21-Sep-2022

ଉଲୁଣ୍ଡା(ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବନାଂଚଲ ଅଧିନସ୍ଥ ବାଘପାଲି ନିକଟ ଚାନ୍ଦିଲି ସଂରକ୍ଷିତ ଜଙ୍ଗଲରୁ କଲରାପତରିଆ ବାଘର ମୃତ ଦେହ ଉଦ୍ଧାର ଘଟଣାରେ ଜଣେ ବନରକ୍ଷୀଙ୍କୁ ନିଲମ୍ବିତ କରଯାଇଥିବା ଜଣାପଡିଛି । ସୂଚନା ଅନୁସାରେ ଗତ ୧୩ ତାରିଖ ଦିନ ଉକ୍ତ ଜଙ୍ଗଲରୁ ବାଘର ମୃତ ଦେହ ଉଦ୍ଧାର କରାଯାଇଥିଲା । ତେବେ ବାରାହ ଶିକାର ପାଇଁ ବିଛା ଯାଇଥିବା ତାର ଲାଗି ବାଘର ମୃତ୍ୟୁ ହୋଇଥିବା ବେଳେ ଶିକାରୀ ମାନେ ଚାରୋଟି ଗୋଡ କାଟି ନେଇଥିବା ତଦନ୍ତରୁ ଜଣାପଡିଥିଲା । ବନବିଭାଗ ପକ୍ଷରୁ ଏହି ଘଟଣାରେ ସଂପୃକ୍ତଥିବା ୬ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟଚାଲାନ କରାଯାଇଛି । କାର୍ଯ୍ୟରେ ଅବହେଲା କରିଥିବା ଅଭିଯୋଗରେ ସୋନପୁର ବନଖଣ୍ଡ ଅଧିକାରୀ ନିତିଶ କୁମାରଙ୍କ ଚିଠି ସଂଖ୍ୟା ୧୫୫ ଅନୁସାରେ  ବନରକ୍ଷୀ ବଳରାମ ନାଏକଙ୍କୁ ନିଲମ୍ବିତ କରିଥିବା ଜଣାପଡିଛି । ଏହି ଘଟଣା ପରେ ଅନ୍ୟ କର୍ମଚାରୀ ମନରେ କୋକୁଆଭୟ ଖେଲିଯାଇଛି ।