28-Sep-2022

ଶାନ୍ତି, ମୈତ୍ରୀ ଓ ପ୍ରଗତିର ବାର୍ତ୍ତା ନେଇ ଆସିଥିବା ଅହିଂସା ରଥ କୁ ଗଞ୍ଜାମ ଜିଲ୍ଲା ର ବେଗୁନିଆପଡା ବ୍ଲକ ରେ  ଭବ୍ୟ ସମର୍ଦ୍ଧନା ଦିଆଯାଇଥିଲା l ମଙ୍ଗଳବାର ଅପରାହ୍ନ ସମୟରେ  ମଠସାରସିଂ ଛକରେ ରଥଟି ପହଞ୍ଚିବା ପରେ କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନ,  ଗୋଷ୍ଟି ଉନ୍ନୟନ ଅଧିକାରୀ ପ୍ରଜ୍ଞା ପ୍ରିୟଦର୍ଶିନୀ, କୋଦଳା ତହସିଲଦାର ସସ୍ମିତା ଶତପଥୀ, ଥାନା ଅଧିକାରୀ ଉମାକାନ୍ତ ସାହୁ ବ୍ଲକ ଅଧ୍ୟକ୍ଷା ରେଣୁ ଗୌଡ, ଉପାଧକ୍ଷ ସୁଧାକର ପ୍ରଧାନ,ପୂର୍ବତନ ଜିଲ୍ଲା ପରିଷଦ ସଦସ୍ୟ ମନୋଜ ପାଣ୍ଡି , ସମାଜସେବୀ ଚିତ୍ରସେନ ପରିଡା, ହୃଷିକେଶ ମେହେଣା ପ୍ରମୁଖ ସ୍ୱାଗତ କରିଥିଲେ ! ଏହାପରେ କୋଦଳା ବସ ଷ୍ଟାଣ୍ଡ ନିକଟ ଚାରିଛକ ଠାରେ କୋଦଳା ଏନ ଏ ସି ଅଧକ୍ଷ ସୂର୍ଯ୍ୟ ନାରାୟଣ ନାୟକ, ଉପାଧ୍ୟାକ୍ଷା ରଂଜିତା ସେଠି ଙ୍କସମେତ ଏନ ଏ ସି କର୍ମଚାରୀ ମାନେ ସ୍ୱାଗତ କରିଥିଲେ ! ଏଥିସହ କୋଦଳା ଗାନ୍ଧୀ ଛକ ନିକଟରେ ମଧ୍ୟ ସ୍ୱାଗତ କରିବା ସହ ଗାନ୍ଧୀ ମୂର୍ତ୍ତି ରେ ପୁଷ୍ପ ମାଲ୍ୟାର୍ପଣ କରାଯାଇଥିଲା ! ଏହାପରେ ବେଗୁନିଆପଡା ମେଡିକାଲ ଛକ ରେ

ବେଗୁନିଆପଡା ସରପଞ୍ଚ ଓ ସମିତି ସଭ୍ୟ ଙ୍କ ସହ ଅନେକ ବ୍ୟକ୍ତି ସ୍ୱାଗତ କରିବା ପରେ ବ୍ଲକ ନିକଟସ୍ଥ ବାପୁଜୀ ଷ୍ଟାଡିୟମ ରେ ଏକ ସଭା କରାଯାଇ ଥିଲା !ଏଥିରେ ବିଭିନ୍ନ ପଞ୍ଚାୟତ ଜନପ୍ରତିନିଧି, ଛାତ୍ରଛାତ୍ରୀ, ସ୍ୱୟଂ ସହାୟିକା ଗୋଷ୍ଟି ସଦସ୍ୟା, ଅଙ୍ଗନବାଡି କର୍ମୀ, ସହାୟିକା ଉପସ୍ଥିତ ଥିଲେ l ସେଠାରେ ଉକ୍ତ  ଉତ୍ସବରେ ବିଡ଼ିଓ ଙ୍କ ସଂଯୋଜନା ରେ ଜିଲ୍ଲା ଲୋକ ସମ୍ପର୍କ ଅଧିକାର ଯୋଗ ଦେଇ ମହାତ୍ମା ଗାନ୍ଧୀ ଙ୍କ ନେତୃତ୍ୱରେ ସ୍ଵରାଜ ପାଇଁ ଅହିଂସା ଆନ୍ଦୋଳନ ସମ୍ପର୍କରେ ମତବ୍ୟକ୍ତ କରିଥିଲେ !

( ଉମା ମହାରଣା - କୋଦଳା )