09-Sep-2022

ବରଗଡ:- ରାଜ୍ୟସରକାର ପିଲା ମାନଙ୍କ ଉଜ୍ଜଳ ଭବିଷ୍ୟତ ପାଇଁ ବରଗଡ ଜିଲ୍ଲା ବିଜେପୁର ବ୍ଳକ ସ୍ଥିତ ଏମ ଗଣ୍ଡପାଲି ଠାରେ ଏକ ଓଡ଼ିଶା ଆଦର୍ଶ ବିଦ୍ୟାଳୟ ଟିଏ ନିର୍ମାଣ କରିଛନ୍ତି ।ଏଠି ଅନେକ ଛାତ୍ରଛାତ୍ରୀ ପାଠ ପଢ଼ୁଛନ୍ତି ।ଆଜି ବିଜେପୁର ଅଗ୍ନିଶମ ବିଭାଗ ପକ୍ଷରୁ ବିଦ୍ୟାଳୟ ର ଅଧ୍ୟକ୍ଷ ଶ୍ରୀମାନ ଫକିର ମୋହନ ଆଚାର୍ଯ୍ୟ ଙ୍କ ଅନୁମତି କ୍ରମେ ଅଗ୍ନିଶମ ବିଭାଗର ଅଧିକାରୀ ଶ୍ରୀଯୁକ୍ତ ଭ୍ରମରବର ମହାନ୍ତି ତାଙ୍କ ଟିମ୍ ସହ ବିଦ୍ୟାଳୟ ରେ ପହଞ୍ଚିଥିଲେ ।ସ୍କୁଲ ର ଅଧ୍ୟକ୍ଷ ଶ୍ରୀମାନ ଆଚାର୍ଯ୍ୟ ଙ୍କ ସମେତ ସହକାରୀ ଶିକ୍ଷକ ରୁଷିଆ ମେହେର,ଲିଙ୍ଗରାଜ ପ୍ରଧାନ,ଲିପ୍ସିତା ଶାବର,ସ୍ନିଗ୍ଧା ପ୍ରଧାନ,ଟଙ୍କଧର ନାୟକ,ସତ୍ୟବାନ ମେହେର,ସୁଶିଲ ପ୍ରଧାନ,ସଞ୍ଜିବ କୁମାର ବେହେରା,ଜୟନ୍ତ କୁମାର ଠାକୁର,ଲୋକନାଥ ମେହେର ତଥା ସମସ୍ତ କର୍ମଚାରୀ ମାନଙ୍କ ଉପସ୍ଥିତି ରେ, ପ୍ରଥମେ ପ୍ରାକୃତିକ ବିପର୍ଯ୍ୟୟ କଣ,ଏହାର ମୁକାବିଲା କିଭଳି ଭାବେ କରିବା ସେ ବିଷୟ ରେ ଶ୍ରୀ ମହାନ୍ତି ଉପସ୍ଥିତ ଛାତ୍ରଛାତ୍ରୀ ଙ୍କୁ ପ୍ରାୟ ଗୋଟାଏ ଘଣ୍ଟା ପର୍ଯ୍ୟନ୍ତ ପ୍ରାଞ୍ଜଳ ଭାବେ ବୁଝାଇଥିଲେ ।ଏ ଅବସରରେ ଅଗ୍ନିଶମ ବିଭାଗ ବିଜେପୁର ର ମୁଖ୍ୟ ଆଗ୍ନିକ ଅଶ୍ୱୀନି କୁମାର ସାହୁ,ଆଗ୍ନିକ ରଞ୍ଜନ ମୁଣ୍ଡା,ହିମାଂଶୁ ଭୋଇ,ମୁକେଶ କାଲୋ ଅମରଦୀପ ଡୁଙ୍ଗଡୁଙ୍ଗ,ଗାଡ଼ି ଚାଳକ ସଞ୍ଜିତ ଉରି ପର୍ଯ୍ୟାୟ କ୍ରମେ ନଦୀରେ  ବୁଡିଯାଉଥିବା ଜଣେ ମଣିଷ କୁ କି ଭଳି ଭାବେ ଉଦ୍ଧାର କରିବା,ସାପ କିମୁଡିଥିବା ଜଣେ ବ୍ୟକ୍ତି ଙ୍କୁ କଣ ଏବଂ କେଉଁ

ପଦ୍ଧତି ଅବଲମ୍ବନ କଲେ ବଞ୍ଚାଇ ପାରିବା,ଏଲପିଜି ଗ୍ୟାସ ବର୍ତ୍ତମାନ ସମସ୍ତଙ୍କ ଘର ରୋଷେଇ ଶାଳରେ ।ହେଲେ ଗ୍ୟାସ ଲିକ୍ ସହ କିଭଳି ଭାବରେ ନିଆଁ କୁ ଆୟତଃ କରିବା,ଭଙ୍ଗା ଘର ଓ ଗାଡି ଧକ୍କା ରେ ଆହତ ଲୋକ କୁ କେଉଁ ଉପାୟରେ ଉଦ୍ଧାର କରିପାରିବା,ଘର ଉପରୁ ଜଣେ ଅସହାୟ ଲୋକ କଷ୍ଟରେ ମୋତେ ବଞ୍ଚାଅ ବଞ୍ଚାଅ ବୋଲି ଚିତ୍କାର କରୁଛି,ତେବେ କେଉଁ ପଦ୍ଧତି ରେ ସେଇ ଅସହାୟ ବ୍ୟକ୍ତି କୁ ଉଦ୍ଧାର କରିପାରିବା ସେ ନେଇ ଉପସ୍ଥିତ ସମସ୍ତ ଛାତ୍ରଛାତ୍ରୀ,ଅଧ୍ୟକ୍ଷ,ସହକାରୀ ଶିକ୍ଷକ ତଥା ସ୍କୁଲ ରେ କାର୍ଯ୍ୟରତ କର୍ମଚାରୀ ମାନଙ୍କ ଗହଣରେ ତାଙ୍କ କଳା ପ୍ରଦର୍ଶନ କରିଥିଲେ ।ଶିକ୍ଷଣୀୟ ବିପର୍ଯ୍ୟୟ ମୁକାବିଲା ର ତାଲିମ ନେଇ ସାରିବାପରେ ଛାତ୍ରଛାତ୍ରୀ ମାନେ ମଧ୍ୟ ସେଇ କଳା କେତେଯେ,ବୁଝିପାରିଲେ ସେ ନେଇ ସମସ୍ତ ଙ୍କ ସମ୍ମୁଖରେ ତାଙ୍କ କୈାଶଳ ପ୍ରଦର୍ଶନ କରିଥିଲେ ।ଶେଷରେ ଓଡ଼ିଶା ଆଦର୍ଶ ବିଦ୍ୟାଳୟ ର ଅଧ୍ୟକ୍ଷ ଶ୍ରୀମାନ ଆଚାର୍ଯ୍ୟ ବିଦ୍ୟାଳୟ ପକ୍ଷରୁ ବିଜେପୁର ଦମକଳ ବିଭାଗୀୟ କର୍ମଚାରୀ ବୃନ୍ଦ ଙ୍କୁ ଧନ୍ୟବାଦ ଜଣାଇଥିଲେ ।