16-Sep-2022

ବୌଦ୍ଧ(ହୃଦାନନ୍ଦ ମେହେର) - ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ରେ ଦିନକୁ ଦିନ ଦୁଗ୍ଧ ଉତ୍ପାଦନ ବୃଦ୍ଧି ପାଇବାସହ ଏହାର ବିକ୍ରି ପାଇଁ ଦୁଗ୍ଧ ଚାଷୀ ମାନେ ନାହିଁ ନଥିବା ଅସୁବିଧା ରେ ସମ୍ମୁଖୀନ ହେଉଛନ୍ତି l ବର୍ତମାନ ଓମଫେଡ ତରଫରୁ ବ୍ଲକ ର ଲୁଣିବାହାଲ ଠାରେ ଥିବା ଗୋଟିଏ ଦୁଗ୍ଧ ଶୀତଳିକରଣ କେନ୍ଦ୍ର ର କ୍ଷମତା2000ହଜାର ଲିଟର ଥିବା ବେଳେ ପ୍ରତିଦିନ ଏହାଠାରୁ ଯଥେଷ୍ଟ ପରିମାଣ ରେ ଅଧିକ ଦୁଗ୍ଧ ସଂଗ୍ରହ ହେଉଥିବାରୁ ଦୁଗ୍ଧ ଶୀତଳିକରଣ କଷ୍ଟସାଧ୍ୟ ହୋଇପଡିଛି l ତେଣୁ ଚାରିଛକ ରେ ଶୋଚନୀୟ ଅବସ୍ଥା ରେ ପଡ଼ିରହିଥିବା ଦୁଗ୍ଧଶୀତଳି କରଣ ପୁନଃରୁଦ୍ଧାର ଆବଶ୍ୟକତା ରହିଥିବା ବେଳେ ଏହାକୁ ଦୃଷ୍ଟି ରେ ରଖି  ଗୁରୁବାର ଦିନ ବୌଦ୍ଧ ଜିଲ୍ଲାପାଳ ସତ୍ୟ ରଞ୍ଜନ ସାହୁ ଲୁଣବାହାଲ ଓ ଚାରିଛକ ଦୁଗ୍ଧ ଶୀତଳି କରଣ କେନ୍ଦ୍ର ଗୁଡିକ ପରିଦର୍ଶନ ସହ ନିରୀକ୍ଷଣ କରିଥିଲେ l ହରଭଙ୍ଗା ବ୍ଲକ ପ୍ରାଣୀ ଚିକିତ୍ସା ଅଧିକାରୀ ଡା ବୀରେନ୍ଦ୍ର କୁମାର ପୃଷ୍ଟି ଓ ଜିଲ୍ଲାମୁଖ୍ୟ ପ୍ରାଣୀ ଚିକିତ୍ସା ଅଧିକାରୀ 

ଡା ପ୍ରଦୀପ୍ତ କୁମାର ରଥ ଉପସ୍ଥିତ ରହି ଜିଲ୍ଲାପାଳ ଙ୍କୁ ଦୁଗ୍ଧ ଉତ୍ପାଦନ ଓ ଶୀତଳି କରଣର ତଥ୍ୟ ଉପସ୍ଥାପନ କରିଥିଲେ l ଏଥିରେ ଜିଲ୍ଲାପାଳ ବ୍ଲକ ର ଦୁଗ୍ଧ ଉତ୍ପାଦନରେ ସନ୍ତୋଷ ପ୍ରକାଶ କରିବା ସହ ଶୀଘ୍ର ଅଧିକ ରୁ ଅଧିକ ଚାଷୀଙ୍କୁ ନେଇ ସୋସାଇଟି ଗଠନ କରିବାସହ ଦୁଗ୍ଧ ପ୍ରକ୍ରିୟା କରଣ ସହ ଏହାର ଭେଲ୍ୟୁ ଆଡିସନ କରିବାପାଇଁ ପ୍ରକଳ୍ପ ପ୍ରସ୍ତୁତ କରିବାକୁ ଜିଲ୍ଲା ପ୍ରାଣୀ ଚିକିତ୍ସା ଅଧିକାରୀ ଡା ରଥ ଙ୍କୁ ନିର୍ଦେଶ ଦେଇଥିଲେ l ଜିଲାପାଳଙ୍କ ଏହି ପରିଦର୍ଶନ ସମୟ ରେ ବୌଦ୍ଧ ପିଡି ଅଶ୍ୱିନୀ ମେହେର,ଓମଫେଡ ର ସୁପର ଭାଇଜର ଅମୁଲ୍ୟ ଓଝା ଙ୍କ ସମେତ ଅନନ୍ୟ ଅଧିକାରୀ ମାନେ ଉପସ୍ଥିତ ଥିଲେ l