19-Sep-2022

ଦେଓଗାଁ / ରାମଚନ୍ଦ୍ରପୁର :ଜୀବନ ଜ୍ୟୋତି ଉତ୍ପାଦକ ଗୋଷ୍ଠୀ କୁ ନେଇ କପଚାଶ ଉପରେ ଏକ କର୍ମଶାଳା ଅନୁଷ୍ଠିତ ହୋଇଯାଇଛି। ୧୮ ଗୋଟି ଏସ ଏଚ ଜି କୁ ନେଇ ଏହି ଗୋଷ୍ଠୀ ଗଠିତ । ଆଜିର ଏହି କପା ଚାଷ କର୍ମଶାଳାକୁ ପ୍ରତି ଏସ ଏଚ ଜି ଗ୍ରୁପ ରୁ ୨

ଜଣ ଲେଖାଏଁ ସଦସ୍ୟ ଆସି କପା ଚାଷ ର ଉପାଦେୟତା ଉପରେ ତାଲିମ ନେଇଥିଲେ । ଏହି ତାଲିମ ଶିବିର ଦେଓଗାଁ ବ୍ଲକ ଅନ୍ତର୍ଗତ ରାମଚନ୍ଦ୍ରପୁର ପଞ୍ଚାୟତ ପରିସରରେ ଅନୁଷ୍ଠିତ ହୋଇଥିଲା । ଭି ଏ ଡବ୍ଲ୍ୟୁ  ଶୁଭ୍ରାଂଶୁ ଶେଖର ରାଉତ କପା ଚାଷ ର ଉପାଦେୟତା ଉପରେ ତାଲିମ ଦେଇଥିବା ବେଳେ ଏମ୍ ବି କେ  ଶ୍ରୀମତୀ ଇନ୍ଦିରା ନାଏକ ସହଯୋଗ କରିଥିଲେ ।ଉଦ୍ୟୋଗୀ ମିତ୍ର ଜୟରାମ ସେଠ୍ କପା ଚାଷ ଉପରେ ସମ୍ୟକ୍ ଧାରଣା ଦେଇଥିଲେ । ୨ ଜଣ ସି ଆର୍ ପି  ଭଗବତୀ ବାଗ ଏବଂ ପାର୍ବତୀ ବାଗ ନିଜ ଅଞ୍ଚଳରେ ହେଉଥିବା କପା ଚାଷ ଉପରେ

ଆଲୋକପାତ କରିଥିଲେ । ଲୋକ ଉନ୍ନତି ସଂଗଠନ ର ଜୁନିଅର କୋଡ଼ିନେଟର ଏହି କର୍ମଶାଳା ରେ ଯୋଗଦାନ କରି ଉପସ୍ଥିତ ଗୋଷ୍ଠୀ ର ସଦସ୍ୟ ମାନଙ୍କୁ ଉତ୍ସାହିତ କରିଥିଲେ । ରାମଚନ୍ଦ୍ରପୁର ପଞ୍ଚାୟତ ନିର୍ବାହୀ ଅଧିକାରୀ ଶ୍ରୀଯୁକ୍ତ ସୂର୍ଯ୍ୟମଣି ମେହେର  ଏହି ଶିବିରର ସୁପରିଚାଳନା ନିମନ୍ତେ ସହଯୋଗ କରିଥିଲେ ।