28-Sep-2022

ବିନିକା(ହିମାଂଶୁ ଶେଖର ପୁଟେଲ) ବିନିକା ସିଦ୍ଧାର୍ଥ ଡିଗ୍ରୀ କଲେଜକୁ ଆଜି ବୁଧବାର ରାଜେନ୍ଦ୍ର ବିଶ୍ଵ ବିଦ୍ୟାଳୟ ସହବନ୍ଧନ କମିଟିର ଏକ ଟିମ ପରିଦର୍ଶନ କରିଛନ୍ତି ।ଏଥିରେ ବିଶ୍ଵ ବିଦ୍ୟାଳୟ ଉନ୍ନୟନ ପରିଷଦ ନିର୍ଦ୍ଦେଶକ ପ୍ରଫେସର ଡ.ବିଘ୍ନେଶ ପ୍ରସାଦ ମିଶ୍ର,କମ୍ପ୍ୟୁଟର ବିଜ୍ଞାନ ବିଭାଗର ସହକାରୀ ପ୍ରାଧ୍ୟାପକ ଡ.ନରେନ୍ଦ୍ର କୁମାର ରାଉତ,ପ୍ରଶାସନିକ ବିଭାଗର ବରିଷ୍ଟ ସହାୟକ ଅକ୍ଷୟ କୁମାର ସେଠୀ ପ୍ରମୁଖ ବିନିକା ସିଦ୍ଧାର୍ଥ ଡିଗ୍ରୀ କଲେଜ ପରିଦର୍ଶନରେ ଆସି ମହାବିଦ୍ୟାଳୟର ପ୍ରଶାସନିକ,ହିସାବ,ପରୀକ୍ଷା ବିଭାଗ ସହ ଶୋକ୍ଷିକ ଦିଗ,ବିଜ୍ଞାନ ପ୍ରୟୋଗଶାଲା,ପାଠାଗାର ଆଦି ପରିଦର୍ଶନ କରି ଖୁସିବ୍ୟକ୍ତ କରିବା ସହ ଆଗାମୀ ଦିନରେ ଯଦି ଆବଶ୍ୟକ ପଡେ ଉକ୍ତ ମହାବିଦ୍ୟାଳୟକୁ ସମସ୍ତ ପ୍ରକାର ସହଯୋଗ ପାଇଁ କମିଟି ସଦସ୍ୟ ନିର୍ଭର ପ୍ରତିଶ୍ରୁତି ଦେଇଥିଲେ । ଏହି ଅବସରରେ

କଲେଜର ଭାରପ୍ରାପ୍ତ ଅଧ୍ୟକ୍ଷ ଗୋପାଳ କୃଷ୍ଣ ଦାଶଙ୍କ ତତ୍ତାବଧାନରେ ମୁଖ୍ୟ କିରାଣୀ ସନ୍ତୋଷ କୁମାର ପଣ୍ଡା କଲେଜର ଆବଶ୍ୟକୀୟ ନଥିପତ୍ର କମିଟି ସଦସ୍ୟଙ୍କୁ ପ୍ରଦାନ କରିଥିଲେ ।ଏହି ଗସ୍ତ ବେଳେ କଲେଜ ପ୍ରଶାସନିକ ମୁଖ୍ୟ ପ୍ରଫେସର ବାଣୀପ୍ରସାଦ ବିଶ୍ଵାଳ,ସୌକ୍ଷିକ ମୁଖ୍ୟ ପ୍ରଫେସର ରୁଦ୍ର ନାରାୟଣ ଦାଶ,ଅଧ୍ୟାପିକା ଦୀପ୍ତିରାଣୀ ସ୍ୱାଇଁ,କିରାଣୀ ପ୍ରକାଶ ଦାଶ,ଲକ୍ଷ୍ମଣ ଝାଙ୍କର ପ୍ରମୁଖଙ୍କ ସମେତ ସମସ୍ତ ଷ୍ଟାଫ ଉପସ୍ଥିତ ଥିଲେ ।