13-Sep-2022

ପାଟଣାଗଡ଼(ପୁର୍ଣ୍ଣ ଶଶୀ ଶେଖର ରାଓ) ପାଟଣାଗଡ଼ ଡାକ୍ତରଖାନାକୁ ପାଟଣାଗଡ଼ ଉପଖଣ୍ଡ ତଥା ପଡ଼ୋଶୀ ଜିଲ୍ଲାରୁ ମଧ୍ୟ ରୋଗୀ ମାନେ ଆସି ଚିକିତ୍ସିତ ହେଉଛନ୍ତି କିନ୍ତୁ ଏଠାରେ ବିଭିନ୍ନ ସମସ୍ୟା ସହ ଡାକ୍ତର ସମସ୍ୟା ମଧ୍ୟ ନଜିର ରହିଛି । ସ୍ୱାସ୍ଥ୍ୟ ସେବାକୁ ଗୁରୁତ୍ୱ ଦେଇ ବିଗତ ତା.୨୨.୦୮.୨୨ ରେ ପାଟଣାଗଡ଼ ଉପଖଣ୍ଡ ଚିକିତ୍ସାଳୟକୁ ରାଜ୍ୟସଭା ସାଂସଦ  ନିରଞ୍ଜନ ବିଶି ପାଟଣାଗଡ଼ ଡ଼ାକ୍ତରଖାନାକୁ ଅଚାନକ ପରିଦର୍ଶନ କରିଥିଲେ ଓ ପରେ ଗତ ତା.୨୭.୦୯.୨୨ ରେ

ଘସିଏନ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ମଧ୍ୟ ଅଚାନକ ପରିଦର୍ଶନ ରେ ଯାଇଥିଲେ ଓ ଡ଼ାକ୍ତରଖାନାର କୁତ୍ରିମ ଅବହେଳା ଦେଖି କ୍ଷୋଭ ପ୍ରକାଶ ସହ ଡାକ୍ତର ମାନଙ୍କୁ ତାଗିତ କରିଥିଲେ ।ରୋଗୀ ମାନଙ୍କ ସହିତ ଡାକ୍ତରଖାନାରେ ମିଳୁଥିବା ସୁବିଧା ସୁଯୋଗ ବିଷୟରେ ପଚାରି ବୁଝିଥିଲେ । ରୋଗୀ ମାନଙ୍କ  ବିଭିନ୍ନ ସମସ୍ୟା ସମ୍ପର୍କରେ ପଚାରି ବୁଝିଥିଲେ । ରୋଗୀ ଓ ରୋଗୀ ପରିଜନ ମାନେ ଡ଼ାକ୍ତରଖାନା ବିଭିନ୍ନ ସମସ୍ୟା ସମ୍ପର୍କରେ ସାଂସଦ ଙ୍କୁ ଅବଗତ କରାଇଥିଲେ । ଡାକ୍ତରଖାନା ରେ ଡାକ୍ତର ନିଯୁକ୍ତି କରିବା ପାଇଁ ଅନୁରୋଧ କରିଥିଲେ ।

ଜନସାଧାରଣଙ୍କ ସ୍ୱାସ୍ଥ୍ୟ ଗତ ସମସ୍ୟାକୁ ଗୁରୁତ୍ୱ ଦେଇ ତାର ସମାଧାନ ପାଇଁ ସାଂସଦ ସ୍ୱସ୍ଥ୍ୟ ମନ୍ତ୍ର ନବକିଶୋର ଦାସ ଙ୍କୁ ଚିଠି ଲେଖି ଡ଼ାକ୍ତରଖାନାର ଡାକ୍ତର ନିଯୁକ୍ତି ତଥା ଲାଗି ରହିଥିବା ବିଭିନ୍ନ ସମସ୍ୟା ସମ୍ପର୍କରେ ଅବଗତ କରାଇଥିଲେ । ସାଂସଦଙ୍କ ଅନୁରୋଧକୁ ରକ୍ଷା କରି ମାନ୍ୟବର ସ୍ୱାସ୍ଥ୍ୟ ମନ୍ତ୍ରୀ ଙ୍କ ନିର୍ଦ୍ଦେଶ କ୍ରମେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପତ୍ର ସଂଖ୍ୟା-୨୦୦୩୪ ତା.୧୨.୦୯.୨୨ ଅନୁସାରେ ପାଟଣାଗଡ଼ ଡ଼ାକ୍ତରଖାନାରେ ଚକ୍ଷୁ ବିଶେଷଜ୍ଞ ଶ୍ରୀ ଜୟନ୍ତ ସେଠ ଙ୍କୁ ଓ ଘସିଏନ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଶିଶୁ ରୋଗ ବିଶେଷଜ୍ଞ ବିଚିତ୍ରାନନ୍ଦ ସା ଙ୍କୁ ନିଯୁକ୍ତି ଦିଆଯାଇଛି । ଉଭୟ ଡ଼ାକ୍ତରଖାନାରେ ଡାକ୍ତର ନିଯୁକ୍ତି ହୋଇଥିବାରୁ ଜନସାଧାରଣ ସାଂସଦଙ୍କୁ କୃତଜ୍ଞତା ଜଣେଇବା ସହ ଏହି ମହତ ଉଦ୍ୟମକୁ ଅଞ୍ଚଳରେ ଭୁରି ଭୁରି ପ୍ରଶଂସା କରୁଛନ୍ତି ଓ ଅଞ୍ଚଳରେ ଖୁସିରେ ଲହରୀ ଖେଳିଯାଇଛି ।