14-Sep-2022

ଆଜି ବଲାଙ୍ଗୀର ଜେଏସ୍‌ଏମ୍ କମର୍ସ କଲେଜରେ ଗ୍ରାଜୁଏସନ୍ ପାସ୍‌ଆଉଟ୍ ଛାତ୍ରଛାତ୍ରୀ ମାନଙ୍କ ପାଇଁ ଗ୍ରାଜୁଏସନ୍ ଡେ ପାଳନ କରାଯାଇଥିଲା । କଲେଜ ପରିସରରେ ଅନୁଷ୍ଠିତ ଏକ ସ୍ୱତନ୍ତ୍ର କନଭୋକେସନ୍ ଡେ ପାଳନ ଅବସରରେ  ୨ଠ୨୨ ରେ ଗ୍ରାଜୁଏସନ ପାସ୍‌ଆଉଟ୍ ଛାତ୍ରଛାତ୍ରୀ ମାନଙ୍କୁ କଲେଜ ପକ୍ଷରୁ ସାର୍ଟିଫିକେଟ ଓ ଟ୍ରଫି ପ୍ରଦାନ ପୂର୍ବକ ସମ୍ବର୍ଦ୍ଧିତ କରାଯାଇଥିଲା । ଏଥିସହ + ୨ ପାସ ଆଉଟ୍ ଛାତ୍ରଛାତ୍ରୀ ମାନଙ୍କୁ ମଧ୍ୟ ସ୍ୱତନ୍ତ୍ରଭାବେ  ସମ୍ମାନିତ କରାଯାଇଥିଲା । କଲେଜର ପ୍ରତିଷ୍ଠାତା ତଥା ନିର୍ଦ୍ଦେଶକ ସି.ଏ ଶ୍ରୀାନ୍ତ ଶର୍ମା ଙ୍କ ପୌରହିତ୍ୟରେ ଆନୁଷ୍ଠିତ ଏହି ସମ୍ବର୍ଦ୍ଧନା ସଭାରେ ମୁଖ୍ୟ ଅତିଥି ଭାବରେ ବଲାଙ୍ଗୀର ବିଧାୟକ ନରସିଂହ ମିଶ୍ର ଓ ସମ୍ମାନିତ ଅତିଥି ଭାବରେ ବଲାଙ୍ଗୀର ନାଗରିକ କମିଟିର ସାଧାରଣ ସଂପାଦକ ମନୋରଂଜନ ସାହୁ ଯୋଗ ଦେଇ + ୨ ଓ ଗ୍ରାଜୁଏସନ୍‌ରେ ସଫଳତାର ସହ ଉର୍ତ୍ତୀର୍ଣ୍ଣ ହୋଇଥିବା ଶିକ୍ଷାର୍ଥୀ ମାନଙ୍କୁ ସମ୍ବର୍ଦ୍ଧିତ କରିଥିଲେ । ଗ୍ରାଜୁଏସନ୍ ରେ ୧୭ ଜଣ ଓ + ୨ ରେ ୩ଠ ଜଣ ଛାତ୍ରଛତ୍ରୀଙ୍କୁ  ସମ୍ମାନିତ କରାଯାଇଥିଲା । ଏହି ଉତ୍ସବରେ କଲେଜର ସମସ୍ତ ଛାତ୍ରଛାତ୍ରୀ ଓ ଅଧ୍ୟାପକ ଅଧ୍ୟାପିକା ମାନେ ଉପସ୍ଥିତ ଥିଲେ ।