10-Sep-2022

ବଲାଙ୍ଗିର/ ଖପ୍ରାଖୋଲ (ପୁର୍ଣ୍ଣ ଶଶୀ ଶେଖର ରାଓ)  ଖପ୍ରାଖୋଲ ବ୍ଲକ ଘୁନସରରେ  ପ୍ରଗତି ପଞ୍ଚାୟତ ଉଚ୍ଚ ବିଦ୍ୟାଳୟଠାରେ ୫ଟି ରୂପାନ୍ତରିତ କାର୍ଯ୍ୟକ୍ରମ ସମ୍ପର୍କିତ ପ୍ରଥମ ବୈଠକ ଶନିବାର ଅନୁଷ୍ଠିତ ହୋଇଯାଇଛି l  ବୈଠକରେ ପ୍ରଧାନ ଶିକ୍ଷକ ଐଶର୍ଯ୍ୟ କୁମାର ଦେବତା ଙ୍କ ଅଧ୍ୟକ୍ଷତା କରିଥିବା ବେଳେ  ୫ଟି ସମ୍ବନ୍ଧୀୟ କାର୍ଯ୍ୟ ଗୁଡ଼ିକର ଉପରେ ଆଲୋଚନା  ହୋଇଥିଲା । ରାଜ୍ୟସରକାରଙ୍କ ଏହି ଯୋଜନା ସଫଳ ପାଇଁ ସମସ୍ତ ଅଭିଭାବକ ସହଯୋଗ ଦେବାକୁ  ପ୍ରଧାନଶିକ୍ଷକ ଅନୁରୋଧ କରିଥିଲେ । ଛାତ୍ରୀଛାତ୍ରଙ୍କୁ ପ୍ରତିଦିନ ସ୍କୁଲକୁ ପଠେଇବା ସହ ଘରୋଇ କାର୍ଯ୍ୟରେ ସେମାନଙ୍କୁ ବ୍ୟସ୍ତ ନ କରିବାକୁ ଅନୁରୋଧ କରିଥିଲେ । ବିଦ୍ୟାଳୟ ରୂପାନ୍ତର ହେଲେ ପିଲାମାନେ ଇ-ଲାଇବ୍ରେରି,ସ୍ମାର୍ଟ କ୍ଲାସ, ବିଜ୍ଞାନଗାର ସହ ପାଠ ପଢ଼ିବାର ସୁଯୋଗ ପାଇବେ । ପରିବେଶ ସୁନ୍ଦର ତଥା ସୁରକ୍ଷିତ ହୋଇପାରିବ , ସେ ବିଷୟରେ ମଧ୍ୟ ଅତିଥିମାନେ ବକ୍ତବ୍ୟ ରଖିଥିଲେ ଏହି କାର୍ଯ୍ୟକ୍ରମ ରେ ସମାଜସେବୀ ଜ୍ୟୋତିଷ ସାହୁ, ପୂର୍ବତନ ସମିତିସଭ୍ୟ ମୋହନ ସୁନା,  ମାୟାଧର ସାହୁ, ବିଦ୍ୟାଳୟର ପୂର୍ବତନ ସଭାପତି ଭୂଜ ସାହୁ, ନାଏବ ସରପଞ୍ଚ କଳ୍ପତରୁ ମାଝୀ ପ୍ରମୁଖ ମଞ୍ଚାସିନ ଥିଲେ । ଏହି କାର୍ଯ୍ୟକ୍ରମ ରେ ସ୍କୁଲ ର ସମସ୍ତ ଶିକ୍ଷୟତ୍ରୀ ଶିକ୍ଷକ, ଛାତ୍ରୀ ଛାତ୍ର, ଅଭିଭାବକ ଉପସ୍ଥିତ ଥିଲେ l