20-Sep-2022

ବରଗଡ- ଦିଲ୍ଲୀ ପ୍ରଗତି ମୈଦାନ ବିଜ୍ଞାନ ଭବନ ଠାରେ ଆୟୋଜିତ ନେସନାଲ ଲେଭେଲ ପ୍ରଦର୍ଶନୀ ପ୍ରକଳ୍ପ ପ୍ରତିଯୋଗିତାରେ ବରଗଡ଼ ଜିଲ୍ଲା ରାଜବୋଡାସମ୍ବର ବ୍ଳକ ଅନ୍ତର୍ଗତ ସତିଭଟା  ଦେଉଳି ହାଇସ୍କୁଲର ଛାତ୍ରୀ କଲ୍ୟାଣୀ ସାହୁ କୃତିତ୍ବ ଅର୍ଜନ କରି ଓଡ଼ିଶା ପାଇଁ ଗୌରବ ଆଣିଛନ୍ତି। ତେବେ   ଗତ ୧୩ ତାରିଖରୁ ୧୬ ତାରିଖ ପର୍ଯ୍ୟନ୍ତ ଆୟୋଜିତ ଇନସ୍ପାଏର୍ ଆୱାଡ଼ ପ୍ରକଳ୍ପ ପ୍ରତିଯୋଗିତାରେ ଓଡ଼ିଶାର ଦୁଇଟି ପ୍ରକଳ୍ପ ମନୋନୀତ ହୋଇଥିବା ସୂଚନା ମିଳିଥିବାବେଳେ,  ଓଡିଶା ରୁ ୬୬ପ୍ରକଳ୍ପ ଏହି ପ୍ରତିଯୋଗିତାରେ  ସାମିଲ ହୋଇଥିଲା । ପଦ୍ମପୁର ଛାତ୍ରୀଙ୍କ ଏହି କୃତିତ୍ବ ପାଇଁ ବରଗଡ଼ ଜିଲ୍ଲା ଶିକ୍ଷା ଅଧିକାରୀ ମିତ୍ରଭାନୁ କଛପ ବରଗଡ଼ ଜିଲ୍ଲାର କୃତୀ ପ୍ରତିଯୋଗୀ କଲ୍ୟାଣୀ ସାହୁଙ୍କ ସମେତ ବରଗଡ଼ ଜିଲ୍ଲାର ସମସ୍ତ ୯ ଜଣ ପ୍ରତିଯୋଗୀଙ୍କୁ  ଶୁଭେଚ୍ଛା ଜଣାଇଥିବାବେଳେ,  ରାଜ୍ୟ ପ୍ରତିଯୋଗୀ  ଟିମ ର ନେତୃତ୍ୱ ନେଇଥିବା  ଡି ଇ ଓ ଯାଜପୁର ରଞ୍ଜନ କୁମାର ଗିରି ,ଏଡିଇଓ ଟେମ ଲାଲ ଦୁବେ,ଏସିଷ୍ଟାଣ୍ଟ ଡ଼ାଇରେକ୍ଟର ଜୟା ବାନାର୍ଜୀ ଓ ବରଗଡ଼ ଶିକ୍ଷା ଜିଲ୍ଲା ବିଜ୍ଞାନ ନିରୀକ୍ଷକ ଡ଼ଃ ମନୋଜ କୁମାର ସାହୁଙ୍କୁ ମଧ୍ୟ ଅଭିନନ୍ଦନ ଜଣାଇଛନ୍ତି  । 

ରୋଗୀ ଓ ବୟସ୍କଙ୍କ ପାଇଁ ହାଇଟେକ୍  ବେଡ ପ୍ରକଳ୍ପ ପ୍ରସ୍ତୁତ କରି  କଲ୍ୟାଣୀ   ଜାତୀୟସ୍ତରରେ ପୁରସ୍କୃତ  ହୋଇଛନ୍ତି ।  କଲ୍ୟାଣୀଙ୍କ  ବାପା  ଦିଲେଶ୍ୱର ସାହୁ ଜଣେ ଚାଷୀ ଓ ମା  ଗୋଲାପୀ ସାହୁ  ଗୃହିଣୀ । ଏହି ପ୍ରକଳ୍ପ  ସ୍ୱର୍ଗତ ଶିକ୍ଷକ  ଧନଂଜୟ ସାହୁ  ପରିକଳ୍ପନା କରିଥିଲେ । ସତୀଭଟା ହାଇସ୍କୁଲର ଜଣେ ଛାତ୍ରୀ ଜାତୀୟ ସ୍ତରରେ ପୁରସ୍କୃତ ହୋଇ ଆନ୍ତର୍ଜାତୀୟ ସ୍ତରକୁ ମନୋନୀତ ହେବା ବରଗଡ  ଜିଲା ପାଇଁ  ଗର୍ବ ଓ ଗୈାରବର ବିଷୟ । ଆସନ୍ତା ସେପ୍ଟମ୍ବର ମାସରେ ଆନ୍ତର୍ଜାତୀୟ ସେମିନାର୍ ପାଇଁ ଜାପାନ ଗସ୍ତ କରିବେ କଲ୍ୟାଣୀ ସାହୁ ବୋଲି ଜଣାପଡିଛି ।