10-Sep-2022

ବୌଦ୍ଧ(ହୃଦାନନ୍ଦ ମେହେର): ଚଳିତ ବର୍ଷ ଲଗାଣ ବର୍ଷା ଓ ବନ୍ୟାରେ ବୌଦ୍ଧ ଜିଲ୍ଲା ହରଭଙ୍ଗା ଅଂଚଳରେ ବହୁ କ୍ଷୟକ୍ଷତି ଘଟିଛି !ଏହି କ୍ଷୟକ୍ଷତି ଭିତରେ ହରଭଙ୍ଗାର ବଜାର ସାହି ଓ ଟିକିରା ସାହି ର ୩ ଟି ଅସହାୟ ପରିବାରର ଘର ଭାଙ୍ଗି ଯିବା ଫଳରେ ସେହି ଭଙ୍ଗା ଘରେ ଦିନ ବିତୁଛି ଏହି ପରିବାରର ୩ ଟି ପରିବାର ଭିତରୁ  ୨ଜଣ ବିଧବା ଥିବାବେଳେ ଜଣେ ସ୍ୱାମୀ ପରିତ୍ୟକ୍ତl ବିଧବା ସତ୍ୟଭାମା ନାଏକ, ବିମଳା ମୁଦୁଲି ଓ ସ୍ୱାମୀ ପରିତ୍ୟକ୍ତl ଲଷ୍ମୀ ମାଲିକ ପର ଘରେ ମୁଲ ଲାଗି ଜୀବନ ବିତୁଥିବା ବେଳେ ଏ ବର୍ଷ ବନ୍ୟା ଦାଉ ସାଧି ଘର ଉଜାଡି ଦେଲା!ଏହି ତିନିଜଣ ଭୂମିହୀନ ଥିବାବେଳେ ଏବେ ବାସହରା

ହୋଇଯାଇଛନ୍ତି । ଜରିପାଲ ତଳେ ଏବେ ଏହି ତିନି ପରିବାରର ବିତୁଛି ଜୀବନ । ବନ୍ୟାରେ ଏମାନଙ୍କ ଲୁଗାପଟା, ବାସନ, ଚାଉଳ ଘର ଚଳଣି ଆସବାବ ପତ୍ର ସବୁ ଭାସି ଯିବାସହ ମୁଣ୍ଡ ଉପରୁ ଚାଲ ବି ଭାସିଯିବା ସହ ଘର ସଂପୁର୍ଣ ଭାଙ୍ଗି ଯାଇଛି । ଏମାନେ ସମସ୍ତେ ଦlରିଦ୍ର ର ସୀମାରେଖା ତଳେ ବାସ କରନ୍ତି ।ଏଣୁ ଜିଲ୍ଲା ପ୍ରଶାସନ ପକ୍ଷରୁ ତୁରନ୍ତ ଏମାନଙ୍କୁ ଆବାସ ଯୋଜନା ରେ ସାମିଲ କରି ଆବାସ ଗୃହ ଯୋଗାଇ ଦେବା ସହ ଉଚିତ ଥଇଥାନ ପାଇଁ ହିତାଧିକାରୀ ମାନେ ଦାବି କରିଛନ୍ତି।