11-Oct-2022

ଦେଓଗାଁ, ଆଜି ସଂଧ୍ୟା ପ୍ରାୟ ୭ଟା ସମୟରେ ବଲାଙ୍ଗୀର ଜିଲ୍ଲା ଦେଓଗାଁ ବ୍‌କ ଅନ୍ତର୍ଗତ ଦେଓଗାଁ ବଙ୍ଗଳା ନିକଟରେ ଏକ ଅଜଣା ବୋଲେରୋ ଦୁଇ ଜଣ ବ୍ୟକ୍ତିଙ୍କୁ ଧକ୍କା  ଦେଇ ଘଟଣାସ୍ଥଳରୁ ଫେରାର୍ ହୋଇଯାଇଥିଲା । ସୂଚନାରୁ ପ୍ରକାଶ ଯେ ଆଜି ସଂଧ୍ୟା ପାଖାପାଖି ୭ ଟା ସମୟରେ ଦେଓଗାଁ ଅଂଚଳର ନରେନ୍ଦ୍ର ଗନ୍ଧରିଆ(୫ଠ) ଓ କାର୍ତ୍ତିକ ବାଗ ଏକ ଲାଲ ରଙ୍ଗର ସ୍କୁଟିରେ ଦେଓଗାଁ ରୁ ବହଲି ଗ୍ରାମକୁ ଯାଉଥିବା ସମୟରେ ଦେଓଗାଁ ବଙ୍ଗଳା ନିକଟରେ  ସାମନା ପଟୁ ଆସୁଥିବା ଏକ ବୋଲେରୋ ହଠାତ୍ ଏହି ଦୁଇ ଜଣ ବ୍ୟକ୍ତଙ୍କୁୁ ଧକ୍କା ଦେଇ ଘଟଣାସ୍ଥଳରୁ ଫେରାର୍ ହୋଇଯାଇଥିଲା । ଗ୍ରାମବାସୀଙ୍କ ସହଯୋଗରେ ଏହି ଦୁଇ ଗୁରୁତରଙ୍କୁ ୧ଠ୮ ଆମ୍ବଲେନ୍ସ ଯୋଗେ ବଲାଙ୍ଗୀର ଭୀମ ଭୋଇ ମେଡିକାଲ କଲେଜ ଓ ହସ୍‌ପିଟାଲର ଅସ୍ଥିଶଲ୍ୟ ବିଭାଗରେ ଭର୍ତ୍ତି କରାଯାଇଛି । ନରେନ୍ଦ୍ର ଙ୍କ ଗୋଡ ଭାଙ୍ଗିଯାଇଥିବା ବେଳେ ଶରୀରର ବିଭିନ୍ନ ସ୍ଥାନରେ ଜୋର୍ ଆଘାତ ଲାଗିଛି । କାର୍ତ୍ତିକ ସାମାନ୍ୟ ଆହାତ ହୋଇ ଡାକ୍ତରଖାନାରେ ଚିକିତ୍ସିତ ହୋଇଛନ୍ତି । ପୋଲିସ ୍‌ଦୁର୍ଘଟଣାସ୍ଥଲରେ ପହଂଚି ଘଟଣାର ଛାନ୍‌ଭିନ୍ କରୁଛି ।  ସୂଚନାଯୋଗ୍ୟ ଯେ,  ବେପରୁଆ ଗାଡିଚାଳନା ଯୋଗୁଁ ଦେଓଗାଁ ରାସ୍ତାରେ ଏପରି ଅନେକ ରାସ୍ତା ଦୁର୍ଘଟଣା ମାନ ଘଟୁଛି ।