15-Sep-2022

ବରଗଡ:-ବରଗଡ଼ ଜିଲ୍ଲା ବିଜେପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ପରିସରରେ ଥିବା ସମ୍ମିଳନୀ କକ୍ଷ ଠାରେ ଗୋଷ୍ଠୀ ଜନସ୍ବାସ୍ଥ୍ୟ ଅଧିକାରୀ ଡାକ୍ତର ସୁଶାନ୍ତ ମେହେର ଙ୍କ ସଭାପତିତ୍ୱରେ ଜନ ଆରୋଗ୍ୟ ସମିତିର ପ୍ରଶିକ୍ଷଣ ଶିବିର ଦିର୍ଘ ୨ ଦିନଧରି ଅନୁଷ୍ଠିତ ହୋଇଯାଇଛି ।ପ୍ରାରମ୍ଭେ ତା ୧୨.୦୯.୨୦୨୨ ସୋମବାର ଦିନ ଡାକ୍ତର ମେହେର ଙ୍କ ସ୍ୱାଗତ ଭାଷଣ ପରେ କାର୍ଯ୍ୟକ୍ରମ ଶୁଭାରମ୍ଭ ହୋଇଥିଲା ।ପ୍ରଥମ ପର୍ଯ୍ୟାୟ ତା ୧୨.୦୯.୨୦୨୨ରିଖ ସୋମବାର  ଏବଂ ତା ୧୩.୦୯.୨୦୨୨ରିଖ ମଙ୍ଗଳବାର ଅନୁଷ୍ଠିତ ହୋଇଥିବା ବେଳେ,ଦ୍ୱିତୀୟ ପର୍ଯ୍ୟାୟ ୧୪.୦୯.୨୦୨୨ ବୁଧବାର ଏବଂ ତା ୧୫.୦୯.୨୦୨୨ରିଖ ଗୁରୁବାର ଦିର୍ଘ ଦୁଇଦିନ ବ୍ୟାପି ଅନୁଷ୍ଠିତ ହୋଇଯାଇଛି ।ଉକ୍ତ ତାଲିମ କେନ୍ଦ୍ରରେ ୧୪ ଟି ସ୍ୱାସ୍ଥ୍ୟ ଆରୋଗ୍ୟ କେନ୍ଦ୍ର ଏବଂ ସ୍ୱାସ୍ଥ୍ୟ ଉପକେନ୍ଦ୍ର ର ସର୍ବମୋଟ ୯୮ଜଣ ପ୍ରଶିକ୍ଷଣ ରେ ଭାଗ ନେଇଥିଲେ ।ପ୍ରଶିକ୍ଷଣ ରେ ଭାଗ ନେଉଥିବା ବ୍ୟକ୍ତି ମାନଙ୍କ ମଧ୍ୟରେ ସରପଞ୍ଚ,ୱାର୍ଡ ମେମ୍ବର,ସି.ଏଚ.ଓ,ବହୁମୂଖି ସ୍ୱାସ୍ଥ୍ୟକର୍ମୀ,ମହିଳା ସ୍ୱୟଂ ସହାୟିକା ଗୋଷ୍ଠୀ ର ସଭାପତି,ଗ୍ରାମପଞ୍ଚାୟ ସ୍ତରୀୟ ଫେଡେରେସନ୍  ର ସଭାପତି,ସ୍କୁଲ ହେଲଥ୍ ଅମ୍ବାସେଟର ଆଦି କୁ ନେଇ ଏଇ କର୍ମଶାଳା ଅନୁଷ୍ଠିତ ହୋଇଥିଲା ।ଏହାର ଉଦ୍ଦେଶ୍ୟ-ସ୍ୱାସ୍ଥ୍ୟ ଉପକେନ୍ଦ୍ର-ଜନ ଆରୋଗ୍ୟ ସମିତି ମାନଙ୍କରେ ଗଠନ ଓ ସଂରଚନା,ତାର ଉଦ୍ଦେଶ୍ୟ,ଗୁଣାତ୍ମକ ସ୍ୱାସ୍ଥ୍ୟସେବା,ସ୍ୱାସ୍ଥ୍ୟ ପ୍ରୋତ୍ସୋହନ,ଅଭିଯୋଗ ଶୁଣାଣି ଓ

ଦାୟିତ୍ୱବୋଧତା ରେ ସମିତିର ସଭ୍ୟସଭ୍ୟା ମାନଙ୍କର ଭୂମିକା ଏବଂ ଦାୟିତ୍ଵ ବିଷୟରେ ବିଶଦ ଭାବେ ପ୍ରଶିକ୍ଷଣ ର ମୂଳ ଉଦ୍ଦେଶ୍ୟ ଥିଲା ।ଏହି ପ୍ରଶିକ୍ଷଣ ଶିବିର ରେ ଜନ ସ୍ୱାସ୍ଥ୍ୟ ସଂପ୍ରସାରଣ ଅଧିକାରୀ ସୁଦାମ ଚରଣ ପାଣିଗ୍ରାହୀ,ଗୋଷ୍ଠୀ କାର୍ଯ୍ୟକ୍ରମ ପରିଚାଳକ(ବି.ପି.ଏମ) ସୁବାଷ ନନ୍ଦ,ନିଳକଣ୍ଠ ସାମନ୍ତ,ଗୋଷ୍ଠୀ ତଥ୍ୟ ପରିଚାଳକ(ବି.ଡି.ଏମ) ପ୍ରଶିକ୍ଷଣ ପ୍ରଦାନ କରିଥିଲେ ।ଶେଷରେ ବିପିଏମ ସୁବାଷ ନନ୍ଦ ଧନ୍ୟବାଦ ଅର୍ପଣ ପରେ ପ୍ରଶିକ୍ଷଣ ଶିବିର ସମାପନ ହୋଇଥିଲା ।