04-Oct-2022

ପଦ୍ମପୁର - ପରଲୋକରେ ପଦ୍ମପୁର ବିଧାୟକ ବିଜୟ ରଞ୍ଜନ ସିଂ ବରିହା। ତାଙ୍କ ପାର୍ଥିବ ଶରୀରକୁ ତାଙ୍କ କଲେଜ ରୋଡ଼ ସ୍ଥିତ ବାସଭବନରେ ରଖାଯାଇଥିଲା ଏବଂ ଓଡ଼ିଶା ସରକାରଙ୍କ ଅର୍ଥ ମନ୍ତ୍ରୀ ନିରଞ୍ଜନ ପୂଜାରୀ, ବୟନ ଶିଳ୍ପ ମନ୍ତ୍ରୀ ରୀତା ସାହୁ, ବରିଷ୍ଠ ବିଜେଡି ନେତା ପ୍ରସନ୍ନ ଆଚାର୍ଯ୍ୟ, ବିଧାୟକ ଦେବେଶ ଆଚାର୍ଯ୍ୟ ,ବିଜେପି ବିଧାୟକ ମୁକେଶ ମହାଳିଙ୍ଗ, ବରିଷ୍ଠ ବିଜେପି ନେତା ପ୍ରଦୀପ ପୁରୋହିତ, ପୂର୍ବତନ ସାଂସଦ ପ୍ରଭାସ ସିଂ,ଅତାବିରା ବିଧାୟିକା ସ୍ନେହାଙ୍ଗିନୀ ଛୁରିଆ ପ୍ରମୁଖ ତାଙ୍କୁ ପୁଷ୍ପମାଲ୍ୟ ଦେଇ ଶ୍ରଦ୍ଧାଞ୍ଜଳି ଜଣାଉଥିବା  ବେଳେ ନେତା ,ଜନତା ଓ ବହୁ ମାନ୍ୟ    ଗଣ୍ୟ ବ୍ୟକ୍ତି ଙ୍କର ଭିଡ଼ ଜମୁଛି । ଆଜି ତାଙ୍କର  ପାର୍ଥିବ ଶରୀରକୁ ଟାଉନ୍ ଶୋଭାଯାତ୍ରାରେ  

ନେଇ ରାଜଘାଟ ଠାରେ , ପଦ୍ମପୁର ପୋଲିସ୍ ପକ୍ଷରୁ "ଗାର୍ଡ ଅଫ ହନର୍" ଦିଆଯାଇଥିଲା । ଏବଂ ତାଙ୍କର ରୀତି ନୀତି ହିସାବରେ ଶେଷକୃତ୍ୟ ସମ୍ପନ୍ନ କରାଯାଇଥିଲ। ବିଳମ୍ବିତ ରାତିରେ ଭୁବନେଶ୍ଵର ସ୍ଥିତ ଏକ ଘରୋଇ ହସ୍ପିଟାଲରେ ଚିକିତ୍ସାଧିନ ଅବସ୍ଥାରେ ଶେଷ ନିଶ୍ବାସ ତ୍ୟାଗ କରିଛନ୍ତି । ମୃତ୍ୟୁବେଳକୁ ତାଙ୍କୁ ୬୪ ବର୍ଷ ବୟସ ହୋଇଥିଲା । ଅସୁସ୍ଥତା କାରଣରୁ କିଛି ଦିନ ହେବ ବିଜୟ ରଞ୍ଜନ ସିଂ ବରିହା ଚିକିତ୍ସିତ ହେଉଥିଲେ ।

(ନରହରି ବଗର୍ତ୍ତୀ ଙ୍କ ରିପୋର୍ଟ)