05-Oct-2022

ଲୋଇସିଂହା/ଆଗଲପୁର, (ବିନୋଦ କୁମାର ଦୀପ) କରୋନା ମହାମାରୀର ଦୀର୍ଘ ୨ ବର୍ଷପରେ ଶାରଦୀୟ ଦୁର୍ଗାପୂଜା ଚଳିତ ବର୍ଷ ବଲାଙ୍ଗୀର ଜିଲ୍ଲାର ସହର ଠୁ ଆରମ୍ଭ କରି ଗ୍ରାମାଞ୍ଚଳ ପର୍ଯ୍ୟନ୍ତ ଅନେକ ସ୍ଥାନରେ ଦୁର୍ଗାପୂଜା ଉତ୍ସବମୁଖର ହୋଇଉଠିଛି l ଏହି ପରିପ୍ରେକ୍ଷୀରେ ଲୋଇସିଂହା ବିଧାନସଭା

ନିର୍ବାଚନ ମଣ୍ଡଳୀ ଲୋଇସିଂହା ଓ ଆଗଲପୁର ତରଫରୁ  ଶାରଦୀୟ ଦୁର୍ଗାପୂଜା ଉପଲକ୍ଷେ ବିଜେଡି ରାଜ୍ୟ ସମ୍ପାଦିକା ଶ୍ରୀମତୀ ରଞ୍ଜୁ ରାଏମନଙ୍କୁ ଭବ୍ୟ ସ୍ୱାଗତ କରାଯାଇଛି l ପ୍ରଥମେ ଶ୍ରୀମତୀ ରଞ୍ଜୁ  ରାଏମନ ଆଗଲପୁର ବ୍ଲକ ରୋତ ଗ୍ରାମକୁ ପହଂଚିବା ପରେ ବାଜା ବଜାଇ, ବାଣ ଫୁଟାଇ ଗ୍ରାମର ଅନେକ ଲୋକ ଓ ମହିଳା ତାଙ୍କୁ ସ୍ୱାଗତ କରିଥିଲେ l ପରେ ଦୁର୍ଗାପୂଜା ମଣ୍ଡପକୁ ଯାଇ ଦୁର୍ଗା ମା ଙ୍କୁ ଦର୍ଶନ କଲେ ଓ ଲୋକଙ୍କୁ ଦୁର୍ଗାପୂଜାର ଶୁଭେଚ୍ଛା ଜଣାଇବା ସହ ଲୋକଙ୍କ ସୁଖଦୁଃଖ କଥା ବୁଝିଥିଲେ l ଉପସ୍ଥିତ ଥିଲେ ରୋତ ସମିତିସଭ୍ୟ କମଳ ସେଠ୍, ପୂଜା କମିଟି ସଭାପତି ଅଜୟ ପଟେଲ, ରମେଶ ପଟେଲ, ବୁଲୁ ପଟେଲ, ଧନୁକାନ୍ତ ପଟେଲ, ଅମିତ ପଟେଲ ଏହାସହ ଉପରବାହାଲ ପଂଚାୟତର ଯୁବ ବିଜେଡି କର୍ମୀ କମଳ ସାହୁ ଓ ପ୍ରଦୀପ ସାହୁ l ପରେ ପରେ ଶ୍ରୀମତୀ ରାଏମନ ପହଂଚିଥିଲେ ଲୋଇସିଂହା ବୁର୍ଡl ଗ୍ରାମକୁ l

ଏଠାରେ 25 ବର୍ଷ ପୂର୍ତ୍ତି ଅବସରରେ ହେଉଥିବା ଦୁର୍ଗାପୂଜା ଅବସରରେ ତାଙ୍କୁ ମୁଖ୍ୟଅତିଥି ଭାବେ ସୁ ସ୍ୱାଗତ କରାଗଲା l ଏଠାରେ କଂସ ଦରବାରରେ ଅତିଥିଗଣରେ ଥାଇ ଲୋକଙ୍କୁ ଦଶହରାର ହାର୍ଦିକ ଶୁଭେଚ୍ଛା ଜଣାଇଲେ l ଉପସ୍ଥିତ ଥିବା ସମସ୍ତ ଲୋକଙ୍କ ମଙ୍ଗଳ କାମନା କରିବା ସହ ସମସ୍ତଙ୍କ ସହଯୋଗରେ ଆଜି ମୁଁ ଏଠି ଉପସ୍ଥିତ ଅଛି ବୋଲି ନିଜ ବକ୍ତବ୍ୟ ରଖିଥିଲେ l ମଞ୍ଚରେ ଉପସ୍ଥିତ ଥିଲେ ପୂର୍ବତନ ସରପଞ୍ଚ ପ୍ରହଲ୍ଲାଦ ସାହୁ, ସହଦେଵ ସାହା, ପୂଜା କମିଟିର ସଭାପତି ପ୍ରଦୀପ ସାହୁ, କର୍ତ୍ତା ନାରାୟଣ ସାହୁ ପ୍ରମୁଖ l