15-Sep-2022

ସୁବର୍ଣ୍ଣପୁର-  ସୁବର୍ଣ୍ଣପୁର ଜିଲ୍ଲା ଟ୍ରାକ୍ଟର ସଂଘ ପକ୍ଷରୁ ଗାଡି ମାଲିକ ମାନଙ୍କ ଆନ୍ଦୋଳନ ଆଜି ତୃତୀୟ ଦିନ ରେ ପହଁଚିଛି  । ଗତ କାଲି ସହରର ରୟାଲ ପଡିଆରୁ ଏକ ବାଇକ ଶୋଭାଯାତ୍ରାରେ ବାହାରି ସହର ପରିକ୍ରମା କରି ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଂଚି ବିକ୍ଷୋଭ ପ୍ରଦର୍ଶନ କରିଥିଲେ  । ଏହା ସହିତ ଗତ କାଲି ଠାରୁ ସହରରେ ଚାଲୁଥିବା ଟ୍ରାକ୍ଟରଗୁଡିକ ବନ୍ଦ କରି ଦିଆଯାଇଛି । ସହରରେ ଘରୋଇ ଓ ସରକାରୀ ନିର୍ମାଣ ପାଇଁ ଟ୍ରାକ୍ଟର ଗୁଡିକ ବାଲି,ମେଟାଲ, ମୋରୁମ ଆଦି ଘର ତିଆରି ସାମଗ୍ରୀ ନେବା ଆଣିବା କରୁଛନ୍ତି  । ହେଲେ ରାଜସ୍ବ ଅଧିକାରୀମାନେ ଟ୍ରାକ୍ଟରଗୁଡିକୁ ଜବତ କରି ମାତ୍ରାଧିକ ସରକାରୀ ଫାଇନ ଆଦାୟ କରୁଥିବା ଅଭିଯୋଗ ହେଉଛି  ।ସରକାରୀ ବାଲି ଘାଟରୁ ବାଲି ଆଣିଲେ ବି ଘାଟ ଠିକାଦାର ରୟାଲଟି ଟଂକା ଆଦାୟ କରି ଆବଶ୍ୟକ ପରିବହନ ଅନୁମତି ଫର୍ମ ଓ ରୟାଲଟି ରସିଦ ଦେଉନାହିଁ  । ସେପଟେ ବେଆଇନ ଓ ଚୋରୀ ବାଲି ନାଁରେ ରାଜସ୍ବ ଅଧିକାରୀମାନେ ଟ୍ରାକ୍ଟରଗୁଡିକୁ ଜବତ କରି ମନଇଛା ଫାଇନ ଆଦାୟ କରୁଛନ୍ତି  ।ଘାଟ ଠିକାଦାର ରସିଦ ଦେବା ପାଇଁ ପ୍ରଶାସନ ନିର୍ଦ୍ଦେଶ ଦେବାକୁ ଅନୁରୋଧ କରାଯାଇଥିଲେ ବି କେହି ଶୁଣୁ ନ ଥିବା ଅଭିଯୋଗ ହେଉଛି  । ଗୋଟାଏ ପଟେ  କୋଟି କୋଟି ଟଙ୍କା  ବ୍ୟାଙ୍କ ଋଣ କରି ବେକାରୀ ଯୁବକ ବା  ନିରୀହ ଟ୍ରାକ୍ଟର ମାଲିକ( ବ୍ୟବସାୟୀ ) ମାନଙ୍କ ଉପରେ ପ୍ରଶାସନ ଜୁଲୁମ କରିଆସୁଥିବା ବେଳେ ଅନ୍ୟ ପଟେ କିନ୍ତୁ ପାଖ ଆଖ ଜ଼ିଲ୍ଲା ର ବଡ଼ ବଡ଼ ପ୍ରଭାବ ଶାଳୀ ବ୍ୟକ୍ତି  ନେତା ମନ୍ତ୍ରୀଙ୍କ ଚୋରା ବାଲି  ଲୋଡିଙ୍ଗ ଶହ ଶହ  ହାୱାଇ ଗାଡିକୁ ପ୍ରତିଦିନ ରାତି ରେ  ଛାଡି ଦେଇ ଏମାନଙ୍କ ସହିତ ପ୍ରଶାସନ  ସଲା ସୁତୁରା