01-Oct-2022

ବରଗଡ:-ଶାରଦୀୟ ନବ ଦିନାତ୍ମକ ଦୁର୍ଗାପୂଜା ପାଇଁ ବରଗଡ ଜିଲ୍ଲା ବିଜେପୁର ଚଳଚଞ୍ଚଳ ହୋଇ ଉଠିଛି ।ଆଲୁଅ ସାଜସଜ୍ଜ୍ୟା ରେ ରାସ୍ତା ର ଉଭୟ ପାର୍ଶ୍ୱ ଝଲସି ଯାଉଛି ।ବିଦ୍ୟୁତ ତୋରଣ ଆଖି ଝଲସାଇ ଦେଉଛି ।ଧୂପଦୀପ ଦହନା ର ମହମହ ବାସ୍ନାରେ ସ୍ଥାନୀୟ ବସଷ୍ଟାଣ୍ଡ ସ୍ଥିତ ପୂଜା ମଣ୍ଡପ ମହକି ଉଠୁଛି ।ପଞ୍ଚବାଦ୍ୟ ସମାହାରରେ ଗୁରୁଗମ୍ଭୀର ଭର୍ନୀ ପାର ରେ ଏକ ଅପୂର୍ବ ଭକ୍ତି ଭାବମୟ ପରିବେଶ ସୃଷ୍ଟି ହେଉଛି । ଶନିବାର ଷଷ୍ଠ ଦେବସେ କାତ୍ୟାୟନୀ ବେଶରେ ଦେବୀ ଙ୍କ ରିତିନିତି ଅନୁଯାୟୀ ପୂଜାର୍ଚ୍ଚନା କରାଯାଇଥିଲା ।ଜମିଦାର ସନତ କୁମାର ଗଡତୀୟା କର୍ତ୍ତା ଦାୟିତ୍ୱ ତୁଲାଇଥିବା ବେଳେ,ପୁସ୍ତକାଚାର୍ଯ୍ୟ ସୁରେନ୍ଦ୍ର ମହାପାତ୍ର,ଚଣ୍ଡି ପାଠକ ଦେବରାଜ ରଥ ପୂଜାକାର୍ଯ୍ୟ ସମ୍ପାଦନ କରୁଛନ୍ତି ।ଦୁର୍ଗାପ୍ରସାଦ ମିଶ୍ର,ମାନସ ଦାଶ,ନେପାଳ ଗୁରୁ ପୂଜାକର୍ମ ରେ ସହଯୋଗ କରୁଛନ୍ତି ।ଇଂଜିନିୟର ମନୋଜ କୁମାର ପଣ୍ଡା,ସରୋଜ କୁମାର ସାହୁ,ରଜନୀକାନ୍ତ ଗଡତିଆ,ପାଣ୍ଡବ ପଧାନ,ପ୍ରେମାନନ୍ଦ ମହାପାତ୍ର,ଗୈାରାଙ୍ଗ ପଧାନ ପ୍ରମୁଖ ହବନ କର୍ମରେ ରହିଛନ୍ତି । ମାଁ ଙ୍କ ଏହି ବେଶ ଦର୍ଶନ ପାଇଁ ସହସ୍ରାଧିକ ଶ୍ରଦ୍ଧାଳୁ ଙ୍କ ସମାଗମ ପରିଲକ୍ଷିତ ହୋଇଥିଲା ।ଶ୍ରଦ୍ଧାଳୁ ମାନଙ୍କ ମନୋରଞ୍ଜନ ପାଇଁ ପ୍ରବଚନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।ଏଥିରେ ଶ୍ରୀକ୍ଷେତ୍ର ପୁରୀ ର ବିଶିଷ୍ଟ ପ୍ରବଚିକା ସରୋଜିନୀ ଦେବୀ ଯୋଗଦାନ କରି ସାଂସାରିକ ଜୀବନରେ ସ୍ୱର୍ଗୀୟ ସୁଖ କିପରି ପ୍ରାପ୍ତ କରିହେବ ସେ ବିଷୟ ରେ ପ୍ରବଚନ ପ୍ରଦାନ କରିଥିଲେ ।ଆସନ୍ତାକାଲି ରବିବାର ସଂଧ୍ୟାରୁ ପ୍ରସିଦ୍ଧ ମୁକ୍ତମଞ୍ଚ ରାମଲୀଳା ସହ ରାବଣ ଦରବାର କାର୍ଯ୍ୟକ୍ରମ ଅନୁଷ୍ଠିତ ହେବ ।ଏଥିରେ ଧନୁଯାତ୍ରା ର ବିଶିଷ୍ଟ କଳାକାର ଗୋଲାପ ଚନ୍ଦ୍ର ଦାଶ ରାବଣ ଭୂମିକାରେ ଅବତୀର୍ଣ୍ଣ ହେବେ ବୋଲି ସାର୍ବଜନୀନ ଦୁର୍ଗାପୂଜା କମିଟି ପକ୍ଷରୁ ପ୍ରକାଶ ।