21-Sep-2022

ନବରଙ୍ଗପୁର(ମିହିର ଶଙ୍କର ପାତ୍ର) ନବରଙ୍ଗପୁର ଜିଲ୍ଲା ଉନ୍ନୟନ ସମନ୍ନ ୟ ଏବଂ ମୋନି ଟୋରିଂ କମିଟି ବୈଠକ ସ୍ଥାନୀୟ ମିଶନ ଶକ୍ତି ସଭାଗୃହରେ ମାନ୍ୟବର ଲୋକସଭା ସାଂସଦ ନବରଙ୍ଗପୁର,ରମେଶ ଚନ୍ଦ୍ର ମାଝୀ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା। ଏଥିରେ ମାନ୍ୟବର ବିଧାୟକ ନବରଙ୍ଗପୁର ସଦାଶିବ ପ୍ରଧାନି, ମାନ୍ୟବର ବିଧାୟକ ଡାବୁଗାଁ ମନୋହର ରନ୍ଧାରି, ମାନ୍ୟବର ବିଧାୟକ ଉମରକୋଟ ନିତ୍ୟାନନ୍ଦ ଗଣ୍ଡ, ମାନ୍ୟବର ବିଧାୟକ ଝରିଗାଁ ପ୍ରକାଶ ଚନ୍ଦ୍ର ମାଝୀ, ମାନ୍ୟବର ସଭାପତି ଜିଲ୍ଲାପରିଷଦ ମୋତିରାମ୍ ନାୟକ, ଉପ ସଭାପତି ଲିପିକା ବାରୋଇ, ଜିଲ୍ଲାପାଳ ଡକ୍ଟର କମଳ ଲୋଚନ ମିଶ୍ର, ମୁଖ୍ୟ ଉନ୍ନୟନ ଅଧିକାରି ତଥା ମୁଖ୍ୟ ନିର୍ବାହୀ ଅଧିକାରୀ ଜିଲ୍ଲାପରିଷଦ ନବରଙ୍ଗପୁର ରତ୍ନାକର ସାହୁ, ଅତିରିକ୍ତ ଜିଲ୍ଲାପାଳ ଭାସ୍କର ରଇତ, ଉପ ଜିଲ୍ଲାପାଳ ପ୍ରଶାନ୍ତ କୁମାର ରାଉତ, ସାଂସଦଙ୍କ ପ୍ରତିନିଧି ପ୍ରମୋଦ କୁମାର ପାଢ଼ୀ ପୌରପାଳିକା ନବରଙ୍ଗପୁର/ଉମରକୋଟ ର ଅଧକ୍ଷ, ଅଧ୍ୟକ୍ଷା,ସମସ୍ତ ବ୍ଲକ୍ ଅଧକ୍ଷ, ଅଧ୍ୟକ୍ଷା ସରପଞ୍ଚ, କମିଟିର ନିମନ୍ତ୍ରିତ ସଭ୍ୟ ପ୍ରମୁଖ ଯୋଗଦେଇ ଆଲୋଚନାରେ ସକ୍ରିୟ ଅଂଶ ଗ୍ରହଣ କରିଥିଲେ। ଜିଲ୍ଲାପାଳ ଡକ୍ଟର ମିଶ୍ର ପ୍ରାରମ୍ଭରେ ସମସ୍ତଙ୍କୁ ସ୍ବାଗତ କରିଥିଲେ ଏବଂ ବୈଠକର କାର୍ଯ୍ୟସୂଚୀ ଅନୁଯାୟୀ ଜିଲ୍ଲାର ଉନ୍ନୟନ ଓ ବିକାଶ ପାଇଁ କାର୍ଯ୍ୟକାରୀ କରାଯାଉଥିବା ସରକାରଙ୍କର ବିଭିନ୍ନ ଯୋଜନା ଓ କାର୍ଯ୍ୟକ୍ରମ ସଂପର୍କରେ ଆଲୋଚନା କରାଯାଇଥିଲା। ଏଥିରେ ଜିଲ୍ଲାର ଉନ୍ନତ ସ୍ବାସ୍ଥ୍ୟ ସେବା ପାଇଁ କାର୍ଯ୍ୟକାରୀ କରାଯାଉଥିବା ଜାତୀୟ ସ୍ବାସ୍ଥ୍ୟ ମିଶନ, ପ୍ରଧାନ ମନ୍ତ୍ରୀ ଫସଲ ବୀମା ଯୋଜନା, କୃଷୀ ବିକାଶ ଯୋଜନା, ସର୍ବଶିକ୍ଷା ଅଭିଯାନ, ସ୍କୁଲଛାତ୍ର ଛାତ୍ରୀ ଙ୍କ ମଧ୍ୟାହ୍ନ ଭୋଜନ,5T ଉଚ୍ଚ ବିଦ୍ୟାଳୟ, ସ୍ୱଚ୍ଛ ଭାରତ, ଗ୍ରାମ୍ୟ ପାନୀୟ ଜଳ କାର୍ଯ୍ୟକ୍ରମ, ବିଦ୍ୟୁତ୍ ଶକ୍ତି ସେବା, ଜାତୀୟ ସାମାଜିକ ସୁରକ୍ଷା ଭତା, ପ୍ରଧାନ ମନ୍ତ୍ରୀ ଗ୍ରାମ୍ୟ ସଡକ ଯୋଜନା, ପ୍ରଧାନ ମନ୍ତ୍ରୀ ଆବାସ ଯୋଜନା, ମହାତ୍ମା ଗାନ୍ଧୀ କର୍ମ ନିଯୁକ୍ତି ଯୋଜନା,ଭାରତ ମାଳା ପ୍ରକଳ୍ପ, ସମନ୍ୱିତ ଶିଶୁ ବିକାଶ ଯୋଜନା ଇତ୍ୟାଦି ର କାର୍ଯ୍ୟକାରିତା ଓ ଏସବୁର ଅଗ୍ରଗତି ସମ୍ପର୍କରେ ଆଲୋଚନା କରାଯାଇଥିଲା ଜିଲ୍ଲାରେ ବିଶେଷ କରି ଗରିବ ଲୋକଙ୍କ ଉନ୍ନତ ସ୍ବାସ୍ଥ୍ୟ ସେବା ନିମନ୍ତେ ଆବଶ୍ୟକ ଆମ୍ବୁ ଲେନ୍ସ ସେବା, ଉମରକୋଟ ରେ ଏକ ରକ୍ତ ଭଣ୍ଡାର ବ୍ୟବସ୍ଥା କରିବା, ଭାରତ ମାଳ ପ୍ରକଳ୍ପ ପାଇଁ ଘର, ଜମି ହରାଇ ଥିବା ଲୋକଙ୍କୁ କ୍ଷତି ପୂରଣର ଉଚିତ୍ ଅନୁକମ୍ପା ରାଶି ପ୍ରଦାନ ନିମନ୍ତେ ତୁରନ୍ତ ଆବଶ୍ୟକ ପଦକ୍ଷେପ ନେବା ପାଇଁ ବୈଠକ ରେ ମତ ପ୍ରକାଶ ପାଇଥିଲା। ସେହିପରି ଜିଲ୍ଲାର ନଅ ଟି ଗ୍ରାମ ପଞ୍ଚାୟତ ରେ ଉଚ୍ଚ ବିଦ୍ୟାଳୟ ନଥିବା ଓ ନୂତନ ଉଚ୍ଚ ବିଦ୍ୟାଳୟ ଖୋଲାଯିବା ପାଇଁ ସରକାରଙ୍କୁ ପ୍ରସ୍ତାବ ଦିଆଯିବା ସମ୍ପର୍କରେ ମଧ୍ୟ ଆଲୋଚନା କରାଯାଇଥିଲା। ଶେଷରେ ମୁଖ୍ୟ ଉନ୍ନୟନ ଅଧିକାରୀ ତଥା ମୁଖ୍ୟ ନିର୍ବାହୀ ଅଧିକାରୀ ଜିଲ୍ଲାପରିଷଦ ରତ୍ନାକର ସାହୁ ସମସ୍ତଙ୍କୁ ଧନ୍ୟବାଦ୍ ଦେଇଥିଲେ।