28-Sep-2022

ବରଗଡ:-ବରଗଡ ଜିଲ୍ଲା ବିଜେପୁର ସ୍ଥିତ ସମେଲେଶ୍ୱରୀ ମନ୍ଦିର ଠାରେ ମାଁ ସମଲେଶ୍ୱରୀ ଙ୍କ ଚନ୍ଦ୍ରଘଣ୍ଟା ବେଶ ଆଶ୍ୱିନ ମାସ ତୃତୀୟା  ଦିବସେ ପୂଜାଅର୍ଚ୍ଚନା ସୁଚାରୁଋପେ ସମ୍ପାଦିତ ହୋଇଛି । କର୍ତ୍ତା ଭାବରେ ଶ୍ରୀମାନ ସିର୍ଦ୍ଧାର୍ଥ କୁମାର ସାହୁ ଏବଂ ତାଙ୍କ ଧର୍ମପତ୍ନୀ ଶ୍ରୀମତି ବୃନ୍ଦାବତୀ ସାହୁ ଯଥା-ରିତିନିତି ଅନୁଯାୟୀ ସକାଳ ୭ ଘଟିକା ରୁ ଚନ୍ଦ୍ରଘଣ୍ଟା ବେଶ ର ପୂଜାକାର୍ଯ୍ୟ ତୁଲାଇଥିବା ବେଳେ,ପୂଜାର୍ଚ୍ଚନା ମୁଖ୍ୟ ରାଜପୁରୋହିତ ଶ୍ରୀମାନ କିଶୋର ଚନ୍ଦ୍ର ପୂଜାରୀ ଏବଂ ସହ ପୁରୋହିତ ମଣ୍ଟୁ ସାବତ,ପ୍ରଦୀପ ପାଣିଗ୍ରାହୀ ଯଥା ରିତି-ନିତି ଅନୁଯାୟୀ ନିଷ୍ଠାପର ଭାବେ ସପ୍ତ ସତିଚଣ୍ଟି ପାଠ ଓ ହବନ  ନିଷ୍ଠାପର ଭାବେ ସମ୍ପର୍ଣ୍ଣ କରିଥିଲେ ।ତୁଳସୀ ରାମ ଭୋଇ ତତ୍ୱାବଧାନ ରେ ଗୁଣନିଧି ବାଗ,ସର୍ଜନ ଚିରଗୁନ ବରଗଡ ଜିଲ୍ଲା ଯାଦବ ଯୁବ ସଭାପତି,ପ୍ରହଲ୍ଲାଦ ଭୁଏ,ଭାଗବତ ଦାଶ(ସୁପକାର),ଧୁବା ସାହା,କୈଳାସ ବାଗ,ପ୍ରଭାକର ଅତବରା,ଚୁଡାମଣୀ ବଗାର,ମୋହନ ନାଏକ ପ୍ରମୁଖ ସହଯୋଗ  କରିଚାଲିଥିବାବେଳେ, ମାଁ ଙ୍କ ପାଖରେ ଆଳତୀ ଓ ପୁଷ୍ପାଞ୍ଜଳୀ ଅର୍ପଣ  କରାଯାଇଥିଲା । ଠିକ ସେଭଳି ବିଜେପୁର ସାର୍ବଜନୀନ ଦୁର୍ଗାପୂଜା ଉତ୍ସବ ମୁଖର ହୋଇପଡିଛି ।ଧୂପଗୁଗୁଲ ର ସୁବାସିତ ବାସ୍ନା ରେ ମେଢ଼ ତମାମ ଖୁବ ସୁନ୍ଦର ପରିବେଶ ମଧ୍ୟରେ ପୁରୋହିତ ଙ୍କ ବେଦମନ୍ତ୍ର ପାଠ ରେ ଏକ ଆଧ୍ୟାତ୍ମିକ ଭକ୍ତିଭାବମୟ ପରିବେଶ ସୃଷ୍ଟି ଯେମିତି ଲାଗୁଛି ଦେବୀ ମାଁ ଦୁର୍ଗା ମର୍ତ୍ତ୍ୟ କୁ ଆଗମନ କରିଛନ୍ତି ।ବିଜେପୁର ଜମିଦାର ଶ୍ରୀମାନ ସନତ କୁମାର ଗଡତୀୟା କର୍ତ୍ତା ଭାବେ ଦାୟିତ୍ୱ ନିର୍ବାହ କରି ଚାଲିଥିବାବେଳେ,ପୁସ୍ତକାଚାର୍ଯ୍ୟ ଶ୍ରୀଯୁକ୍ତ ସୁରେନ୍ଦ୍ର ମହାପାତ୍ର,ଚଣ୍ଡୀ ପାଠକ ଶ୍ରୀଯୁକ୍ତ ଦେବରାଜ ରଥ ପୂଜାକାର୍ଯ୍ୟ ସୁ-ଚାରୁଋପେ ସମ୍ପାଦନ କରିଚାଲିଛନ୍ତି ।