05-Oct-2022

ଦେଓଗାଁ(ପ୍ରେରଣା ଖବର), ଦେଓଗାଁ ସାଗରପାଲିସ୍ଥିତ ବିଜୟାନନ୍ଦ ସମବାୟ ଚିନି କଳ କାର୍ଯ୍ୟକ୍ଷମ ଦାବିରେ ଚାଲିଥିବା ଅନିଶ୍ଚିତକାଳୀନ ଧାରଣା ଆଜି ୪ଠଠ ଦିନରେ ପହଂଚିଛି । ପଶ୍ଚିମ ଓଡ଼ିଶା ସେବା ସଂଘର ସଭାପତି ରାଜେଶ ବଗର୍ତ୍ତିଙ୍କ ନେତୃତ୍ୱରେ ଗୋଟିଏ ବର୍ଷରୁ ଅଧିକ ସମୟ ଧରି ଚାଲିଥିବା ଏହି ଆନ୍ଦୋଳନକୁ ଭିଆଇପି ପାର୍ଟି ଓ ଅନ୍ୟାନ୍ୟ ଦଳ ମାନେ ସମର୍ଥନ କରିଛନ୍ତି । ତେବେ ଶିଳ୍ପବିହୀନ ବଲାଙ୍ଗୀର ଜିଲ୍ଲାରେ ଏହି ଚିନିକଳ କାର୍ଯ୍ୟକ୍ଷମ ହେଲେ ଅନେକ ଲୋକ ରୋଜଗାରକ୍ଷମ ହୋଇପାରିବା ସହ କୃଷିଭିତ୍ତିକ  ଶିଳ୍ପର ବିକାଶ ହୋଇପାରିବ ବୋଲି ଆନ୍ଦୋଳନକାରୀ ମାନେ କହିଛନ୍ତି ।  ବଲାଙ୍ଗୀରବାସୀଙ୍କ ଏହି ନ୍ୟାର୍ଯ୍ୟ ଦାବି ପୂରଣା ପାଇଁ ପଶ୍ଚିମ ଓଡ଼ିଶା ସେବା ସଂଘ ଦୀର୍ଘ ଦିନ ହେଲା ଅନଶନରେ ବସିଥିଲେ ମଧ୍ୟ ପ୍ରଶାସନ ଏମାନଙ୍କ ଦାବି ପ୍ରତି ଭୃକ୍ଷେପ କରି ନାହିଁ । ଏହି ସମାନ ଦାବିକୁ ନେଇ ଅନଶନକାରୀ ମାନେ ବଲାଙ୍ଗୀର ଜିଲ୍ଲାପାଳ ଓ ବଲାଙ୍ଗୀର ବିଧାୟକ ଓ ସାଂସଦଙ୍କୁ ମଧ୍ୟ ସାକ୍ଷାତ କରି ସାରିଛନ୍ତି । ଆଗାମୀ ଦିନରେ ନିଜର ଏହି ଦାବି ପୂରଣ ନ ହେଲେ ଆନ୍ଦୋଳନକାରୀ ମାନେ ମୁଖ୍ୟମନ୍ତ୍ରୀଙ୍କ ବାସଭବନ ଆଗରେ ଧାରଣା ଦେବେ ବୋଲି ଚେତାବନୀ ଦେଇଛନ୍ତି ।