11-Oct-2022

ବଲାଙ୍ଗୀର  :  ( ମଳୟ ମିଶ୍ରଙ୍କ ରିପୋର୍ଟ ) ଏହି କିଛିଦିନଧରି ବଲାଙ୍ଗୀର ଜିଲ୍ଲାର କେତେକ ଅପରାଧଘଟଣା ରାଜ୍ୟବ୍ୟାପି ଚର୍ଚ୍ଚିତ ଓ ଚାଞ୍ଚଲ୍ଯ ସୃଷ୍ଟି କରିଆସିଛି । ଗତବର୍ଷର ତୁରେକେଲା ଥାନାନ୍ତର୍ଗତ ଝରଣୀ ଗ୍ରାମର ସିନ୍ଧେକେଲାଥାନାର ପଡୋଶୀ କଳାହାଣ୍ଡି ଜିଲ୍ଲାର ମହାଲିଙ୍ଗ କଲେଜ ବନାମ ପବ୍ଲିକ୍ ସ୍କୁଲ୍ ଅଧ୍ୟକ୍ଷା ମମିତା ମେହେର ଅପହରଣ ଓ ହତ୍ୟାକାଣ୍ଡରେ  ପୂର୍ବତନ ଗୃହରାଷ୍ଟ୍ରମନ୍ତୀ ପଡୋଶୀ କଳାହାଣ୍ଡି ଜିଲ୍ଲାର କ୍ୟାପ୍ ଟେନ୍ ଦିବ୍ୟଶଙ୍କର ମିଶ୍ରଙ୍କ ସମ୍ପୃକ୍ତିର ଅଭିଯୋଗ ହେଉ , ଗତମାସରେ କଣ୍ଟାବାଞ୍ଜି ଏସଡିପିଓ ଡ. ହୃଷିକେଶ ମେହେର ଦାଦନସେଠ୍ ଙ୍କୁ ଜୁଆଡି ସଜାଇ ପ୍ରାୟ ଏକକୋଟି ବଇନା ଟଙ୍କାରୁ ଅଧାଅଧି ହଡପ କରି ଏବେ ନିଲମ୍ଵିତ ହେବା ଘଟଣା ହେଉ ବା ସଂପ୍ରତି ସମଗ୍ର ରାଜ୍ୟରେ ଆଲୋଡନ ସୃଷ୍ଟି କରିଥିବା କେସିଙ୍ଗାର ଅର୍ଚ୍ଚନା ନାଗ ହନିଟ୍ରାପ୍ ମାମଲାରେ ପାଟଣାଗଡର ପୂର୍ବତନ  ବିଧାୟକ , ପୂର୍ବତନ ମନ୍ତ୍ରୀ , ବରିଷ୍ଠ ଭାଜପାନେତା ବଲାଙ୍ଗୀର ମହାରାଜା କନକ ବର୍ଦ୍ଧନ ସିଂଦେଓ ତଥା ତାଙ୍କ ପତ୍ନୀ ସାଂସଦ ଶ୍ରୀମତୀ ସଙ୍ଗୀତା କୁମାରୀ ସିଂଦେଓଙ୍କ ନାମ ଗଣମାଧ୍ୟମରେ ଚର୍ଚ୍ଚିତ ହେଇପଡିଥିବା ସେକ୍ସସ୍କାଣ୍ଡାଲ୍  ଇତ୍ୟାଦି  ଘଟଣା ହେଉ ; ବଲାଙ୍ଗୀରଜିଲ୍ଲାର ବଡବଡିଆମାନଙ୍କ ନାଁ' ଲୋକଲୋଚନକୁ ଆସିଛି । 

ତେବେ ସବୁଠାରୁ ବିଡମ୍ବନାର ବିଷୟ ଏହା ଯେ ଏସବୁ ବଡବଡ ଅପରାଧଘଟଣା ଓ ବଡବଡିଆଙ୍କର ସମ୍ପୃକ୍ତି ଅଭିଯୋଗ ସତ୍ତ୍ୱେ ଏକ  ଜନପ୍ରତିନିଧି ଭିତ୍ତିକ ଗାଣତାନ୍ତ୍ରିକ ସରକାର ଏହି ବହୁଚର୍ଚ୍ଚିତ ଅପରାଧମାମଲାଗୁଡିକର ଯଥାଯଥ ସମ୍ପୂର୍ଣ୍ଣ ତଦନ୍ତର ଫଳାଫଳ ଜନସାଧାରଣଙ୍କ ଅବଗତି ନିମନ୍ତେ ଖୁଲାସା କରିପାରି ନାହାନ୍ତି ବୋଲି ଅଦ୍ୟାପି ଜନଅସନ୍ତୋଷ ରହିଆସିଛି ।