ସର୍ବଶ୍ରୀ ଦୁର୍ଗାପ୍ରସାଦ ମିଶ୍ର,ଅଶ୍ୱିନୀ ଦାଶ,ନେପାଳ ଗୁରୁ ସହ ପୁରୋହିତ ଭାବେ ପୂଜା କାର୍ଯ୍ୟରେ ଜଡ଼ିତ ହୋଇ ସହଯୋଗ କରି ଚାଲିଛନ୍ତି ।ଦୁର୍ଗାପୂଜା କମିଟି ର ସଭାପତି ଜମିଦାର ଶ୍ରୀମାନ ଗଡତୀୟା ରହିଥିବାବେଳେ,ସମ୍ପାଦକ ଶ୍ରୀଯୁକ୍ତ ଜନାର୍ଦ୍ଦନ ପାଣିଗ୍ରାହୀ,କୋଷାଧ୍ୟକ୍ଷ ଭାବେ ବଳଭଦ୍ର ପଧାନ,ସଦସ୍ୟ:-ଇଞ୍ଜିନିୟର ମନୋଜ ପଣ୍ଡା,ସରୋଜ ସାହୁ,ହୃଷିକେଶ ମେହେର,ସାମ୍ବାଦିକ ପାଣ୍ଡବ ପଧାନ,ରଜନୀକାନ୍ତ ଗଡତୀୟା,ଡାକ୍ତର ସୁଧିର ସାହୁ,ବିଜେ ଭୋଇ ପ୍ରମୁଖ ଆନ୍ତରିକତା ର ସହ କିଭଳି ଦଶହରା ଭଲଭାବରେ ସମାହିତ ହେବ ସେନେଇ ବେଶ ଯତ୍ନବାନ ଅଛନ୍ତି ।ଆଜି ମାଁ ଦୁର୍ଗା ଚନ୍ଦ୍ରଘଣ୍ଟା ବେଶରେ ପୂଜା ପାଉଥିବାବେଳେ,ବିଜେପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ନିକଟସ୍ଥ ମାଁ ତାରିଣୀ ପୀଠରେ ମାଁ ତାରିଣୀ ଚନ୍ଦ୍ରଘଣ୍ଟା ବେଶରେ ପୂଜା ପାଉଛନ୍ତି ।କର୍ତ୍ତା ଭାବେ ବାଳକୃଷ୍ଣ ସେନାପତି ଏବଂ ତାଙ୍କ ଧର୍ମପତ୍ନୀ ସୈାଦାମିନୀ ସେନାପତି,ସୁଦାମ ଖରସଲ ଦାୟିତ୍ୱ ତୁଲାଇଥିବା ବେଳେ ପୂଜକ ପଦ୍ମଚରଣ ରାଏ ଆରାଧ୍ୟ ଦେବୀ ମାଁ ଙ୍କ ପୂଜା ସମ୍ପାଦନ କରିଚାଲିଛନ୍ତି ।ଚତୁର୍ଥୀ ରୁ ଷଷ୍ଠୀ ପର୍ଯ୍ୟନ୍ତ ସଂଧ୍ୟାରେ ଶ୍ରୀକ୍ଷେତ୍ର ପୁରୀ ର ପ୍ରବଚିକା ସରୋଜିନୀ ଦେବୀ ଙ୍କ ପ୍ରବଚନ କାର୍ଯ୍ୟକ୍ରମ ଓ ସପ୍ତମୀ ରୁ ଦଶମୀ ପର୍ଯ୍ୟନ୍ତ ବିଶିଷ୍ଟ କଳାକାର ମହାରାଜ ଗୋଲାପ ଦାସ ଙ୍କ ଟିମ ସହ ଆଂଶିକ ରାମାୟଣ ଅଭିନୟ ଓ ରାବଣ ଦରବାର ଅନୁଷ୍ଠିତ ହେବ ।ଦଶମୀ ସଂଧ୍ୟାରେ ରାବଣ ପୋଡି କାର୍ଯ୍ୟକ୍ରମ ଓ ଅନ୍ନଭୋଗ ପ୍ରସାଦ ବଣ୍ଟନ ସମେତ ବିଭିନ୍ନ ରାତ୍ର ରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ନାଟକ ତଥା ଭଜନ କାର୍ଯ୍ୟକ୍ରମ ମାନ ଅନୁଷ୍ଠିତ ହେବ ବୋଲି ପୂଜା କମିଟି ପକ୍ଷରୁ ପ୍ରକାଶ ।