳୀ ଥନାପତି ,ଘନଶ୍ୟାମ , ବିପିନ୍ ଦେହୁରୀ, ବିରଞ୍ଚି,ସମେତ ଅନ୍ୟମାନେ ଲିଖିତ ଅଭିଯୋଗ କରିଛନ୍ତି ।