16-Oct-2022

ସୁବଲୟା, - ସୁବର୍ଣ୍ଣପୁର ଜିଲ୍ଲା ବିରମହାରାଜା ବ୍ଲକ ଅନ୍ତର୍ଗତ ସୁବଲୟା ଉଚ୍ଚ ବିଦ୍ୟାଳୟ ରେ  ଜୁନିଅର ରେଡକ୍ରସ ୟୁନିଟ ତରଫରୁ  ବିଶ୍ୱ ପ୍ରାଥମିକ ଚିକିତ୍ସା ଦିବସ ପାଳିତ ହୋଇଯାଇଛି । ଆୟୋଜିତ ହୋଇଥିବା ସଭାରେ ପ୍ରଧାନଶିକ୍ଷକ ସ୍ୱର୍ଣ୍ଣଲତା ବେହେରା ସଭାପତିତ୍ୱ କରି ପ୍ରାଥମିକ ଚିକିତ୍ସାର ଗୁରତ୍ୱ ବିଷୟରେ ବକ୍ତବ୍ୟ ଦେଇଥିଲେ । ବିଦ୍ୟାଳୟର ଜୁନିଅର ରେଡକ୍ରସ ପରାମର୍ଶଦାତା ତଥା ରକ୍ଷକ ସାଧନକର୍ମି ଚନ୍ଦ୍ରମଣି ବାଘ ଜୁନିଅର ଛାତ୍ରଛାତ୍ରୀ ମାନଙ୍କୁ ପ୍ରାଥମିକ ଚିକିତ୍ସାର ଉପକାରିତା, ରିକୋଭରି ପୋଜିସନ, ଡିଆରଏବିସି, ଅସ୍ଥିଭଗ୍ନ, ରକ୍ତସ୍ରାବ, ବ୍ୟାଣ୍ଡେଜିଙ୍ଗ ଓ ରୋଗୀ ସ୍ଥାନାନ୍ତରଣ ଭଳି ବିଭିନ୍ନ କୌଶଳକୁ ଡେମୋନେଷ୍ଟ୍ରେସନ ମାଧ୍ୟମରେ ତାଲିମ ଦେଇଥିଲେ ।  କାର୍ଯ୍ୟକ୍ରମରେ ଜୁନିଅର ରେଡକ୍ରସ ୟୁନିଟର ଆୟୁସ୍ମିତା ପାତ୍ର, ମୁସ୍କାନ ପାତ୍ର, ଦିପ୍ତି ରେଖା ମେହେର, ସାଳୀନି ମେହେର,କଲ୍ୟାଣୀ ଦାଶ  ପ୍ରମୁଖ ତାଲିମ ସମୟରେ ଡେମୋ ପ୍ରଦର୍ଶନ କରଥିଲେ । ବିଦ୍ୟାଳୟର ସମସ୍ତ ଶିକ୍ଷକ ଓ କର୍ମଚାରୀ କାର୍ଯ୍ୟକ୍ରମରେ    ସହଯୋଗ କରିଥିଲେ ।  ଶେଷରେ ଶିକ୍ଷକ ସିଦ୍ଧାର୍ଥ ମିଶ୍ର ଧନ୍ୟବାଦ ଅର୍ପଣ କରିଥିଲେ ।