କରିଥିବା ଅଭିଯୋଗ ହେଉଛି l ଯାହାର ପ୍ରମାଣ ହେଲା କାଲି ରାତିରେ ପାଖ ଜ଼ିଲ୍ଲା ର  କୌଣସି ଏକ ମନ୍ତ୍ରୀଙ୍କ ଯେଉଁ  ତିନୋଟି ହାୱାଇ ଗାଡି କୁ ପବ୍ଲିକ ସହିତ ଟ୍ରାକ୍ଟର ସଂଘ ବୁଢା ରାଜା ଛକ ରେ ଧରି  ଜ଼ିଲ୍ଲା ପ୍ରଶାସନ କୁ ହସ୍ତାନ୍ତର କରିଛି  ବୋଲି ଆଲୋଚନା ହେଉଛି l  ଏ ହାୱାଇ ଗାଡି ମାଲିକଙ୍କ ବିରୁଦ୍ଧରେ କେତେ ଫାଇନ ଓ କଣ କାର୍ଯ୍ୟାନୁଷ୍ଠାନ ନିଆଯିବ ତାହା ଏବେ ରୋଚକ ଖବର ହେଇଛି l ଏବଂ ବାହାର ବାଲି ଚୋରା ଗାଡି କୁ କଡା କଡ଼ି ଭାବେ ଧର ପଗଡ଼ କରି ତୁରନ୍ତ ସ୍ଥାନୀୟ  ଟ୍ରାକ୍ଟର ମାଲିକ ସଂଘ ର ଦାବୀ ସମାଧାନ ନ କଲେ ଓ ପେଟ ପାଟଣା ଉପରେ ହକ ଉପରେ ବାଧା ଦେଲେ ଏଇ ଟ୍ରାକ୍ଟର ବନ୍ଦ ଆନ୍ଦୋଳନ ଜାରି ରହିବ ବୋଲି ସଂଘ ପକ୍ଷରୁ ଚେତାବନୀ ଦେଇଛନ୍ତି l ଆମେ ଗାଡି

କାଗଜ ପତ୍ର ଯାଞ୍ଚ କରି ଡିଆଇ ପିଆରଓ ଙ୍କ ଜରିଆରେ ସାମ୍ବାଦିକଙ୍କୁ ସୂଚନା ଦେବୁ ବୋଲି ସକାଳ ୧୧ ରେ କିଛି  ଗଣ ମାଧ୍ୟମ ଙ୍କୁ ତହସିଲଦାର ଶ୍ରୀ ନବୀନ ପାଢ଼ୀ  ପ୍ରକାଶ କରିଥିଲେ l ଏବଂ ରାତା ରାତି ବଡ଼ବଡ଼ିଆ ଲୋକଙ୍କ ଚୋରା ଚାଲାଣ  ବାଲି ଗାଡି ଜାଣି ଶୁଣି ଛାଡୁ ଥିବାର  ବିଷୟ ପବ୍ଲିକର ଅଭିଯୋଗ ହେଉଥିବା ମିଡ଼ିଆଙ୍କ ପ୍ରଶ୍ନ ରେ ଉତ୍ତର ରଖି "ମୋତେ ଯଦି ପୋଲିସ ଫୋର୍ସ  ର ସୁରକ୍ଷା ଦିଆଯିବ ତାହେଲେ ୨୪ ଘଣ୍ଟା ଗାଡି ଯାଞ୍ଚ କରିବି ଆଉ ସହର ବାହାର କୌଣସି ଗାଡି କୁ ଛାଡ଼ିବିନି  ଆଉ ଯାହା ସ୍ୱାର୍ଥ ରେ ଆଞ୍ଚ ଆସିବ ସେମାନେ ଆନ୍ଦୋଳନ କରିବେ ସ୍ୱାଭାବିକ ବୋଲି କହିଥିଲେ l ଏବଂ ଟ୍ରାକ୍ଟର ସଂଘର ଦାବୀ ସମାଧାନ ଦିଗରେ ଏ ଯାଏ ପ୍ରଶାସନ ଗୁରୁତର ସହିତ ବିଚାର ବିମର୍ଶ କରିନି ବୋଲି କହିଥିଲେ l ଯାହାକି ତାଙ୍କ ହାବ ଭାବ ରୁ ପ୍ରଶାସନର କିଛି ଦୁର୍ବଳତା ଓ ଅଡୁଆରେ ଥିବା  ବିଷୟ ବାରି ହୋଇ ପଡୁଥିଲା l