13-Sep-2022

ବଲଙ୍ଗୀର(ପ୍ରେରଣା ଖବର): ଜନଗହଳିପୂର୍ଣ୍ଣ ମୁଖ୍ୟ ରାସ୍ତା ଗୁଡିକରେ ବୁଲା ଗାଈଗୋରୁ ମାନଙ୍କ ଅବାଧ ପ୍ରବେଶ ଯୋଗୁଁ ଅନେକ ସମୟରେ ରାସ୍ତା ର୍ଦୁଘଟଣା ମାନ ଗଟୁଛି । ରାସ୍ତାରେ ବିଚରଣ କରୁଥିବା ଏହି ଗାଈଗୋରୁ ମାନଙ୍କ କାଞ୍ଜି ହାଉସ୍‌ରେ ଥଇଥାନ କରିବା ପାଇଁ ବଲାଙ୍ଗୀର ମୁନିସିପାଲିଟି ପକ୍ଷରୁ ଘୋଷଣl କରାଯାଇଥିଲେ ମଧ୍ୟ ଏହା କାର୍ଯ୍ୟକାରୀ ହୋଇ ପାରି ନାହିଁ, ଯାହାର ଫଳସ୍ୱରୂପ ଆଜି ଏପରି ଏକ ଅଭାବନୀୟ ଘଟଣା ଘଟିଛି । ଆଜି ସଂଧ୍ୟା ପ୍ରାୟ ୮ ଟା ସମୟରେ ବଲାଙ୍ଗୀର ଆର୍‌ଟିଓ ଅଫିସ ନିକଟସ୍ଥ ସ୍ମଶାନ ଘାଟ ନିକଟର ବ୍ରିଜ ଉଉରେ କିଛି ଗାଈଗୋରୁ ଶୋଇଥିବା ବେଳେ ବଲାଙ୍ଗୀର ପଟୁ ଦୃତ ଗତିରେ ଯାଉଥିବା ଏକ ବାଇକ୍ ଚାଳକ ହଠାତ୍ ଏହି ଗାଈମାନଙ୍କ ଉପରେ ମାଡି ଯାଇଥିଲେ । ବାଇକ୍ ଧକ୍କାରେ ଗୋଟିଏ ଗାଈ ମୁର୍ମୁଷ ଅବସ୍ଥାରେ ପଡିଥିବା ବେଳେ ବାଇକ୍ ଚଳକ ମଧ୍ୟ ଗୁରୁତର ଆହାତ ହୋଇ ବଲାଙ୍ଗୀର ଭୀମ ଭୋଇ ମେଡିକାଲ କଲେଜରେ ଭର୍ତ୍ତି ହୋଇଛନ୍ତି । ବଲାଙ୍ଗୀର ର ଏକ ଲୁହା ଦୋକାନରେ କାମ କରୁଥିବା ଏହି ବାଇକ୍ ଚାଳକ ଙ୍କ ନାମ ସୁମନ୍ତ ନନ୍ଦ(୨୬) ଓ ସେ ବଲାଙ୍ଗୀର ସଦର ବ୍ଲକ କୁଡାସିଂହା ଗାଁ ର ବାସୀନ୍ଦା ବୋଲି ଜଣାପଡିଛି ।