10-Sep-2022

ବଲାଙ୍ଗିର(ପ୍ରେରଣା ଖବର) : ବଲାଙ୍ଗିର ମୁନିସିପାଲିଟି ଅନ୍ତର୍ଗତ ୱାର୍ଡ଼ ନମ୍ବର୍ ୫ (ଆନନ୍ଦ ନଗର) ର ଗୋଟିଏ ସର୍ବସାଧାରଣ ରାସ୍ତାକୁ ବନ୍ଦ କରି ଦେଇଥିବା ଯୋଗୁଁ ଏହି ପଡ଼ାର ଅଧିବାସୀ ମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି l  କିଛି ବର୍ଷ ପୂର୍ବରୁ ଏହି ସର୍ବସାଧାରଣ ରାସ୍ତାକୁ ଜୈନେକ ବ୍ଯକ୍ତି ଜଣକ ଅବରୋଧ କରି ଦେଇଥିବା ଯୋଗୁଁ ଏହା ବିରୁଦ୍ଧରେ ହାଇକୋର୍ଟ ରେ ଏକ PIL ମଧ୍ୟ ଫାଇଲ୍ ହୋଇଥିଲା   WP(C) ୧୬୩୩୪/୨୦୦୭ ରେ ମାନ୍ୟବର ହାଇକୋର୍ଟ ରାସ୍ତା ଅବରୋଧ ହଟାଇ ସର୍ବସାଧାରଣଙ୍କ ପାଇଁ ଖୋଲିବାକୁ ଆଦେଶ ଦେଇ ଥିଲେ l ପ୍ରସାଶନ ପକ୍ଷରୁ ରାସ୍ତା ଅବରୋଧ ହଟାଇ ସର୍ବସାଧାରଣଙ୍କ ପାଇଁ ଗମନାଗମନର ସୁବିଧା କରାଯାଇଥିଲା l ଏବେ ସେହି ଅବରୋଧକାରୀ ଜଣକ ସର୍ବସାଧାରଣ ରାସ୍ତା ରୁ ପୂର୍ବରୁ ଅବରୋଧ ହଟା ଯାଇଥିବା ସ୍ଥାନରେ ପୁଣି ଥରେ ରାସ୍ତା  କୁ ସମ୍ପୂର୍ଣ୍ଣ ଭାବେ ବନ୍ଦ କରିଦେଇଛନ୍ତି l l କିଛି ଦିନ ତଳେ ଆନନ୍ଦନଗର ବାସୀ ବଲାଙ୍ଗିର ଜିଳ୍ଲାପାଳ ଚଞ୍ଚଳ ରlଣାଙ୍କୁ ସାକ୍ଷାତ କରି  ସର୍ବସାଧାରଣ ରାସ୍ତାରୁ ଅବରୋଧ ହଟାଇ ରାସ୍ତା  ର ଉନ୍ନତିକରଣ ପାଇଁ ଆବେଦନ କରିଥିଲେ  l  ଅଭିଯୋଗ ପାଇବା ପରେ ଜିଲ୍ଲାପାଳ ଶ୍ରୀ ରlଣା ସି ଆର୍ ପି ସି ଧାରା  ୧୧୦  କୁ ଲାଗୁ କରିବା ସହିତ  ସର୍ବସାଧାରଣ ରାସ୍ତାରୁ  ତୁରନ୍ତ ଅବରୋଧ ହଟାଇବାକୁ ନିର୍ଦ୍ଦେଶ ଦେଇଛନ୍ତି l ତେବେ ବଲାଙ୍ଗିର ଜିଲ୍ଲାପାଳଙ୍କ ଆଦେଶ ଆଜି ପର୍ଯ୍ୟନ୍ତ କାର୍ଯ୍ୟକାରୀ ହୋଇ ପାରି ନାହିଁ l  l ତେବେ ଏହି ସର୍ବସାଧାରଣ ରାସ୍ତା ର ଉନ୍ନତିକରଣ ପାଇଁ ପଡା ବାସୀ ପ୍ରସାଶନ ଠାରେ ଦାବି କରିଛନ୍ତି l