17-Oct-2022

କର୍ଲାମୁଣ୍ଡା -(ପ୍ରଦିପ କୁମାର ସାହୁ)
କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ରିଷିଡା ସ୍ଥିତ ଜଗନ୍ନାଥ କୌଶଲ୍ୟା ଉଚ୍ଚ ମାଧ୍ୟମିକ ବିଦ୍ୟାଳୟ (ଜୁନିଅର କଲେଜ )ର ବିଦାୟୀ ଅଧ୍ୟକ୍ଷ ପ୍ରଣୟ ଆନନ୍ଦ କୁମାର ତ୍ରିପାଠୀ ଙ୍କୁ ଆସନ୍ତା 19 ତାରିଖ ବୁଧବାର ଦିନ ବିଦ୍ୟାଳୟ ପରିସରରେ ବିଦାୟୀକାଳୀନ ସମ୍ବର୍ଦ୍ଧନା ପ୍ରଦାନ କରାଯିବ l ଏହି କାର୍ଯ୍ୟକ୍ରମ ରେ ବିଦ୍ୟାଳୟ ର ଛାତ୍ରଛାତ୍ରୀ, ପୁରାତନ ଛାତ୍ରଛାତ୍ରୀ ଓ ଶୁଭେଛୁ ମାନେ ଉପସ୍ଥିତ ରହିବା ପାଇଁ ବର୍ତମାନ ର କାର୍ଯ୍ୟରତ ଅଧ୍ୟକ୍ଷ ପ୍ରାଧ୍ୟାପକ ଦିଲୀପ କୁମାର ଦାସ ଓ ପୁରାତନ ଛାତ୍ର ସଂସଦ ପକ୍ଷରୁ ଅନୁରୋଧ କରାଯାଇଛି l ପ୍ରକାଶଥାଉକି ଶ୍ରୀ ତ୍ରିପାଠୀ ଗତ ସେପ୍ଟେମ୍ବର 30 ତାରିଖ ଦିନ ଅବସରଗ୍ରହଣ କରିଛନ୍ତି l କିନ୍ତୁ ଦଶହରା ଛୁଟି ଥିବାରୁ ବିଦାୟ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇପାରିନଥିଲା l ତେଣୁ ଆଗାମୀ ବୁଧବାର ଏହି କାର୍ଯ୍ୟକ୍ରମ ରଖାଯାଇଥିବା ପୁରାତନ ଛାତ୍ର ସଂସଦ ଆବାହକ ନରୋତ୍ତମ ସେଲମା କହିଛନ୍ତି।