11-Sep-2022

ବଲାଙ୍ଗୀର: ଆଜି ବଲାଙ୍ଗୀର ସଦର ବ୍ଲକ କୁଡାସିଂହା ଠାରେ ସାର୍ବଜନୀନ କଳାପରିଷଦ ପକ୍ଷରୁ ନୂଆଁଖାଇ ଜୁହାର୍ ଭେଟ୍‌୍ ମହାସମାରୋହରେ ପାଳିତ ହୋଇଯାଇଛି । ଏଥିରେ ମୁୁଖ୍ୟ ଅତିଥି ଭାବରେ ବଲାଙ୍ଗୀର ବିଧାୟକ ତଥା କଂଗ୍ରେସର ବରିଷ୍ଠ ନେତା ନରସିଂହ ମିଶ୍ର ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବରେ ଓ ଟିଭିର ସାମ୍ବାଦିକ ମନୋରଂଜନ ଯୋଶୀ  ଯୋଗ ଦେଇ ଜନସାଧାରଣଙ୍କୁ ଉଦ୍‌ବୋଧନ ଦେଇଥିଲେ । ସମାଜରେ ଏକତା ଓ ଅଖଣ୍ଡତାକୁ ବଜାୟ ରଖିବା ପାଇଁ ଆମେ ସମସ୍ତେ ଦଳମତ ନିର୍ବିଶେଷ ରେ କାମ କରିବାକୁ ପଡିବ ବୋଲି ଅତିଥି ମାନେ ଉଦ୍‌ବୋଧନ ଦେଇଥିଲେ । ମନୋମାଳିନ୍ୟକୁ ଦୁର କରି ସମସ୍ତଙ୍କୁ  ଏକତାର ରଜ୍ୱୁରେ ବାନ୍ଧି ରଖିବାର ବାର୍ତ୍ତା ଦେଇଥାଏ ନୂଆଁଖାଇ ବୋଲି ମତପ୍ରକାଶ ପାଇଥିଲା । ଲୋଇସିଂହା ସାଧନା ଡେନ୍ସ ଗୃପ୍ ଓ ପୁଇଁନ୍ତଳା ଢ଼ୋଲ ମୁହୁରୀ ପକ୍ଷରୁ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା । ଏହି ଅବସରରେ  ସମାଜର ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ କିଛି ବ୍ୟକ୍ତିବିଶେଷଙ୍କୁ ସମ୍ମାନିତ କରାଯାଇଥିଲା ।  କାର୍ଯ୍ୟକ୍ରମକୁ ସଫଳ କରିବାରେ ମାହେଶ୍ୱରୀ ସଂଗଠନର ଅଙ୍କୁଶ ପାଣ୍ଡିଆ, ସାମ୍ବାଦିକ ବଦ୍ରି ନବାରାୟଣ ମିଶ୍ର ଓ ଅନ୍ୟ ମାନେ ସହଯୋଗ କରିଥିଲେ ।